<p><span style="color: #000000;">មេបញ្ជាការជាន់ខ្ពស់៥រូបរបស់អង្គការរដ្ឋអ៊ីស្លាម បានឱបប្រាក់រត់គេចខ្លួនពីខែត្រ Nineveh ភាគ</span><br /><span style="color: #000000;">ខាងជើងអ៊ីរ៉ាក់។</span></p>
<p><span style="color: #000000;">ទំព័រ Sputniknews កាលពីម្សិលមិញបានដកស្រង់ប្រភពព័ត៌មានពីទូរទស្សន៍ Al Sumaria របស់</span><br /><span style="color: #000000;">អ៊ីរ៉ាក់ ឱ្យដឹងថា “មេបញ្ជាការជាន់ខ្ពស់៥រូប ក្នុងនោះមានមេបញ្ជាការម្នាក់ត្រូវបានគេស្គាល់ឈ្មោះ</span><br /><span style="color: #000000;">ថា Abu Bara Kakhtani ទទួលខុសត្រូវក្នុងការគ្រប់គ្រងប្រាក់របស់ក្រុម ISIS បានរត់គេចខ្លួន ខណៈ</span><br /><span style="color: #000000;">ដែលប្រាក់មួយចំនួនធំក៏បានបាត់ស្រមោលពីឃ្លាំង”។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/11/7/isis-07-11-2016--08-41-20.jpg"><span style="color: #000000;"><img src="/FileManager/Articles/mce/2016/11/7/isis-07-11-2016--08-41-20.jpg" alt="" /></span></a></span></p>
<p style="text-align: center;"><span style="color: #000000;">ទឹកប្រាក់ដែលបណ្ដាមេបញ្ជាការ ISIS ប្រមូលយកទៅតាមខ្លួន មានចំនួនដល់ទៅរាប់លានដុល្លារ</span></p>
<p><span style="color: #000000;">យោងតាមទូរទស្សន៍នេះ ទឹកប្រាក់ដែលមេបញ្ជាការទាំងនេះបានប្រមូលយក មានចំនួនឡើង</span><br /><span style="color: #000000;">ដល់រាប់លានដុល្លារអាមេរិក។ ISIS គ្រោងនឹងប្រើប្រាស់ប្រាក់ទាំងនេះ ដើម្បីបើកប្រាក់ខែឱ្យក្រុម</span><br /><span style="color: #000000;">សកម្មប្រយុទ្ធ។</span></p>
<p><span style="color: #000000;">បច្ចុប្បន្ន យោងតាមប្រភពព័ត៌មានមួយចំនួន ក្រុមមេបញ្ជាការខាងលើ កំពុងឆ្ពោះទៅកាន់ទីក្រុង </span><br /><span style="color: #000000;">Tal Afar ដើម្បីទៅកាន់ទីរួមស្រុក Baa'j រួចក្រោយមក ឆ្ពោះទៅកាន់ស៊ីរី។ ISIS បានចេញបញ្ជាឱ្យ</span><br /><span style="color: #000000;">តាមចាប់បន្ទាន់ និងប្រហារជីវិតអ្នកដែលបានរត់គេចខ្លួន។</span></p>
<p><span style="color: #000000;">ហេតុការណ៍នេះបានកើតឡើងក្នុងពេលដែលកងទ័ពអ៊ីរ៉ាក់ ដោយមានជំនួយពីកងទ័ពជនជាតិ </span><br /><span style="color: #000000;">Kurd និងកងទ័ពសម្ព័ន្ធមិត្តដែលដឹកនាំដោយអាមេរិក កំពុងបន្តវាយប្រហារដើម្បីរំដោះក្រុង Mosul </span><br /><span style="color: #000000;">ទាំងស្រុងចេញពីកណ្ដាប់ដៃ ISIS ។</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Sputniknews</span></p>