<p><span style="color: #000000;"><strong>ព័ត៌មានអន្តរជាតិ ៖</strong> ប្រភពសារព័ត៌មាន ពីគេហទំព័រចិន អោយដឹងថា ក្រសួងស្ដីពីស្ថាន ការណ៍គ្រា អាសន្នរបស់រុស្ស៊ី បាននិយាយថា អ្នកបើក ឧទ្ធម្ភាចក្រ ម្នាក់ បានស្លាប់ និង ៤នាក់ដែលរួម ដំណើរជាមួយផ្សេងទៀត បានរងរបួស នៅពេលដែលឧទ្ធម្ភាគចក្រ មួយគ្រឿងនេះ សម្រេចធ្វើការចុះចត ទាំង លំបាក នៅក្នុងតំបន់ភាគខាងត្បូងប្រទេសរុស្ស៊ី ។</span></p>
<p><span style="color: #000000;">ទីភ្នាក់ងារសារព័ត៌មានចិន ស៊ិនហួ ចេញ ផ្សាយថ្ងៃទី១២ ខែវិច្ឆិកា ឆ្នាំ២០១៤ នេះដោយយោង តាម ប្រភពខាងលើ បានឲ្យដឹងថា ឧទ្ធម្ភាគចក្រប្រភេទ Ka-32 ត្រូវបានគេធ្វើការសាកល្បង ហោះហើរ តែ វា ពិបាកក្នុងការ ចុះចត ហើយអ្នកបើកក៏បានបង្ខំចុះចត បណ្ដាលឲ្យផ្ទុះឆេះ ភ្លាមៗ នៅវេលាម៉ោង ៦ និង៣៥នាទីល្ងាច។</span></p>
<p><span style="color: #000000;"><a class="thickbox" title="" href="/FileManager/Commons/2014/11/12/ka-32-helicopter-12-11-2014--13-58-06.jpg"><img src="/FileManager/Articles/mce/2014/11/12/ka-32-helicopter-12-11-2014--13-58-06.jpg" alt="" /></a><br /></span></p>
<p><span style="color: #000000;">នៅលើឧទ្ធម្ភាចក្រ មានផ្ទុកមនុស្សចំនួន ៥នាក់ ខណៈពេលដែលជួបហេតុការណ៍នេះ បង្កឲ្យ អ្នក បើក បាន ស្លាប់នៅពេលជួបគ្រោះថ្នាក់ ខណៈ ដែលអ្នករួម ដំណើរជាមួយ ៤នាក់ផ្សេងទៀត ទទួល រង របួសធ្ងន់ធ្ងរហើយត្រូវបានគេបញ្ជូនទៅកាន់ស្ថាប័នវេជ្ជសាស្ត្រ ដើម្បីសម្រាកព្យាបាល។</span></p>
<p><span style="color: #000000;">គួរបញ្ជាក់ថា ភ្នាក់ងារពន្លត់អគ្គិភ័យ ក្រុមជួយសង្គ្រោះ ភ្នាក់ងារវេជ្ជសាស្រ្ត ក៏ដូចជាមន្ត្រី និងក្រុមអ្នកជំនាញ មកពីនាយកដ្ឋានខុសៗគ្នា បាន ប្រញាប់ ប្រញ៉ាល់ ទៅកន្លែងកើតហេតុ សម្រាប់កិច្ចខិតខំ ប្រឹងប្រែងជួយ សង្គ្រោះ នៅក្នុងនោះដែរក្រុមស៊ើបអង្កេត ក៏ត្រូវបានបញ្ជូនទៅកាន់ កន្លែងកើតហេតុ ដើម្បីដាក់ការតាម ដានពាក់ព័ន្ធនឹងករណីនេះដែរ៕</span></p>
<p style="text-align: right;"><span style="color: #000000;">ប្រភព & ផ្តល់សិទ្ធដោយ ៖ ដើមអម្ពិល ស៊ិនហួរ</span></p>