<div class="article-content">
<p><strong>ភ្នំពេញ ៖</strong> ក្រោយពីសារព័ត៌មាន ក៏ដូចជាទូរទស្សន៍ នៅក្នុងស្រុកមួយចំនួន បានចាក់ផ្សាយ<br /> ព័ត៌មានដែលបញ្ជាក់ពី សពស្រ្តីម្នាក់ ត្រូវគេយកខ្សែរឹតក សម្លាប់ច្រកបាវ ដឹកតាមរថយន្ត មក<br />ទម្លាក់ចោល នៅក្នុងប្រឡាយ ស្ថិតភូមិបាគូរ សង្កាត់ដង្កោ ខណ្ឌដង្កោ កាលពីវេលាម៉ោង ១០<br /> និង ២០នាទី ថ្ងៃទី ៤ ខែមិថុនា ឆ្នាំ២០១៣ កន្លងមកនេះ នៅព្រឹក ថ្ងៃទី៥ ខែមិថុនា ឆ្នាំ២០១៣<br /> នេះ ឪពុក-ម្តាយរបស់សពស្ត្រីរងគ្រោះខាងលើ បានចេញមុខ មកបំភ្លឺពី អត្តសញ្ញាណ កូនស្រី<br />របស់ខ្លួន ដែលត្រូវគេសម្លាប់ ។ </p>
<p>ស្រី្តឈ្មោះ ហាន់ ស៊ីណា ត្រូវជាម្តាយរបស់សពស្រ្តី ដែលគេសម្លាប់ បាននិយាយរៀបរាប់ នៅ<br />ចំពោះមុខសមត្ថកិច្ច ទាំងទឹកភ្នែកហូររហាមថា សពកូន ស្រីរបស់គាត់មានឈ្មោះ ម៉ៅ ណាផា<br /> អាយុ ២១ ឆ្នាំ មុខរបរ ជាកម្មការិនីរោង ចក្រ មានស្រុកកំណើត នៅភូមិត្រពាំងត្របែក ឃុំអង្គ<br />តាសោម ស្រុក ត្រាំកក់ ខេត្តតាកែវ ។ ស្រី្តដដែល បានរៀប រាប់បន្តថា កាលពីវេលាម៉ោង ១២<br /> ថ្ងៃត្រង់ ថ្ងៃទី០៣ ខែមិថុនា ឆ្នាំ២០១៣ កន្លងមក កូនស្រីរបស់គាត់ បាន ជិះម៉ូតូ ១គ្រឿង ម៉ាក<br />សេ១២៥ ស៊េរី២០១៣ ពណ៌ខ្មៅ ពាក់ស្លាកលេខ តាកែវ 1H-8310 ចាកចេញពីផ្ទះបាត់ រហូត<br /> ទាល់តែដល់ម៉ោង ១១ ព្រឹក ថ្ងៃទី៤ ខែមិថុនា ឆ្នាំ២០១៣ ទើបរូបគាត់បានទទួលព័ត៌មាន តាម<br />គេហទំព័រ សារព័ត៌ មានផ្សេងនៅក្នុងស្រុក ដែលបានចុះផ្សាយ ពីភិនភាគ ដែលឃាតក សម្លាប់<br />ច្រកបាវ យកមកទម្លាក់ចោល នៅក្នុង ប្រឡាយ ស្ថិតក្នុងភូមិសាស្រ្តខណ្ឌដង្កោ ។ ភ្លាមៗស្រី្តជា<br />ម្តាយ និងក្រុមគ្រួសារផ្សេងទៀត បានស្វាត់ស្វែងចេញពី ស្រុកកំណើតឆ្ពោះមករាជធានីភ្នំពេញ ដើម្បីមើលភិនភាគដែលសារព័ត៌មានបានចុះផ្សាយ ខណៈមកដល់វត្ត ដែលតំកល់សព ស្រ្តីជា ម្តាយបានឃើញសពកូនស្លាប់យ៉ាងអាណោចអាធ័ម ក៏បានយំសោកបោកខ្លួន នៅចំពោះ មុខ<br />សមត្ថកិច្ចហើយនិយាយថា សពនេះគឺជាកូនស្រីរបស់ខ្ញុំ ។</p>
<p>ក្រោយពីម្តាយ របស់សពដែលគេសម្លាប់ ច្រកបាវយកទម្លាក់ចោល និយាយរៀបរាប់រួមមកនោះ<br /> សមត្ថកិច្ចជំនាញ បានអញ្ជើញម្តាយ និងឪពុករបស់ សពស្រ្តីរងគ្រោះ មកឆ្លើយបំភ្លឺ ដើម្បីស្រាវ<br />ជ្រាវពីមុខសញ្ញា ដែលបណ្តាលឲ្យ កូន ស្រីរបស់គាត់ត្រូវគេសម្លាប់ ។ សមត្ថកិច្ចនៅមិនទាន់<br />បញ្ជាក់ថា សពស្រ្តីខាងលើនេះ ស្លាប់ដោយសាររឿងគំនុំ ឬក៏ ករណីប្លន់សម្លាប់នោះទេ។</p>
<p>គួរបញ្ជាក់ថា សពស្រ្តីឈ្មោះ ម៉ៅ ណាផា ដែលច្រកបាវ ហើយសមត្ថកិច្ចជំនាញបានចាកចេញ<br />ពីបាវនោះ គឺខ្លួន ប្រាណរបស់សពហើមស្អុយ និង ស្ថិតក្នុងស្ថានភាពអាក្រាតកាយ ដោយមាន<br />ចំណងរឹតកថែមទៀតផង ។ បច្ចុប្បន្ន សពត្រូវបានសមត្ថកិច្ច ប្រគល់ឲ្យក្រុមគ្រួសារ ដឹកយក<br />ទៅធ្វើបុណ្យ នៅស្រុកកំណើត តាមប្រពៃណី៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0083.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0084.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0085.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0086.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0087.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>