<p>ស្ថាបនវេជ្ជសាស្ដ្រនៃរដ្ឋ Texas របស់អាមេរិក ទើបតែបានប្រកាសថា បន្ទាប់ពីករណីគ្រូពេទ្យស្រី<br /> នាង Nina Pham គេក៏បានរកឃើញថា បុគ្គលិកសុខាភិបាលម្នាក់ទៀតរបស់រដ្ឋបានឆ្លងជម្ងឺ Ebola<br /> ហើយអ្វីដែលគួរចាប់អារម្មណ៍ នោះគឺ អ្នកជម្ងឺទាំងពីរខាងលើ សុទ្ធតែធ្លាប់បានចូលរួមព្យាបាល <br />Thomas Eric Duncan ដែលបានស្លាប់កាលពីពេលថ្មីៗនេះ។</p>
<p style="text-align: center;"><a class="thickbox" title="" href="/FileManager/Commons/2014/10/15/ebolab-15-10-2014--20-33-59.jpg"><img src="/FileManager/Articles/mce/2014/10/15/ebolab-15-10-2014--20-33-59.jpg" alt="" width="463" height="309" /></a></p>
<p style="text-align: center;">អ្នកជម្ងឺដែលទើបតែត្រូវបានរកឃើញ ត្រូវគេដាក់ឱ្យនៅដោោយឡែក<br /><br /></p>
<p>មន្ទីរសុខាភិបាល Texas បានឱ្យដឹងថា ៖ “ក្រុមបុគ្គលិកវេជ្ជសាស្ដ្រ បានធ្វើការស្រាវជ្រាវលើអ្នក<br />ជម្ងឺ Ebola ថ្មីនេះ ដើម្បីស្វែងរកមនុស្សដែលបាននៅក្បែរ និងមានហានិភ័យឆ្លងជម្ងឺនេះ។ បណ្ដា<br />មនុស្សដែលត្រូវបានរកឃើញថា អាចនឹងឆ្លងជម្ងឺនេះ នឹងត្រូវគេតាមដានយ៉ាងយកចិត្តទុកដាក់។”</p>
<p>អ្នកជម្ងឺថ្មីខាងលើនេះ ត្រូវបានគេពិនិត្យកាលពីព្រលប់ថ្ងៃទី ១៤តុលា ហើយបានទទួលលទ្ធផល<br /> នៅពាក់កណ្ដាលអាធ្រាត្រ។</p>
<p style="text-align: center;"><a class="thickbox" title="" href="/FileManager/Commons/2014/10/15/ebolad-15-10-2014--20-36-35.png"><img src="/FileManager/Articles/mce/2014/10/15/ebolad-15-10-2014--20-36-35.png" alt="" /></a></p>
<p style="text-align: center;">លោក Thomas Eric Duncan ជាអ្នកជម្ងឺ Ebola ទីមួយ ដែលចូល<br />មកព្យាបាលនៅអាមេរិក ហើយបានស្លាប់<br /><br /></p>
<p>យោងតាមទំព័រ Bloomberg ស្ថាបនសុខាភិបាលរដ្ឋ Texas ឱ្យដឹងថា អ្នកជម្ងឺថ្មីនេះ គឺជាបុគ្គលិក<br />បម្រើការនៅមន្ទីរពេទ្យ Presbyterian រដ្ឋ Texas ។ អ្នកជម្ងឺនេះ ក្ដៅខ្លួនខ្លាំងកាលពីម្សិលមិញ<br /> ហើយភ្លាមនោះ ក៏ត្រូវបានគេនាំទៅកាន់បន្ទប់ដាច់ដោយឡែក។ ដូចទៅនឹង គ្រូពេទ្យស្រី Nina <br />Pham អ្នកជម្ងឺថ្មីនេះ ក៏ធ្លាប់បានចូលរួមព្យាបាល Thomas Eric Duncan ជាជនជាតិ Liberia ដែល<br />បាននាំជម្ងឺនេះចូលអាមេរិក ហើយបានស្លាប់កាលពីសប្ដាហ៍មុន។</p>
<p style="text-align: center;"><a class="thickbox" title="" href="/FileManager/Commons/2014/10/15/ebolavn2-15-10-2014--20-38-50.jpg"><img src="/FileManager/Articles/mce/2014/10/15/ebolavn2-15-10-2014--20-38-50.jpg" alt="" width="338" height="430" /></a></p>
<p style="text-align: center;">នាង Nina Pham ជាអ្នករងគ្រោះទីមួយ ដែលឆ្លងជម្ងឺ Ebola នៅអាមេរិក<br /><br /></p>
<p>បណ្ឌិត Thomas Frieden អគ្គនាយកនៃមជ្ឈមណ្ឌលគ្រប់គ្រង និងប្រយុទ្ធប្រឆាំងជម្ងឺឆ្លងនៅសហ<br />រដ្ឋអាមេរិក ឱ្យដឹងថា បច្ចុប្បន្ន មិនទាន់បានដឹងអំពីកំហុសឆ្គងជាក់ស្ដែង ក្នុងការព្យាបាលអ្នកជម្ងឺ<br />មុន (Thomas Eric Duncan) នៅឡើយ ដែលនាំឱ្យមានការឆ្លងបែបនេះ។</p>
<p>គួររំលឹកថា ករណីឆ្លង Ebola ទីមួយ នៅលើទឹកដីអាមេរិក គឺនាង Nina Pham ជាជនជាតិអាមេរិក<br />ដើមកំណើតវៀតណាម។ បច្ចុប្បន្ន នាងកំពុងស្ថិតក្នុងស្ថានភាពល្អប្រសើរឡើងវិញ។ យោងទៅ<br />តាមព័ត៌មានថ្មីបំផុត នាង Nina Pham បានសារភាពថា ខ្លួនមិនបានស្លៀកពាក់ឈុតការពារនោះ<br />ទេ នៅពេលថែទាំងអ្នកជម្ងឺ Thomas Eric Duncan ដែលបានស្លាប់កាលពីសប្ដាហ៍កន្លងទៅ។</p>
<p style="text-align: center;"> </p>
<p style="text-align: center;"><a class="thickbox" title="" href="/FileManager/Commons/2014/10/15/ebolaf-15-10-2014--20-41-41.jpg"><img src="/FileManager/Articles/mce/2014/10/15/ebolaf-15-10-2014--20-41-41.jpg" alt="" width="421" height="298" /></a></p>
<p style="text-align: center;">លោកវេជ្ជបណ្ឌិត Kent Brantly ជាមនុស្សទីមួយ ដែលបានរួចផុតពីការស្លាប់ ក្រោយពី<br />បានឆ្លង Ebola ពីក្រៅប្រទេស និងមកព្យាបាលនៅអាមេរិក<br /><br /></p>
<p>សារព័ត៌មានអាមេរិក ចេញផ្សាយថា មិត្តប្រុសរបស់នាង ក៏មានរោគសញ្ញាដែលត្រូវការតាមដាន<br />ផងដែរ។ ប៉ុន្ដែ ដំណឹងនេះ មិនទាន់ត្រូវបានទទួលស្គាល់ដោយមន្ដ្រីសមត្ថកិច្ចនៅឡើយ។</p>
<p style="text-align: center;"><a class="thickbox" title="" href="/FileManager/Commons/2014/10/15/ebolai-15-10-2014--21-10-42.jpg"><img src="/FileManager/Articles/mce/2014/10/15/ebolai-15-10-2014--21-10-42.jpg" alt="" /></a></p>
<p style="text-align: center;">អង្គការសុខភាពពិភពលោក បានព្រមានថា ករណីស្លាប់ដោយសារជម្ងឺ Ebola អាចនឹងកើតដល់ <br />១០.០០០ នាក់<br /><br /></p>
<p>បច្ចុប្បន្ន ក្រុមជំនាញអាមេរិក កំពុងតាមដានមនុស្សចំនួន ៤៨នាក់ ក្នុងនោះមានក្រុមគ្រូពេទ្យ<br />ដែលធ្លាប់បានចូលរួមព្យាបាលអ្នកជម្ងឺ Ebola និងក្រុមមនុស្សដែលមានទំនាក់ទំនងនឹងអ្នកជម្ងឺ<br />នេះផងដែរ។</p>
<p style="text-align: center;"><a class="thickbox" title="" href="/FileManager/Commons/2014/10/15/ebolagagd-15-10-2014--21-18-36.jpg"><img src="/FileManager/Articles/mce/2014/10/15/ebolagagd-15-10-2014--21-18-36.jpg" alt="" width="460" height="316" /></a></p>
<p style="text-align: center;">មេរោគ Ebola<br /><br /></p>
<p>កាលពីម្សិលមិញ មន្ដ្រីសុខាភិបាលអាល្លឺម៉ង់ ក៏បានប្រកាស់ថា បុគ្គលិកនៃអង្គការសហប្រជាជាតិ<br />ម្នាក់ គឺជាជនជាតិ Sudan ដែលកំពុងត្រូវបានព្យាបាលនៅក្នុងក្រុង Leipzig បានបាត់បង់ជីវិត។ <br />ចំណែកអ្នកជម្ងឺពីរនាក់ផ្សេងទៀត កំពុងទទួលការព្យាបាលនៅក្នុងប្រទេសនេះ នៅឡើយ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ BBC/AFP<br /><br /></p>