<p><span style="font-size: 12px; color: #000000;">ក្មេងស្រីអាយុ ៦ ឆ្នាំម្នាក់ត្រូវបានកិនស្លាប់យ៉ាងអណោចអធ័ម ដោយរ៉ឺម៉កកង់បី បើកបរដោយម្ដាយរបស់នាង ក្រោយពីធ្លាក់ចេញពីរ៉ឺម៉ក នៅក្នុងសង្កាត់វ៉ាងណយ កាលពីរសៀលថ្ងៃព្រហស្បតិ៍។</span></p>
<p><span style="color: #000000;">មន្រ្ដីនគរបាល បាននិយាយថា នៅវេលាម៉ោងប្រហែល ៤ រសៀលថ្ងៃព្រហស្បតិ៍ ស្រ្ដីអាយុ ៤៤ ឆ្នាំ ដែលគេស្គាល់ឈ្មោះខ្មែរថា ចែ បានបើករ៉ឺម៉កកង់បីទៅយកកូនស្រីរបស់គាត់ចេញពីសាលារៀន នៅក្នុងតំបន់ tambon Wangchula និងដឹកនាងត្រឡប់មកផ្ទះវិញ។</span></p>
<p><span style="color: #000000;">នគរបាល បានឱ្យដឹងថា អ្នកស្រីចែ ប្រកបមុខរបរដឹកអីវ៉ាន់លក់តាមរ៉ឺម៉កកង់បី ជុំវិញតំបន់នេះ។ ក្មេងស្រីតូច បានអង្គុយជាមួយម្ដាយរបស់នាងនៅកែបរ៉ឺម៉កអ្នកដុប នៅពេលដែលនាងធ្លាក់ពីរ៉ឺម៉ល។ ម្ដាយរបស់នាង មិនអាចបញ្ឈប់រ៉ឺម៉កទាន់ពេលវេលា ដើម្បីបញ្ជៀសកង់រម៉កមិនឱ្យកិនលើកូនស្រីរបស់គាត់ ដែលរងរបួសត្រង់ក្បាលធ្ងន់ធ្ងរឡើយ។</span></p>
<p><span style="color: #000000;"><a class="thickbox" title="" href="/FileManager/Commons/2018/6/23/34-23-06-2018--10-40-36.PNG"><img src="/FileManager/Articles/mce/2018/6/23/34-23-06-2018--10-40-36.PNG" alt="" /></a><br /></span></p>
<p><span style="color: #000000;">ក្មេងស្រីរូបនេះ ត្រូវបានដឹកបញ្ជូនទៅកាន់មន្ទីរពេទ្យ វ៉ាង ណយ យ៉ាងប្រញាប់ ប៉ុន្ដែជាអកុសលដោយសាររបួសធ្ងន់ធ្ងរពេក នាងក៏បានដាច់ខ្យល់ស្លាប់នៅមន្ទីរពេទ្យនោះ។</span></p>
<p><span style="color: #000000;">អំឡុងពេលសួរចម្លើយ នៅស្ថានីយ៍ប៉ូលីសវ៉ាងណយ អ្នកស្រីចែ និងប្ដីជនជាតិថៃរបស់អ្នកស្រី មានទុក្ខសោកជាពន់ពេកចំពោះការបាត់បង់កូនស្រីជាទីស្រឡាញ់របស់ពួកគាត់។ ប្ដីរបស់អ្នកស្រី មានការខឹងសម្បារចំពោះប្រពន្ធយ៉ាងខ្លាំង និងបានវាយធ្វើបាបអ្នកស្រីចែផងដែរ ប៉ុន្ដែត្រូវប៉ូលីសចូលទៅទាន់ ហើយក៏បានបញ្ឈប់គាត់។</span></p>
<p><span style="color: #000000;">ប៉ូលីស បានធ្វើការចោទប្រកាន់អ្នកស្រីចែ ពីបទបើកបរធ្វេសប្រហែស ដោយបង្កឱ្យមនុស្សស្លាប់។ ខាងនគរបាល បានអនុញ្ញាតឱ្យអ្នកស្រីចែនៅក្រៅឃុំបណ្ដោះអាសន្នដើម្បីឱ្យអ្នកស្រីរៀបចំធ្វើបុណ្យសពឱ្យកូនស្រីរបស់អ្នកស្រី ដែលបានស្លាប់នេះ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/6/23/mekongnet-23-06-2018--10-40-44.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ បាងកកប៉ុស្ដិ៍</span></p>