<p><span style="color: #000000;"><strong>(ភ្នំពេញ)៖</strong> មន្ត្រីតុលាការរាជធានីភ្នំពេញ បានថ្លែងថា បុរសម្នាក់ជាកម្មករសំណង់ ត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារ នៅរសៀលថ្ងៃទី១៨ ខែកុម្ភៈ ឆ្នាំ២០១៦នេះ ដើម្បីស៊ើបអង្កេតករណីរួមភេទ ជាមួយអនីតិជនអាយុក្រោម១៥ឆ្នាំ។</span></p>
<p><span style="color: #000000;">ជនជាប់ចោទឈ្មោះ កែវ សុផល ហៅកុយ អាយុ៣១ឆ្នាំ មុខរបរកម្មករសំណង់ ស្នាក់នៅភូមិគល់ សង្កាត់ព្រែកព្នៅ ខណ្ឌព្រែកព្នៅ ត្រូវបាននគរបាលខណ្ឌសែនសុខ ឃាត់ខ្លួនកាលពីយប់ថ្ងៃទី១៥ ខែកុម្ភៈ ឆ្នាំ២០១៦ តាមពាក្យបណ្ដឹងរបស់ម្ដាយក្មេងស្រីរងគ្រោះ អាយុ៧ឆ្នាំ។</span></p>
<p><span style="color: #000000;">ពាក់ព័ន្ធករណីនេះ អ្នកស្រី ឯក សោភ័ណ្ឌ អាយុ៣៧ឆ្នាំ ត្រូវជាម្តាយក្មេងស្រីរងគ្រោះ បានប្រាប់ថា នៅល្ងាចថ្ងៃទី១៥ ខែកុម្ភៈ ឆ្នាំ២០១៦ គាត់ត្រឡប់មកពីធ្វើការវិញ ហើយកូនប្រុសគាត់ម្នាក់ទៀត អាយុ១៣ឆ្នាំ បានប្រាប់គាត់ថា «ម៉ែ! ខ្ញុំឃើញពូកុយ (ជនសង្ស័យ) បានចាប់ប្អូនស្រីរំលោភ» ពេលនោះគាត់ក៏ហៅកូនស្រីមកសួរនាំ ទើបកូនស្រីគាត់ប្រាប់ថា <strong>«ពូកុយបានចាប់ខ្ញុំរំលោភបានសម្រេចចំនួន២លើក ហើយដោយយកកូនកាំបិតមកភ្ជង់គំរាមនាងមិនឲ្យប្រាប់ម្តាយឡើយ»</strong>។</span></p>
<p><span style="color: #000000;">ស្ត្រីម្តាយក្មេងស្រីរងគ្រោះបានបន្តថា ជនសង្ស័យឈ្មោះ កែវ សុផល ត្រូវជាប្អូនជីដូនមួយរបស់គាត់ ហើយក្រោយពីកូនស្រីប្រាប់ពីដំណើររឿងរួចមក គាត់ក៏បានមកដាក់ពាក្យបណ្តឹងនៅនគរបាលរដ្ឋបាលឃ្មួញ ទាំងយប់តែម្តង ដើម្បីចាត់ការតាមច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/20a-19-02-2016--09-49-02.jpg"><span style="color: #000000;"><img src="/FileManager/Articles/mce/2016/2/19/20a-19-02-2016--09-49-02.jpg" alt="" /></span></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/20a-19-02-2016--09-49-02.jpg"></a></span></p>