<p><span style="color: #000000;">ព័ត៌មានកីឡា៖ ប្រសិនបើអ្នកពិតជាអ្នកគាំទ្រវិស័យកីឡាបាល់ទាត់មែន នោះអ្នកនឹងប្រកដជាដឹងនូវប្រជាប្រិយភាពរវាង កីឡាករទាំងពីរជាមិនខានឡើយ ហើយក៏អាចមានទស្សនៈប្លែកៗ ចំពោះអ្នកទាំងពីរ ប៉ុន្ដែមិនដឹងថា នរណាម្នាក់នោះទេដែលស្ថិតក្នុងការគាំទ្រឲ្យពិតប្រាកដ ។ </span></p>
<p><span style="color: #000000;">ជារៀងរាល់ពេល មុនឈានទៅដល់ព្រឹត្ដិការណ៍ប្រកួត El Clasico ប្រចាំឆ្នាំ អ្នកទាំងពីរតែងតែត្រូវបាន គេលើកយកមកជាប្រធានបទពិភាក្សា ដោយផ្អែកលើទម្រង់លេងកន្លងមក ជាមួយនឹងសំណួរលើកឡើងថា តើរវាងអ្នកទាំងពីរ មួយណាពិតជាកីឡាករដែលឆ្នើមបំផុតលើពិភពលោក ប្រចាំរដូវកាល ? តើជា Lionel Messi ពាក់សណ្ឋានលេខ ១០ ឬ Cristiano Ronaldo ពាក់លេខ ៧ ? ចំលើយគឺមិនទាន់មានការវែកញ៉ែកឲ្យបានច្បាស់លាស់នោះទេ ថាជា Ronaldo ឬ Messi ។ </span></p>
<p><span style="color: #000000;">ប៉ុន្ដែមិនជាថ្វីនោះទេ យើងអាចវិភាគទាំងអស់គ្នា ជាមួយរបាយការណ៍មួយចំនួន ដោយចាប់ផ្ដើមឲ្យអ្នកទាំងអស់គ្នាចាប់អារម្មណ៍នូវ លទ្ធផលស្វែងរកគ្រាប់បាល់រវាងក្រុមទាំងពីរ គឺកន្លងមកចាប់តាំងពីរដូវកាល ២០០៩-១០ សម្រាប់របាយការណ៍បានបង្ហាញថា ក្លឹប Real Madrid រកគ្រាប់បាល់បានសរុបដល់ទៅ៦៧៦ គ្រាប់ចំណែក Barcelona អាចរកបានត្រឹមតែ ៦៥៧ គ្រាប់។ រីឯផ្នែកបុគ្គលទាំងពីរវិញ Ronaldo អាចរកគ្រាប់បាល់សរុបគឺ ២៣៣ គ្រាប់ បើ Messi វិញគឺ ២៣៥ គ្រាប់ខុសប្លែកគ្នាបន្ដិចបន្ដូចប៉ុណ្ណោះ ។ ចំណែកបច្ចេកទេសគ្រប់គ្រងបាល់ជំនួយវិញ Messi អាចរៀបចំគ្រាប់បាល់ជំនួយបានដល់ទៅ ៨៧ ដង និង Ronaldo បានតែ ៦៧ ដង។ ដូច្នេះសរុបសេចក្ដីមក រវាងអ្នកទាំងពីរ យើងអាចធ្វើការវាយតម្លៃបានខ្លះ ប្រសិនបើផ្អែកលើ របាយការណ៍ដែលបានបង្ហាញពេលនេះ ហើយក៏អាចយល់បានដែរថា ហេតុអ្វីបានជា Messi មានសារៈសំខាន់ចំពោះ Barcelona ជាង Ronaldo មានសារៈសំខាន់ចំពោះ Real Madrid ។ នេះបើយោងតាម គេហទំព័រ Mirror។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-3-59-13-pm-19-11-2015--16-06-04.png"><span style="color: #000000;"><img src="/FileManager/Articles/mce/2015/11/19/11-19-2015-3-59-13-pm-19-11-2015--16-06-04.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-3-58-31-pm-19-11-2015--16-06-16.png"><span style="color: #000000;"><img src="/FileManager/Articles/mce/2015/11/19/11-19-2015-3-58-31-pm-19-11-2015--16-06-16.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-3-58-53-pm-19-11-2015--16-06-27.png"><span style="color: #000000;"><img src="/FileManager/Articles/mce/2015/11/19/11-19-2015-3-58-53-pm-19-11-2015--16-06-27.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p> </p>