<p><span style="color: #000000;"><strong>(ម៉ូណាកូ)៖</strong> ការចាប់ឆ្នោតបែងចែកពូលក្នុងក្របខណ្ឌកំពូលអឺរ៉ុប UEFA Champions League រដូវកាលឆ្នាំ២០១៦-២០១៧ ត្រូវបានបញ្ចប់ហើយកាលពីយប់មិញនេះ ក្នុងទីក្រុង Monaco ប្រទេសបារាំង វគ្គ៣២ក្រុម ដោយមានក្រុម ខ្លាំងៗនៅបែកគ្នាទាំងអស់។</span></p>
<p><span style="color: #000000;">យោងតាមសារព័ត៌មាន BBC បានចេញផ្សាយឲ្យដឹងថា ការប្រកួតជើងទី១ វគ្គសន្សំពិន្ទុក្នុងពូល នឹងចាប់ផ្តើមនៅថ្ងៃទី ១៣-១៤ ខែកញ្ញា ឆ្នាំ២០១៦ ខាងមុខនេះ ជាមួយនឹងការបញ្ចប់វគ្គសន្សំពិន្ទុក្នុងពូលនឹងបញ្ចប់នៅថ្ងៃទី០៦-០៧ ខែធ្នូ ខាងមុខ មុននឹងវគ្គផ្តាច់ព្រ័ត្រធ្វើឡើងនៅថ្ងៃទី០៣ ខែមិថុនា ឆ្នាំ២០១៧ នៅទីក្រុង Cardiff នៃប្រទេសវ៉េល។</span></p>
<p><span style="color: #000000;">ទាំង ៤ក្រុមរបស់ចក្រភពអង់គ្លេស សុទ្ធតែនៅពូលបែកគ្នាទាំងអស់ ដោយ Arsenal ស្ថិតក្នុងពូល A គ្រាដែល Manchester City ស្ថិតក្នុងពូល C ជាមួយនឹងសត្រូវចាស់ FC Barcelona និង Tottenham Hotspur ស្ថិតក្នុងពូល E និងក្រុមជើងឯក Premier League រដូវកាលមុន Leicester City ស្ថិតក្នុងពូល។</span></p>
<p><span style="color: #000000;">Real Madrid ជាក្រុមការពារតំណែងជើងឯកនៃរដូវកាលមុន ហើយក៏ជាក្រុមដែលឈ្នះពាន Champions League នេះបាន ១១ដងច្រើនជាងគេផងដែរ ដោយមាន Atletico Madrid របស់អេស្ប៉ាញដូចគ្នា ជាជើងឯករងរដូវកាលមុន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/26/93-26-08-2016--10-50-37.jpg"><img src="/FileManager/Articles/mce/2016/8/26/93-26-08-2016--10-50-37.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<p> </p>