<div class="article-content">
<p><strong>ភ្នំពេញ :</strong> មន្រ្តីកងរាជអាវុធហត្ថវ័យចំណាស់ម្នាក់ បាន ដេញវាយគេឯង ព្រមទាំង គំរាមបាញ់<br />សម្លាប់ភាគីម្ខាង ទៀត បណ្តាលឲ្យផ្អើលឆោ ឡោ និងធ្វើឲ្យកកស្ទះពេញ ផ្លូវ ខណ:ជិះម៉ូតូទាក់<br />ដៃចង្កួត គ្នាហើយដួលរលាត់ដៃ ជើង តិចតួច ។</p>
<p>ហេតុការណ៍នេះ បានកើតឡើង នៅចំណុចភ្លើងស្តុប កៅដាយ តាមបណ្តោយផ្លូវ២០៥ កែង<br />មហាវិថី ម៉ៅសេទុង ក្នុងសង្កាត់ទំនប់ទឹក ខណ្ឌចំការមន នាវេលាម៉ោង ៣រសៀល ថ្ងៃទី១១ <br />ខែតុលា ឆ្នាំ២០១៣ ។</p>
<p>សាក្សីនៅកន្លែងកើតហេតុ បាននិយាយថា បុរសដែល អាងខ្លួនធ្វើជាកងរាជអាវុធហត្ថនោះ <br />ជិះម៉ូតូម៉ាកគុប មូល ពណ៌ស្លែ ធ្វើដំណើរ តាមបណ្តោយ ផ្លូវ២០៥ ពេលមកដល់ចំណុចកើត <br />ហេតុ កែងផ្លូវម៉ៅសេទុង ម៉ូតូរបស់មន្រ្តីកងរាជអាវុធហត្ថ បានគេចជង្ហុក ក៏បណ្តាលឲ្យទៅប៉ះ<br />ដៃចង្កូត ម៉ូតូបុរសម្នាក់ទៀត ដែលធ្វើ ដំណើរច្រាស់ទិសគ្នា ពី លិចទៅកើត ។</p>
<p>ពាក់ព័ន្ធនឹងករណីគ្រោះថ្នាក់នេះ សាក្សីបានឲ្យដឹងថា មន្រ្តីកងរាជអាវុធហត្ថខាងលើ បានជិះ<br />ម៉ូតូ តាមបណ្តោយ ផ្លូវលេខ២០៥ ក្នុងទិសដៅពីកើតទៅលិច លុះដល់ចំណុចកែងផ្លូវ ម៉ៅសេ<br />ទុង ក៏បានទាក់ដៃចង្កូត ជាមួយ បុរស វ័យចំណាស់ម្នាក់ ដែលកំពុងជិះម៉ូតូគុបជ្រុង ក្នុងទិសដៅ<br />បញ្ច្រាសទិសគ្នា បណ្តាលឲ្យម៉ូតូទាំងពីរគ្រឿងដួល រង ការខូចខាត ប៉ុន្តែមិនមាននរណាម្នាក់រង<br /> របួសធ្ងន់ធ្ងរឡើយ ប៉ុន្តែអ្វីដែលធ្វើឲ្យមហាជន រិះគន់នោះ គឺបុរសជាមន្រ្តីកងរាជអាវុធហត្ថ បាន<br />ដេញ វាយភាគីរងគ្រោះ បង្កឲ្យមានការភ្ញាក់ផ្អើលដល់អ្នកដំណើរ ក៏ដូចជានគរបាល មូលដ្ឋាន<br />ផងដែរ ។</p>
<p>ដេញវាយភាគីម្ខាងទៀតអស់ចិត្តហើយ មន្រ្តីកងរាជអាវុធហត្ថនោះ បានបញ្ចេញប្ញកពារ និងប្រើ<br />សម្តីគំរោះគំរើយ គំរាមរក បាញ់សម្លាប់បុរស វ័យចំណាស់ដែលជាភាគីរងគ្រោះដូចគ្នានោះថែម<br />ទៀត។</p>
<p>នៅក្នុងហេតុការណ៍គ្រោះ ថ្នាក់ចរាចរនេះសមត្ថកិច្ចបាន បញ្ជាក់ថា បើយោងទៅតាម ការវាស់វែង<br /> និងសាក្សីនៅ កន្លែងកើតហេតុនិយាយរៀបរាប់នោះ គ្រោះថ្នាក់ចរាចរ ខាងលើនេះ គឺបង្កឡើង <br />ដោយមន្រ្តីកងរាជអាវុធហត្ថ ។ ប៉ុន្តែអ្វីដែលជារឿង អយុត្តិធម៌ខាងលើនេះ គឺបុរសវ័យចំណាស់<br />ដែលរងគ្រោះ ជាអ្នកសងសំណង ទៅឲ្យភាគី ខាងមន្រ្តីកងរាជ អាវុធហត្ថទៅវិញ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-010/chanroth013-oct-120.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-010/chanroth013-oct-121.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-010/chanroth013-oct-122.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>