<p><span style="color: #000000;"><strong>(ឡុងដ៍)៖</strong> នាយករដ្ឋមន្ត្រីអង់គ្លេស លោក David Cameron នឹងត្រូវធ្វើដំណើរទៅកាន់ទីក្រុងព្រុចសែល ប្រទេសប៊ែលហ្សិក នៅថ្ងៃនេះ ដើម្បីចូលរួមប្រជុំជាមួយនឹងមេដឹងនាំសហភាពអឺរ៉ុប (EU) ដែលជាកិច្ចប្រជុំចុងក្រោយក្នុងនាមជានាយករដ្ឋមន្ត្រីអង់គ្លេស ហើយក៏ជាកិច្ចប្រជុំចុងក្រោយដើម្បីសម្រេចរឿងចក្រភពអង់គ្លេសបោះឆ្នោតចាកចេញពី EU។ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី២៨ ខែមិថុនា។</span></p>
<p><span style="color: #000000;">នៅក្នុងកិច្ចប្រជុំនេះ លោក Cameron នឹងជួបជាមួយក្រុមប្រឹក្សាសហភាពអឺរ៉ុប ដើម្បីអនុវត្តទៅតាមការប្រជាមតិ ក្នុងការបោះឆ្នោតចាកចេញពី EU។ ចំណែក EU ក៏មានកិច្ចប្រជុំមួយធំផងដែរ នៅថ្ងៃនេះ ប៉ុន្តែកិច្ចប្រជុំនោះពុំមានវត្តមានលោក David Cameron ឡើយ ព្រោះតែ EU ប្រជុំពិភាក្សាគ្នាទៅលើផលប៉ះពាល់ក្រោយពេលចក្រភពអង់គ្លេសចាកចេញពី EU រួមនឹងវិធានការផ្សេងៗមួយចំនួនទៀត។</span></p>
<p><span style="color: #000000;">អ្វីដែលសំខាន់នោះគឺនៅថ្ងៃនេះ EU នឹងបញ្ជាក់បន្ថែមឲ្យ លោក David Cameron ក្នុងនាមជានាយករដ្ឋមន្ត្រីនៃប្រទេសអង់គ្លេស អនុវត្តទៅតាមមាត្រា ៥០នៃច្បាប់ EU និងចាកចេញឲ្យបានចាប់រហ័សបំផុត។</span></p>
<p><span style="color: #000000;">គួរបញ្ជាក់ផងដែរថា ការដាក់មនុស្សជំនួសលោក David Cameron នាយករដ្ឋមន្ត្រីនៃចក្រភពអង់គ្លេស ព្រមទាំងមេដឹកនាំគណបក្សអភិរក្សនិយម និងមេដឹកនាំចក្រភពអង់គ្លេស អាចនឹងត្រូវធ្វើឡើងនៅថ្ងៃទី០២ ខែកញ្ញា ឆ្នាំ២០១៦ខាងមុខ៕</span></p>
<p><span style="color: #000000;"><a class="thickbox" title="" href="/FileManager/Commons/2016/6/28/17a-28-06-2016--14-03-47.jpg"><img src="/FileManager/Articles/mce/2016/6/28/17a-28-06-2016--14-03-47.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ ស៊ីអិនអិន/ប៊ីប៊ីស៊ី</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>