<p>Karina Fedasz នៅអាមេរិក បានបង្កើតគេហទំព័រមួយ មិនត្រឹមតែអនុញ្ញាតឱ្យពុកម្ដាយរបស់ក្មេងៗ ទិញខោអាវថ្មីៗសម្រាប់កូនខ្លួនប៉ុណ្ណោះទេ តែថែមទាំងអនុញ្ញាតឱ្យពួកគេលក់មកវិញនូវសម្លៀក<br />បំពាក់ចាស់ៗទៀតផង។<br /><br />ការរីកចម្រើនក្នុងវិស័យឧស្សាហកម្មសម្លៀកបំពាក់ ជួយឱ្យមនុស្សមានឱកាសប្រើប្រាស់ខោអាវ<br />ដេរស្រាប់ តម្លៃថោកៗ និងទាន់សម័យ។ ប៉ុន្ដែវាក៏ជារឿងខាតបង់ច្រើន ដោយសារខោអាវខ្លះ នៅ<br />ថ្មី ប៉ុន្ដែត្រូវបានគេបោះចោល ដោយសារតែចង្អៀត។ <br /><br />នៅក្នុងការរៀបចំខោអាវកូនៗរបស់ខ្លួន មានពេលមួយនោះ Karina Fedasz ដែលជាស្ដ្រីម្នាក់រស់<br />នៅក្នុងរដ្ឋ California អាមេរិក យល់ឃើញថា ក្នុងរយៈពេលតែ ៦ខែ ខោអាវកូនប្រុសខ្លួនយ៉ាងច្រើន<br /> មិនអាចប្រើប្រាស់បានទៀត ដោយសារតែចង្អៀត។ Karina Fedasz គិតថា គួរតែមានវិធីទិញ និង<br />លក់ខោអាវចាស់ៗទាំងនេះ ដើម្បីសន្សំសំចៃ។ ដូច្នេះ បន្ទាប់ពីបានធ្វើការស្រាវជ្រាវ អ្នកស្រីបានរក<br />ឃើញទីផ្សារដ៏មានសក្ដានុពលមួយ គឺបង្កើតគេហទំព័រលក់ និងទិញសម្លៀកបំពាក់ថ្មីនិងចាស់។<br /><br />Karina Fedasz ថ្លែងប្រាប់ទំព័រ Forbes ថា ប្រការនេះនឹងជួយឱ្យយើងបង្កើតបានឃ្លាំងសម្លៀកបំពាក់ចាស់ៗដែលមានលក្ខណៈថ្មីស្ទើរតែទាំងស្រុងមួយដ៏ធំ អនុញ្ញាតឱ្យអ្នកប្រើប្រាស់បានទិញ<br />ផលិតផលថ្មីៗគុណភាពខ្ពស់ ក្នុងតម្លៃទាប ដូចទៅនឹង Wal-mart ឬ Target ។</p>
<p style="text-align: center;"><a class="thickbox" title="" href="/FileManager/Commons/2013/11/26/សដថ-26-11-2013--16-15-51.jpg"><img src="/FileManager/Articles/mce/2013/11/26/សដថ-26-11-2013--16-15-51.jpg" alt="" /></a></p>
<p style="text-align: center;"><em>គេហទំព័រ Little Bean Sprout របស់ Karina Fedasz</em></p>
<p><br />Karina Fedasz បានសម្រេចចិត្តដាក់ឈ្មោះឱ្យគេហទំព័ររបស់ខ្លួនថា Little Bean Sprout ។ អតិថិ<br />ជនគោលដៅរបស់អ្នកស្រីគឺ មនុស្សដែលមានកូនអាយុ ក្រោយ ៦ឆ្នាំ។ ក្រោយមក Karina Fedasz<br /> ក៏បានសហការណ៍ជាមួយអ្នកស្រី Stephanie Arnold ហើយចាប់ផ្ដើមបង្កើតអាជីវកម្ម។ <br /><br />នៅលើគេហទំព័រនេះ អតិថិជនអាចទិញរបស់របរថ្មីពីបណ្ដាក្រុមហ៊ុនជាដៃគូរបស់ Little Bean <br />Sprout ឬលក់របស់របរដែលលែងប្រើប្រាស់មកឱ្យ Little Bean Sprout ។ ទំនិញត្រូវបានដឹកជញ្ជូន<br />ទៅតាមប្រៃសណីយ៍។ នៅពេលទទួលបានទំនិញ Little Bean Sprout នឹងត្រួតពិនិត្យ ប្រសិនត្រូវ<br />តាមស្ដង់ដា នោះអ្នកលក់នឹងទទួលបានទឹកប្រាក់ ៥% ដោយគិតទៅតាមតម្លៃដើម និងបង់ថ្លៃទៅ<br />តាម PayPal ឬប័ណ្ណទិញទំនិញមានតម្លៃ ១៥%។ ក្រៅពីការលក់ អតិថិជនក៏អាចប្រើប្រាស់របស់<br />ចាស់ៗរបស់ខ្លួនសម្រាប់មនុស្សធ៌ នេះគឺជាវិធីបង្កើនអតិថិជន និងកាត់បន្ថយការបោះចោលខោអាវ<br />ដោយឥតប្រយោជន៍។<br /><br />ខែធ្នូ ឆ្នាំ ២០១២ គេហទំព័រកំណែសាកល្បងដំបូងរបស់ Little Bean Sprout បានបង្ហាញខ្លួន ហើយ<br />កំណែទីពីរ ចាប់ដំណើរការពីខែ មេសា ឆ្នាំ ២០១៣ ។ ជាមធ្យម រៀងរាល់ខែ Little Bean Sprout <br />ទទួលបានការចូលមើលពីអតិថិជន កើនឡើងរហូតដល់ ៦៤%។<br /><br />Karina Fedasz នឹងសហការណ៍ជាបណ្ដាក្រុមហ៊ុនរចនាសម្លៀកបំពាក់ធំៗ ដើម្បីត្រៀមជាស្រេចក្នុង<br />ការបង្កើតផលិតផលគ្រប់គ្រាន់ និងសុវត្ថិភាពសម្រាប់មុខជំនួញ។ ក្រុមហ៊ុនរបស់ Karina Fedasz ក៏មានបំណងនឹងពង្រីកចេញទៅខាងក្រៅអាមេរិក ដូចជា កាណាដា អឺរ៉ុប និងអូស្ដ្រាលីទៀត។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/16478/chinese-billionaires-are-worlds-youngest"><span style="color: #3366ff;">សេដ្ឋីចិន មានអាយុក្មេងជាងគេ នៅលើពិភលោក</span></a></span></p>
<p><span style="color: #3366ff;"><a href="/News/Detail/8754/chinese-civil-servants-working-part-time-as-motorcycle-taxi-drivers"><span style="color: #3366ff;">មន្ដ្រីរដ្ឋការចិន ក៏ត្រូវចេញរត់ម៉ូតូឌុប ដើម្បីចិញ្ចឹមក្រពះ</span></a></span></p>
<p><span style="color: #3366ff;"><a href="/News/Detail/32671/origami-owl-started-by-14-year-old"><span style="color: #3366ff;">នារីជំទង់ រកបាន រាប់រយលានដុល្លារ ពីការលក់គ្រឿងអលង្ការ</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Forbes<br /><br /></p>