<p><span style="color: #000000;">ព័ត៌មានកីឡា៖ កីឡាករខ្សែប្រយុទ្ធដ៏ស្រួច Lionel Messi បានវិលត្រលប់ទៅកាន់ក្លឹប វិញហើយក្រោយពីជាសះស្បើយពីជម្ងឺជង្គង់ផ្នែកខាងឆ្វេង ដើម្បីហ្វឹកហាត់ មុនពេលប្រកួតព្រឹត្ដិការណ៍ El Clasico ប៉ះជាមួយម្ចាស់ផ្ទះ Real Madrid នៅថ្ងៃចុងសប្ដាហ៍ខាងមុខ។ </span></p>
<p><span style="color: #000000;">Lionel Messi បានអវត្ដមានពីក្លឹប Barcelona តាំងពីចុងខែកញ្ញាមកម្ល៉េះ ខណៈដែលក្រុមបានប្រកួតជាមួយ Las Palmas ទទួលបានជោគជ័យ ២-១ ប៉ុន្ដែកីឡាករត្រូវរបួសជើងឆ្វេង មិនអាចបន្ដការប្រកួត ទៀតបាន។ ប៉ុន្ដែទោះបីជាយ៉ាងណាក៏ដោយ មកទល់ពេលនេះ កីឡាករបានជាសះស្បើយខ្លះ ហើយក៏អាចចូលលេង នៅថ្ងៃចុងសប្ដាហ៍ខាងមុខ។ </span></p>
<p><span style="color: #000000;">សេចក្ដីរាយការណ៍លើគេហទំព័រក្លឹប បានថ្លែងថា កាលពីថ្ងៃច័ន្ទ ក្រុមកីឡាករទាំងអស់បាននាំគ្នា ហ្វឹកហាត់ដើម្បីត្រៀមខ្លួនចូលប្រកួត ចំណែក Messi ក៏នៅជាមួយពួកគេ ហើយក៏ហ្វឹកវិញបានយ៉ាងល្អប្រសើរ ។ </span></p>
<p><span style="color: #000000;">កន្លងមកអវត្ដមាន Messi ក្លឹប Barcelona នៅតែអាចបន្ដភាពខ្លាំងក្លាដដែល ក្រោមវត្ដមាន Neymar និង Suarez ដោយចន្លោះពេលនោះ ពួកគេអាចរកបានគ្រាប់បាល់ ដល់ទៅ ១០ គ្រាប់ ជួយឲ្យក្រុមឈ្នះការប្រកួត ៤ប្រកួត ហើយអាចគ្រងតំណែងនៅលើកំពូលតារាង La Liga លើ Real Madrid ៣ពិន្ទុ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/17/11-17-2015-11-26-14-am-17-11-2015--11-33-09.png"><span style="color: #000000;"><img src="/FileManager/Articles/mce/2015/11/17/11-17-2015-11-26-14-am-17-11-2015--11-33-09.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ skysports</span></p>