<p><span style="color: #000000;">(ភ្នំពេញ)៖តារាសម្តែងប្រុសរូបសង្ហា លោក គន់ រៀមរតនៈ ថ្មីៗនេះ បានបង្កការភ្ញាក់ផ្អើលយ៉ាងខ្លាំង ដល់ទស្សនិជនអ្នកគាំទ្រ និងបណ្តាអ្នកនិយមលេងបណ្តាញសង្គម Facebook ខណៈរូបថតមានលក្ខណៈអាក្រាតកាយ របស់លោក ត្រូវបានបង្ហោះចែកចាញ ពេញបណ្តាញសង្គមដ៏ពេញនិយមមួយនេះ រហូតមានការរិះគន់ ខ្លាំងៗពីសំណាក់អ្នកគាំទ្រ។ប៉ុន្តែកាលនោះ គេពុំបានដឹងទេថា នេះជាចេតនាធ្វើឡើង ដោយសាម៉ីខ្លួបផ្ទាល់ ឬមួយមានជនណាម្នាក់ មានបំណងបង្ខូចកិត្តិយសសេចក្តីថ្លៃថ្នូរ របស់លោកនោះឡើយ។</span></p>
<p><span style="color: #000000;">ដើម្បីបកស្រាយឲ្យមហាជនដឹង ពីការពិតតារាប្រុសលោក គន់ រៀមរតនៈ បានចេញមុខបំភ្លឺប្រាប់ទស្សនិជន ជាសាធារណៈថា មិនមែនជាចេតនារបស់លោកនោះទេ ក្នុងការថតបង្ហោះរូបបែបនេះគឺវាកើតឡើងដោយសារ មានគេចង់ធ្វើបាបលោកប៉ុណ្ណោះ។ លោកបញ្ជាក់ថា «ថ្ងៃដែលកើតមានរឿងនេះ ខ្ញុំបានទៅលេងផ្ទះមិត្តភក្តិស្គាល់គ្នា នៅបូរីពិភពថ្មី ស្ទឹងមានជ័យ ព្រោះធ្លាប់ហៅច្រើនដងហើយ តែមិនដែលបានទៅរហូត ថាខ្ញុំឫកទាល់តែតារាដូចគ្នាទើបហៅ ដើរជាមួយបានភ្លេចកំណើតហើយ..»។</span></p>
<p><span style="color: #000000;">លោក គន់ រៀមរតនៈ បានបន្តថា មិនដឹងថា «ផឹកគេលួចដាក់អ្វី ឬមកពីខ្ញុំមិនស្រួលខ្លួនឯងទេ ស្រាប់តែទន់ដៃទន់ជើងងងុយគេងដឹងខ្លួនឡើង ម៉ោង៦ល្ងាចពួកអានរកហ្នឹង វាបង្ហោះរូបនេះ រួចហើយ ក៏ចាក់សោមិនឲ្យចេញទៀត ខ្ញុំក៏បានសម្រេចចិត្តឡើងតាមដំបូលផ្ទះ សុំផ្លោះទៅផ្ទះអ្នកជិតខាង មកដល់កន្លែងធ្វើការងារត្រូវមេ ស្តីឲ្យធ្វើការដល់ចប់ម៉ោង មេក៏ឲ្យស្រោមសំបុត្រប្រាក់ខែ ចុងក្រោយចប់..»។</span></p>
<p><span style="color: #000000;">ជាមួយការបកស្រាយដូច្នេះ លោក គន់ រៀមរតនៈ ក៏បានបញ្ជាក់ប្រាប់គេហទំព័រ Khmertalking ថា «គ្រប់គ្រាន់ហើយ អាចរក្សាភាពស្ងៀមស្ងាត់វិញបានហើយ ខ្ញុំស្ទើរតែខ្លាចបណ្តាញសង្គមមួយនេះ ទៅហើយរយៈពេលពីរ បីថ្ងៃនេះ ចង្កៀង ដុះបំភ្លឺផ្ទះអ្នកណា គឺភ្លឺផ្ទះអ្នកនោះហើយ បើអ្នកគ្រាន់តែមើល គ្រាន់តែឃើញសំបកក្រៅ ហើយយវាយតំលៃ ដោយមិនបានដឹងមូលហេតុ ហេតុផលពិតប្រាកដ ការវាយតំលៃរបស់លោកកអ្នក អាចជារឿងអយុតិ្តធម៌»។</span></p>
<p><span style="color: #000000;">តារាប្រុសរូបនេះ បានបន្ថែមថា «ទោះយ៉ាងណាខ្ញុំសូមការអភ័យទោស និងសោកស្តាយបំផុត ចំពោះការដែរបានធ្វើឲ្យមានការប៉ះពាល់ ដល់អារម្មណ៍របស់បងប្អូន មួយចំនួន ហើយខ្ញុំរីករាយក្នុងការទទួលយក រាល់មតិយោបល់របស់លោកអ្នក បីជាមតិយោបល់ខ្លះ ពិបាកទទួលយកយ៉ាងណាក៏ដោយ ហើយសង្ឃឹមថា ការរាប់អានរបស់ពួកយើង នៅតែល្អប្រសើរជានិច្ចតទៅ..!»៕</span></p>
<p><span style="color: #0000ff;"><a href="/News/Detail/37066/kong-ream-ratanak" target="_blank"><span style="color: #0000ff;">- អាន ៖ គន់ រៀមរតនៈ បង្ហោះរូបស្រាត បង្កការភ្ញាក់ផ្អើលពេញហ្វេសប៊ុក</span></a></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xta1/v/t1.0-9/11227952_1014126225320077_8422737885978390483_n.jpg?oh=06c214ccb5ef52f7ef7a0f10534f5915&oe=5705A93D&__gda__=1461494976_e498db4689ecf4173b544dc777b53587" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xtf1/v/t1.0-9/944076_1014126231986743_8778063377114342517_n.jpg?oh=02b669b6a031d7d8801ba7c100fb0815&oe=57051BE0&__gda__=1460763170_6392e8504b9c482eb957d95785662808" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/12227775_986297928102907_2701389563923571513_n.jpg?oh=2e56bdeb821a6f7a4a204fc89efff0fd&oe=5703A935" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xtl1/v/t1.0-9/12105854_971420919590608_1166041754442604748_n.jpg?oh=a6564f4854f28388b0afd33becb15026&oe=56FDA943&__gda__=1460198910_b341ab42e8055a2a39fd8be2d69385df" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xfp1/v/t1.0-9/11866244_948988471833853_1095234201233790650_n.jpg?oh=542989943b0a58f65275b0d4edb41821&oe=5706DDE2&__gda__=1460701291_9c3877c3b4e91da506f3bcfe20f1fb45" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/11221457_936134289785938_8291528914865171468_n.jpg?oh=abd6bd5f889460dd08880081061a145d&oe=570D9EF1" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>