<p><span style="color: #000000;"><strong>(ឡាវេហ្គាស)៖</strong> ស្តេចប្រដាល់សកលប្រចាំទ្វីបអាស៊ី Manny Pacquiao ទទួលបានទឹកប្រាក់ធានារ៉ាប់រងចំនួន ៤លានដុល្លារ ពីការឡើងវ៉ៃដណ្តើមខ្សែក្រវាត់ទម្ងន់មធ្យមពិភពលោក WBO ទល់នឹងជើងខ្លាំងអាមេរិក Jessie Vargas កាលពីថ្ងៃអាទិត្យ ទី៦ ខែវិច្ឆិកា ឆ្នាំ២០១៦ សប្តាហ៍មុន បន្ថែមលើតម្លៃខ្លួន ៧៥ភាគរយដែលទទួលបានពីសង្វៀន Thomas and Mack Center។</span></p>
<p><span style="color: #000000;">នាយកប្រតិបតិ្តផ្សព្វផ្សាយ និងផ្គូផ្គងកីឡាករប្រចាំ Top Rank លោក Bob Arum បានថ្លែងប្រាប់ Bleacher Report ថា <strong>«ការប្រកួតដណ្តើមខ្សែក្រវាត់ WBO កាលពីថ្ងៃអាទិត្យកន្លងទៅ PacMan ទទួលបាន ៤លានដុល្លារពីធានារ៉ាប់រង ខណៈដែលកីឡាករម្ចាស់ផ្ទះ Vargas ទទួលបាន ២.៨លានដុល្លារ បន្ថែមលើតម្លៃខ្លួន ៧៥ភាគរយដែលសង្វៀន Thomas and Mack Center ផ្តល់ឲ្យ»</strong>។</span></p>
<p><span style="color: #000000;">តែយ៉ាងណាមិញ នៅពេលអ្នកសារព័ត៌មាន Bleacher Report សួរពីទឹកប្រាក់សរុបដែលគូដណ្តើមខ្សែក្រវាត់ទទួលបាន បុរសជនជាតិអាមេរិកខាងលើមិនបានបញ្ជាក់ឡើយ គ្រាន់តែបង្ហើបថា ការប្រកួតដែលបានធ្វើឡើងនៅក្នុងទីក្រុង Las Vegas នៃរដ្ឋ Nevada សហរដ្ឋអាមេរិកមួយនេះ ទទួលបានប្រាក់សរុបជាង ៥០០លានដុល្លារពីការលក់សំបុត្រ និងលក់សិទ្ធិផ្សាយបន្តផ្ទាល់ ដោយលោកសង្កត់ធ្ងន់ថា Pacquiao ទទួលបានប្រាក់តិចជាងកាលប្រកួតចាញ់ Floyd Mayweather ឆ្នាំ២០១៥ ទេ ទោះរូបគេឈ្នះខ្សែក្រវាត់ WBO ក៏ដោយ។</span></p>
<p><span style="color: #000000;">សូមរំលឹកថា អធិរាជប្រដាល់លំដាប់លេខ២ ពិភពលោក Manny Pacquiao ជនជាតិហ្វីលីពីន វ័យ៣៧ឆ្នាំ ដណ្តើមបានខ្សែក្រវាត់ WBO ជាលើកទី៣របស់គេ មុនពេលឈ្នះលើកដំបូងតាំងពីឆ្នាំ២០១០មក ហើយក៏ជាការបរាជ័យលើក ទី១ផងដែររបស់កីឡាករវ័យ ២៧ឆ្នាំ Vargas ក្នុងការឡើងការពារខ្សែក្រវាត់ដែលរូបគេទើបគ្រប់គ្រងបាន៨ខែប៉ុណ្ណោះ បន្ទាប់ពីផ្តួលគូប្រជែង Sam Ali សន្លប់ក្នុងទឹកទី៩ កាលពីខែមីនា ឆ្នាំ២០១៦៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14947908_1802338883338962_8666747627771396478_n.jpg?oh=2337ab1ccb4e7a47a29b468ed0d12022&oe=5891D6EB" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14980581_1802338876672296_878488523314269641_n.jpg?oh=2e6c808c16a8e6033cbcc3b8d6948f28&oe=5895F241" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfp1/t31.0-8/14990946_1802338950005622_1054002123998090239_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/14947385_1802338943338956_4600255631369801734_n.jpg?oh=b53b709f87d5eed34b2c8420d2d9087e&oe=5893C00A&__gda__=1486385853_911e0dc48326c11ff3581760abdfe83a" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14976382_1802338886672295_8579498415857977317_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>