<div class="article-content">
<p><strong>ភ្នំពេញ ៖</strong> ជនសង្ស័យ ២នាក់ ខណៈ ដែលកំពុងធ្វើសកម្មភាព ឆក់ទូរស័ព្ទពីអ្នក ដំណើរនៅតាមផ្លូវ<br /> ត្រូវបានកម្លាំងនគរបាល ប៉ុស្ដិ៍ផ្សារកណ្ដាលទី១ ខណ្ឌដូនពេញ ធ្វើការ ឃាត់ខ្លួនបានភ្លាមៗ ។</p>
<p>មន្ដ្រីនគរបាលខណ្ឌដូនពេញ បានឱ្យដឹង ថា ជនសង្ស័យទី១ ឈ្មោះ សុខ ទី អាយុ ២៤ឆ្នាំ មុខរបរ <br />ជាងជួសជុលរថយន្ដស្នាក់ នៅមិនពិតប្រាកដ ទី២ ឈ្មោះ ម៉ៅ ពិសិដ្ឋ អាយុ ២០ឆ្នាំ មុខរបរ និងទី<br />លំនៅមិនពិត ប្រាកដ ដោយឡែកជនរងគ្រោះវិញ ឈ្មោះ យូ ដាលីន ភេទស្រី អាយុ ២៥ឆ្នាំ បម្រើ<br />ការងារនៅហាងបារាំង ស្នាក់នៅផ្ទះលេខ ៥ ភូមិសាមគ្គី សង្កាត់ទួលសង្កែ ខណ្ឌឫស្សីកែវ។</p>
<p>ប្រភពព័ត៌មានពីសមត្ថកិច្ចមូលដ្ឋានបាន ឱ្យដឹងថា នៅវេលាម៉ោង ១១ និង៣០នាទី យប់ ថ្ងៃទី២៨<br /> ខែឧសភា ឆ្នាំ ២០១៣ ខណៈដែលជនរងគ្រោះ ចេញពីកន្លែងធ្វើ ការ ហើយធ្វើដំណើរមកដល់ចំ<br />ណុចមុខ ហាង ឃីរីម៉ាត ផ្លូវលេខ ១១០ កែងផ្លូវ លេខ ៥ ភូមិទី១៦ សង្កាត់ផ្សារកណ្ដាលទី១ ខណ្ឌ<br /> ដូនពេញ ហើយបានយកទូរស័ព្ទថត ខ្លួនឯងលេង ស្រាប់តែលេចមុខជនសង្ស័យ ២នាក់ ជិះម៉ូតូ១<br />គ្រឿង ធ្វើសកម្មភាពឆក់ ទូរស័ព្ទពីជនរងគ្រោះ បានសម្រេចតែម្ដង។ សមត្ថកិច្ចបានបន្ដថា ប៉ុន្ដែ <br />ក្រោយពេលធ្វើ សកម្មភាពរួចនោះ ត្រូវបានសន្ដិសុខឈ្មោះ សាន សុភ័ក្ដ្រ ដែលកំពុងយាមនៅ ចំ<br />ណុច កើតហេតុ ចេញមកកាក់ បណ្ដាលឱ្យជន សង្ស័យទាំង ២ ផ្ដួលម៉ូតូបម្រុងរត់គេចខ្លួន ក៏ត្រូវ<br />កម្លាំងនគរបាលប៉ុស្ដិ៍ផ្សារកណ្ដាលទី១ ពេលកំពុង ចុះល្បាតឃាត់ខ្លួនភ្លាមៗតែម្ដង ទៅ ។ ដោយ<br />ឡែកទូរស័ព្ទម៉ាក ិផហៀនេ ៥ ពណ៌ស ត្រូវបានសមត្ថកិច្ចប្រគល់ជូនជនរង គ្រោះវិញ រីឯជន<br />សង្ស័យ ទាំង ២ និងម៉ូតូ ដែលជិះធ្វើសកម្មភាព យកទៅឃុំខ្លួន និង រក្សាទុក នៅអធិការដ្ឋាននគរ<br />បាល ខណ្ឌ ដូនពេញ ដើម្បីកសាង សំណុំរឿងបញ្ជូនទៅ តុលាការ ចាត់ការតាមផ្លូវច្បាប់ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/May/id-015/T-0606.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>