<p><span style="color: #000000;"><strong>(ភ្នំពេញ)៖</strong> លោក Lee Tae Hoon គ្រូបង្វឹកជម្រើសជាតិកម្ពុជា បានលើកឡើងថា ថ្វីត្បិតយប់មិញក្រុមម្ចាស់ផ្ទះកម្ពុជា ចាញ់ហុងកុង ២-០ ប៉ុន្ដែកូនក្រុមលោកពិតជាធ្វើបានល្អហើយ តែអ្វីដែលជាបញ្ហា គឺមាឌ។ ដូច្នេះលោកនឹងដោះស្រាយបញ្ហានេះ មុនការប្រកួតផ្លូវការនៃវគ្គជម្រុះពានរង្វាន់ AFF Suzuki Cup 2016 នាពាក់កណ្ដាលខែតុលាខាងមុខ។</span></p>
<p><span style="color: #000000;">គ្រូបង្វឹកជនជាតិកូរ៉េខាងត្បូងរូបនេះ បានស្ងើចសរសើរកូនក្រុមខ្លួន ដែលព្យាយាមធ្វើតាមអ្វីដែលលោកបានប្រាប់ ហើយថែមទាំងខិតខំអស់ពីសមត្ថភាព ទោះដឹងក្រុមហុងកុង មានកម្រិតសមត្ថភាពខ្ពស់ និងមានមាឌធំៗជាងខ្លួនក៏ដោយ។ តែបើសិនជាគូប្រកួតរបស់កម្ពុជា មានកម្រិតសមត្ថភាពប្រហាក់ប្រហែលគ្នា គឺលោកមានជំនឿចិត្តថា លទ្ធផលនឹងល្អប្រសើរជាងនេះ។</span></p>
<p><span style="color: #000000;">លោកបញ្ជាក់ថា <strong>«ជាការពិតណាស់ ក្រុមជម្រើសជាតិកោះហុងកុង គឺកម្រិតរបស់ពួកគេខ្ពស់ជាងក្រុមជម្រើសជាតិយើង ប៉ុន្ដែខ្ញុំគិតថា កូនក្រុមរបស់ខ្ញុំធ្វើបានល្អអស់ពីសមត្ថភាពហើយថ្ងៃនេះ។ ដូចយើងបានដឹង គឺហុងកុង មានកម្ពស់ និងមាឌធំជាងកីឡាករកម្ពុជា ហើយយើងព្យាយាមលេងបាល់វែង និងបាល់លើ ហេតុនេះហើយទើបពិបាកគ្រប់គ្រងបាល់។ ដូច្នេះខ្ញុំនឹងគិតពីបញ្ហានេះឡើងវិញ ដើម្បីត្រៀមពាន AFF Suzuki Cup 2016»</strong>។</span></p>
<p><span style="color: #000000;">គួរបញ្ជាក់ផងដែរថា ក្រោយបរាជ័យជាលើកទី២ ក្រោមថ្វីជើងក្រុមហុងកុងនេះ ក្រុមជម្រើសជាតិកម្ពុជា នៅមានប្រកួតមិត្តភាពអន្ដរជាតិផ្លូវការ១ទៀត ដោយត្រូវជួបក្រុមជម្រើសជាតិស្រីលង្កា នៅថ្ងៃទី០៩ ខែតុលាខាងមុខ នៅលើទីលានពហុកីឡដ្ឋានជាតិ។ បន្ទាប់មកទើបកម្ពុជា ទើបទ្វារទទួលក្រុមភ្ញៀវ ៣ក្រុម ដើម្បីប្រជែងកៅអីជុំផ្ដាច់ព្រ័ត្រនៃពាន AFF Suzuki Cup 2016 តែម្ដង រួមមានជម្រើសជាតិទីម័រខាងកើត ឡាវ និងប្រ៊ុយណេ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpt1/v/t1.0-9/14591699_1786455944927256_2159124440080187381_n.jpg?oh=473dcfbe451210a82a065473246037b4&oe=58609216&__gda__=1483829398_b65363eef6244b867b1c618c3e35f700" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14500511_1786455994927251_7860253956414252306_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14519725_1786455941593923_4711758833544982611_n.jpg?oh=44de30e8bd768de6815ae913f370823b&oe=5864026C" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtp1/v/t1.0-9/14502821_1786455934927257_7978289189719898044_n.jpg?oh=23fef01455d1060481755167b1c8678d&oe=5868B5FE&__gda__=1487155160_d4a891d3e437b06f25641e4fa9cba057" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>