<div class="article-content">
<p><strong>ភ្នំពេញ:</strong> ក្រសួងព័ត៌មាន បានចេញសេចក្តីប្រកាស ដល់ប្រព័ន្ធផ្សព្វផ្សាយទាំងអស់នៅកម្ពុជា <br />បញ្ឈប់ការផ្សាយពាណិជ្ជកម្មឱសថ Gofen 400 របស់ក្រុមហ៊ុនមេហ្គា ឡាយសាយអិនស៍ ភីធី<br />វ៉ាយ លីមីតធីត បន្ទាប់ពីក្រសួងសុខា ភិបាលបញ្ជាក់ថា ធ្វើតេស្តធ្លាក់ API និងប្រកាសលុប<br />ចោលការអនុញ្ញាត។</p>
<p>សេចក្តីប្រកាសព័ត៌មានរបស់ក្រសួងព័ត៌មាន ដែលចុះហត្ថលេខាដោយលោក អ៊ុក ប្រាថ្នា កាល<br />ពីថ្ងៃទី២៣ ខែកក្កដា ឆ្នាំ២០១៣ បានទទូចស្នើសុំម្ចាស់ស្ថានីយ៍វិទ្យុ ទូរទស្សន៍ និងចាងហ្វាងកា<br />សែត ទស្សនាវដ្តីទាំងអស់ បញ្ឈប់ការផ្សាយពាណិជ្ជកម្មឱសថ Gofen 400 របស់ក្រុមហ៊ុន មេ<br />ហ្គា ឡាយសាយអិនស៍ ភីធីវ៉ាយ លីមីតធីត ដោយយោងទៅតាមការស្នើរបស់ក្រសួងសុខាភិ<br />បាលកាលពីថ្ងៃទី៣ ខែកក្កដា ឆ្នាំ២០១៣។</p>
<p>ក្នុងសេចក្តីប្រកាស ដែលមជ្ឈមណ្ឌលព័ត៌មានដើមអម្ពិលទទួលបាននៅថ្ងៃទី៣១ ខែកក្កដា បាន<br />បន្តថា «បច្ចុប្បន្ន ឱសថ Gofen 400 របស់ក្រុមហ៊ុន មេហ្គា ឡាយសាយអិនស៍ ភីធីវ៉ាយ លីមីត<br />ធីត ត្រូវបានក្រសួង សុខាភិបាល បញ្ជាក់ថា បានធ្វើតេស្តធ្លាក់ API និងលិខិតលេខ ០២៩២ <br />អបស/ឱអបស ចុះថ្ងៃទី២ ខែមេសា ឆ្នាំ២០១៣ របស់ក្រសួងសុខាភិបាល ស្តីពីការអនុញ្ញាតឲ្យ<br />ផ្សព្វផ្សាយពាណិជ្ជកម្ម ឱសថ Gofen 400 ត្រូវបានប្រកាសថា ទុកជាមោឃៈ»។</p>
<p>ក្រសួងព័ត៌មានដើម្បីជៀសវាងនូវ លទ្ធផលអវិជ្ជមានអំពីការផ្សព្វផ្សាយនោះ បានអំពាវនាវដល់<br />ម្ចាស់ស្ថានីយ៍វិទ្យុ ទូរទស្សន៍ និងចាងហ្វាងកាសែត ទស្សនាវដ្តី ទាំងអស់ ត្រូវបញ្ឈប់ការផ្សាយ<br />ពាណិជ្ជកម្មឱសថ Gofen 400 ជា បន្ទាន់ ចាប់ពីពេលផ្សាយដំណឹងនេះតទៅ៕</p>
<p style="text-align: center;"><img src="http://image.dap-news.com:81//dap-news/dap-images/2013/July/id-010/chanroth013-july-143.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>