<p><strong>ភ្នំពេញ៖</strong> រដូវកាលធា្លក់ភ្លៀង បានចូលមកដល់ តារាចម្រៀងជាច្រើន កំពុងតែត្រៀមរៀបចំបង្វេច<br /> ចាកចេញពីប្រទេសកម្ពុជា ព្រោះសកម្មភាពសិល្បៈ ក្នុងស្រុកចាប់ផ្ដើម ស្ងប់ស្ងាត់ជាបណ្តើរៗ។ <br />ប្រភពពីក្រុមរាំ តារាចម្រៀង ឱក សុគន្ធកញ្ញា បានបង្ហើបថា ចូលដល់ខែនេះ ហាក់ស្ងាត់បន្តិចហើយ <br />តែបានរាំ នៅតាមស្ថានីយ មិនសូវស្ងាត់ទេ ។</p>
<p>តារាល្បី ដែលកំពុងតែត្រៀមទៅ ក្រៅប្រទេសខាងមុខនេះ មានដូចជា តារាចម្រៀងស្រីល្បី ឱក <br />សុគន្ធកញ្ញា ដែលជាទម្លាប់របស់ នាងជារៀងរាល់ខែវស្សា នាងតែងតែទៅ កើបលុយដុំ នៅក្រៅ<br />ប្រទេស ជារៀងរាល់ឆ្នាំ។ តែសម្រាប់ឆ្នាំនេះ លេចឮថា នាងកំពុងតែត្រៀម ទៅកើបលុយនៅ <br />អាមេរិកទៀតហើយ ។ ឱក សុគន្ធកញ្ញា ក៏ជាតារាចម្រៀងស្រី ដែលមានទ្រព្យ សម្បត្តិច្រើនផងដែរ<br /> ខណៈរកចំណូលជិតខ្ទង់លានដុល្លារក្នុងមួយឆ្នាំ ។</p>
<p>តារាចម្រៀងប្រុស លំដាប់កំពូលជាង មួយទស្សវត្ស លោក ព្រាប សុវតិ្ថ ដែលកាលពីឆ្នាំមុន <br />លោកបានទៅសម្ដែង នៅសហរដ្ឋអាមេរិក ដែលកាលនោះលោកត្រូវបានផ្អើលអាមេរិក ជាមួយ<br />បទ "អូនសិចស៊ី ឡេឌី" ដែលជាបទយកលំនាំពីបទ "ហ្គាងណាំស្ទាយល៍" របស់កូរ៉េ ដ៏ល្បីល្បាញ។<br /> ប្រភពមួយបានបង្ហើបថា លោកនឹងចេញទៅ អាមេរិកជាថ្មីម្ដងទៀត តាមសំណូមពរ របស់បងប្អូនខ្មែរ<br /> នៅអាមេរិក មិនខុសពីមុនទេ ព្រាប សុវតិ្ថ នឹងសណ្ដោងក្រុមតន្រ្តី របស់លោក ទៅជាមួយដដែល។</p>
<p>តារា កំប្លែងមុខពីរ រ៉ូលីន ក៏ត្រៀមខ្លួនចាកចេញ ទៅក្រៅប្រទេសដែរ។ នេះបើយោងតាម អ្នក<br />រៀបចំការប្រគំតន្រ្តី នៅអាមេរិក ដែលតារាកំប្លែងនេះ មានប្រជាប្រិយភាព ខ្លាំងមិនធម្មតាឡើយ ។<br /> បងប្អូនខ្មែរជាច្រើន ទន្ទឹងចាំមើលវត្តមាន តារាប្លែងល្បីនេះ ។តារាចម្រៀងស្រីវ៉ាគេដាច់ខាងក្បាច់រាំ<br />និងសម្លៀកបំពាក់ ពេជ្រ សោភា វិញ ក៏ប្រាប់ LookingTODAY កំពុងតែត្រៀម ខ្លួនចាកចេញដែរ តែ<br />មិនទាន់ប្រាប់ពីពេលវេលាទេ។ ម្យ៉ាងនាងកំពុងតែ ជាប់ភារៈកិច្ច ដ៏សំខាន់មួយ គឺបំពេញងារជាពលរដ្ឋ<br />ល្អ គឺត្រូវទៅបោះឆ្នោត នៅថ្ងៃ២៨ កក្កដាខាងមុខនេះឲ្យរួចសិន។ ពេជ្រ សោភា បន្តថា ចំណែករយៈ<br />ពេល ទៅសម្ដែងមិនយូរទេ ព្រោះនាងមិនសូវចូលចិត្ត នៅក្រៅប្រទេសយូរទេ ៕</p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0346.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>