<div class="article-content">
<p style="text-align: justify;"><strong>ភ្នំពេញ ៖</strong> ជនជាតិ បរទេសម្នាក់ បាន ទាស់គ្នា ជាមួយប្រពន្ធ ហើយបើករថយន្ដ ជ្រុលចូលផ្ទះ ប្រជាពលរដ្ឋ បណ្ដាលបុកយុវជនម្នាក់ រងរបួសបាក់ជើង ហើយត្រូវបាន បញ្ជូនទៅកាន់មន្ទីរពេទ្យ ភ្លាមៗ ។</p>
<p style="text-align: justify;">ហេតុការណ៍ខាងលើនេះ បានកើតឡើង កាលពីវេលាម៉ោង៥និង៣០នាទីព្រឹក ថ្ងៃទី៤ ខែធ្នូ ឆ្នាំ ២០១៣ នៅផ្ទះលេខ២៩៥ ផ្លូវលេខ៩៩ ក្រុម១៦ សង្កត់ទួលសង្កែ ខណ្ឌឫស្សី កែវ រាជធានីភ្នំពេញ ។</p>
<p style="text-align: justify;">ជនជាតិបរទេសដែលបើករថយន្ដចូលផ្ទះប្រជាពលរដ្ឋ ហើយបុកយុវជនម្នាក់ បណ្ដាលឱ្យបាក់ជើង មានឈ្មោះ MULLER PETER UWE អាយុ៤៩ឆ្នាំ ជាជនជាតិអាល្លឺ ម៉ង់ មានមុខរបរជាម្ចាស់ ភោជនីយ ដ្ឋានមួយ នៅម្ដុំមាត់ទន្លេ ស្នាក់នៅផ្ទះលេខ៣២ ផ្លូវ លេខ១១៨ សង្កាត់ផ្សារកណ្ដាលទី១ ខណ្ឌដូន ពេញ ជិះរថយន្ដម៉ាកមែរសឺដេស ពណ៌ទឹក ប្រាក់ ស្លាកលេខ ភ្នំពេញ ២ភ-០០៧១ ។ ចំណែកយុវជនដែលរងរបួសឈ្មោះជា សុភារី អាយុ២២ឆ្នាំ ជាសិស្សរៀនថ្នាក់ទី១២ ស្នាក់ នៅផ្ទះ កើត ហេតុខាងលើ ។</p>
<p style="text-align: justify;">បើតាមសេចក្ដីរាយការណ៍ព័ត៌មាន បាន ឱ្យដឹងថា មុនពេលកើតហេតុគេ បានឃើញ បុរសជនជាតិ អាល្លឺម៉ង់រូបនេះ ជិះរថយន្ដ ម៉ាកមែរសឺដេស ធ្វើដំណើរលើបណ្ដោយផ្លូវ លេខ៩៩ ដោយមាន ប្រពន្ធជាជនជាតិខ្មែររួមដំណើរផង។ ខណៈធ្វើដំណើរគេមិនដឹងថា បុរសជនជាតិអាល្លឺម៉ង និងស្ដ្រី ជនជាតិខ្មែរនេះមានទំនាស់អ្វីនោះទេបានប្រកែក និងធ្វើកាយវិការដាក់គ្នាទៅវិញទៅមកក្នុង រថយន្ដ នោះ ។ លុះមកដល់កន្លែងកើតហេតុ ក៏បានជ្រុលចង្កូតចូលទៅផ្ទះប្រជាពលរដ្ឋ ដែលស្ថិតនៅ ផ្លូវ លេខ៩៩ បណ្ដាលឱ្យយុវជន ម្នាក់កំពុងលេងជាកូនម្ចាស់ផ្ទះរងរបួសបាក់ ជើង ។</p>
<p style="text-align: justify;">ក្រោយកើតហេតុ រថយន្ដបង្ក ត្រូវបាន នគរបាលប៉ុស្ដិ៍ទួលសង្កែ អូសយកទៅរក្សា ទុក ដើម្បីរង់ចាំ ធ្វើការដោះស្រាយ ៕</p>
<p style="text-align: center;"><img src="http://image.dap-news.com:81/dap-news/dap-images/2013/December/id-011/Hong-0080.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/December/id-011/Hong-0079.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>