<p><span style="color: #000000;"><strong>(ហ្សាការតា)៖</strong> គ្រោះមហន្តរាយរញ្ជួយដីដ៏ខ្លាំងក្លាមួយទៀតមានកម្រិត ៦.៤រ៉ិចទ័រ បានវាយប្រហារខេត្ត អាសេ (Aceh) ភាគខាងជើងកោះ សូម៉ាត្រានៃប្រទេសឥណ្ឌូណេស៊ីនៅព្រឹកថ្ងៃពុធនេះ ហើយបានបណ្តាលឲ្យចំនួនមនុស្សស្លាប់កើនដល់យ៉ាងហោចណាស់៥៤នាក់ និងជាង ១០នាក់បន្តនៅជាប់ក្រោមគំនរអគារនៅឡើយ ខណៈអគារជាច្រើនខ្នងត្រូវបានបំផ្លិចបំផ្លាញទាំងស្រុង និងមនុស្សជាច្រើនបានទទួលរងរបួស យ៉ាងដំណំ។ នេះបើតាមការចេញផ្សាយដោយទីភ្នាក់ងារព័ត៌មានចិន ស៊ិនហួរ នៅមុននេះបន្តិចនារសៀលថ្ងៃពុធ ទី០៧ ខែធ្នូ ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/12/7/14-07-12-2016--14-30-31.jpg"><img src="/FileManager/Articles/mce/2016/12/7/14-07-12-2016--14-30-31.jpg" alt="" /></a></p>
<p><span style="color: #000000;">គ្រោះរញ្ជួយដីខាងលើបានកើតឡើងនៅចម្ងាយប្រមាណ ១០គីឡូម៉ែត្រ ពីឆ្នេរភាគខាងឦសាននៃខេត្ត Aceh នាវេលាម៉ោង ៥៖០៣នាទីព្រឹក (ម៉ោងក្នុងទីក្រុងហ្សាការតា) ហើយបើតាមការឲ្យដឹងពីលោក Sutopo Nugroho អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយធម្មជាតិ នៃប្រទេសឥណ្ឌូណេស៊ី ហេតុការណ៍នេះបានធ្វើឲ្យមនុស្សម្នាជាច្រើននាក់មានការភ័យស្លន់ស្លោជាខ្លាំង ខណៈដែលផ្ទះសម្បែងរបស់ពួកគេ បានដួលរលំខ្ទេចខ្ទីគ្មានសល់ជាបន្តបន្ទាប់ ហើយមនុស្សមួយចំនួនតូចបានរងរបួស។ យ៉ាងណាមិញពុំមានសេចក្តីប្រកាសពីរលក យក្សស៊ូណាមិ ដែលបានបង្កឡើងដោយគ្រោះរញ្ជួយដីកម្រិតធ្ងន់មួយនេះឡើយ។</span></p>
<p><br /><a class="thickbox" title="" href="/FileManager/Commons/2016/12/7/14a-07-12-2016--14-30-46.jpg"><img src="/FileManager/Articles/mce/2016/12/7/14a-07-12-2016--14-30-46.jpg" alt="" /></a></p>
<p><span style="color: #000000;">គួរបញ្ជាក់ដែរថា ប្រទេសឥណ្ឌូណេស៊ីតែងតែបានជួបប្រទះការរញ្ជួយដីនិងបន្ទុះភ្នំភ្លើងជាញឹកញាប់ ដោយសារតែទីតាំងភូមិសាស្រ្តរបស់ ប្រទេសតំបន់អាស៊ីអាគ្នេយ៍មួយនេះ ស្ថិតនៅចំទីតាំងដ៏ពិសេសដែលគេហៅថា «The Pacific Ring of Fire» ។ កាលពីឆ្នាំ២០០៤ គ្រោះរញ្ជួយដីកម្រិត ៩.២រ៉ិចទ័រ ដ៏សាហាវមួយបានបង្កជារលកយក្សស៊ូណាមិដែលបានវាយប្រហារទៅលើបណ្តាប្រទេសដែលស្ថិតនៅជុំវិញ មហាសមុទ្រឥណ្ឌា ដោយឥណ្ឌូណេស៊ីគឺជាចំនុចដែលបានទទួលរងគ្រោះធ្ងន់ធ្ងរជាងគេបង្អស់ ដោយសារតែកាលនោះ នៅក្នុងខេត្ត Aceh តែឯងប៉ុណ្ណោះមានចំនួនអ្នកស្លាប់មិនតិចជាង ១២០,០០០នាក់ឡើយ៕</span></p>
<p><br /><a class="thickbox" title="" href="/FileManager/Commons/2016/12/7/14b-07-12-2016--14-30-58.jpg"><img src="/FileManager/Articles/mce/2016/12/7/14b-07-12-2016--14-30-58.jpg" alt="" /></a></p>
<p><br /><a class="thickbox" title="" href="/FileManager/Commons/2016/12/7/14c-07-12-2016--14-31-08.jpg"><img src="/FileManager/Articles/mce/2016/12/7/14c-07-12-2016--14-31-08.jpg" alt="" /></a><a class="thickbox" title="" href="/FileManager/Commons/2016/12/7/14b-07-12-2016--14-30-58.jpg"></a></p>
<p><span style="color: #000000;"><img src="http://e3.365dm.com/16/12/750x563/bb288b070466c3d5cde38cc32e72748ff9ce82fdb340bff3b730e79195daa48f_3847330.jpg?20161207051857" alt="" width="730" /></span></p>
<p><span style="color: #000000;"><img src="http://e3.365dm.com/16/12/992x558/91eaac14b6882a28dc46fddf0a5a13570dd59fb83c5bc2e8de7711071f07c2bd_3847329.jpg?20161207051658" alt="" width="730" /></span></p>
<p><object width="480" height="380" data="http://www.youtube.com/v/Z_lh5ZHnwDM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Z_lh5ZHnwDM&rel=1" /></object></p>
<p><br /><object width="480" height="380" data="http://www.youtube.com/v/pI3B7W3psP4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/pI3B7W3psP4&rel=1" /></object></p>
<p><br /><br /></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>