<p><span style="color: #000000;"><strong>(ភ្នំពេញ)៖</strong> ជារឿងដ៏គួរឲ្យសោកស្តាយបំផុត ខណៈអ្នកសិល្បៈរបស់ខ្មែរម្នាក់ទៀត ត្រូវបានបាត់បង់ជីវិតក្នុងហេតុការណ៍ គ្រោះថ្នាក់ចរាចរណ៍ ដែលត្រូវជាក្មួយប្រុសបង្កើត របស់តារាកំប្លែងលោកយាយ ណយ សំណាង គឺឌីជេ ឧត្តម ។</span></p>
<p><span style="color: #000000;">ប្រភពព័ត៌មានពីផេសសិល្បករកម្ពុជា របស់តារាសម្តែង លោក អ៉ឹម ជីវ៉ា បានសរសេរបង្ហោះកាលពី៣ម៉ោងមុននេះថា «Dj UD ហៅឧត្តម បានរងគ្រោះថ្នាក់ចរាចរណ៍ កាលពីពីយប់ថ្ងៃទី ០៩ខែ សីហា ឆ្នាំ២០១៦ នៅផ្លូវមុនីវង្សទល់មុខក្លិបកម្សាន្តរ៉ុក ដោយ Dj រូបនេះជិះម៉ូតូ បុកជាមួយឡានភ្លាមៗនោះ ក៏មានរថយន្តយកទៅសង្រ្គោះបន្ទាន់ រហូតដល់ថ្ងៃទី១១ខែសីហា វេលារម៉ោង៥រសៀល ម្សិលមិញនេះ ដោយស្ថានភាពជំងឺធ្ងន់ធ្ងរពេក ធ្វើឲ្យជនរងគ្រោះស្លាប់បាត់បង់ជីវិតតែម្តង។ រីឯសពកំពុងដំកល់ធ្វើបុណ្យ នៅវត្តទួលទំពូង បូជានៅថ្ងៃទី១២ វេលារម៉ោង៧យប់ នៅវត្តទួលទំពូង!»។</span></p>
<p><span style="color: #000000;">ប្រភពបានបន្តថា «ដោយឡែកសំរាប់តារាកំប្លែងលោកយាយ ណយ សំណាង វិញកំពុងធ្លាក់ខ្លួនឈឺផងដែរ ស្របពេលដែលក្មួយដែលខំចិញ្ចឹម តាំងពីតូចដូចជាកូនបង្កើត បានទទួលមរណៈភាព។ លោកយាយ ណយ សំណាង ធ្លាក់ខ្លួនឈឺជិតមួយខែហើយ ដោយជំងឺបេះដូង និងវ័យចាស់ជរា។ កន្លងមកលោកយាយ ណយ សំណាង មិនបានថត ឬសម្តែងតាមកម្មវិធីទូរទស្សន៍ ដោយសារតែបញ្ហាជំងឺនេះឯង»។</span></p>
<p><span style="color: #000000;">ផេសសិល្បករកម្ពុជា របស់តារាសម្តែងលោក អ៉ឹម ជីវ៉ាបានលើកឡើងទៀតថា «តារាចម្រៀងល្បីលោក វណ្ណា ស័ក្ក ដែលត្រូវជាកូនបង្កើត លោកយាយ ណាង ជាអ្នកគ្រប់គ្រងរ៉ាប់រង ជីវភាពគ្រួសារទាំងអស់។ សូមបងប្អូនសិល្បករ-សិល្បការិនី និង សប្បុរសជនទាំងអស់ មេត្តាចូលរួមពិធីបុណ្យសព Dj ឧត្តម ដែលត្រូវជាក្មួយបង្កើត លោកយាយ ណាង ដោយក្តីអនុគ្រោះផង!»។</span></p>
<p><span style="color: #000000;">ស្របពេលជាមួយគ្នានេះដែរ លោក អ៉ឹម ជីវ៉ា ក៏បានប្រកាសឈ្មោះសប្បុរសជន ដែលបានចូលរួមផ្ញើបច្ច័យ ចូលបុណ្យសពក្មួយប្រុស លោកយាយ ណយ សំណាង ដែលមានដូចជា ព្រះគ្រូ នី សុវណ្ណមុនីរ៉េត មេកុដិលេខ២៤ វត្តនាគវ័ន្ត៥០ដុល្លារ, អតីតតារកំប្លែងនាយ ឃ្លោក ៥០ដុល្លារ , លោកស្រី ថុង ស៊ីវទៀង ៥០ដុល្លារ, តារាសម្តែង កញ្ញា ថន លក្ខិណា ៣០ដុល្លារ , តារាកំប្លែងអ្នកនាង សុខ ចាន់ធីតា ហៅ ស្រីតុ និងស្វាមី២០ដុល្លារ, តារាសម្តែងលោក អ៉ឹម ជីវ៉ា ២០ដុល្លារ ,តារម្រៀង កញ្ញា សុន ស្រីពេជ្រ ១០ដុល្លារ។ ម្យ៉ាងទៀតបើមានសិល្បករ និងសប្បុរសជនចូលទៀត និងប្រកាសឈ្មោះតាមរយៈផេកសិល្បករកម្ពុជា បន្តទៀត។ សូមទាក់ទងតាមលេខទូរស័ព្ទ ០៦៩ ៦៦ ០៦ ៩១ សូមអរគុណ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13938598_1178736792191248_6208653977674502506_n.jpg?oh=09e4d916cd21734a9586f4fe2a036544&oe=58576204" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13925254_1178736805524580_5946921837069545655_n.jpg?oh=3a47d431e2a28fb64f7caef0d7c7ed7a&oe=58231B8C" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13876243_1178657315532529_2820246432983291206_n.jpg?oh=417e9450beb08552954279cbaf18f56c&oe=581EC037" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13901425_1178657358865858_4624047125441802857_n.jpg?oh=81159fbb7f300151ecfd4d419638fd21&oe=585DAA7A" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>