<p><span style="color: #000000;"><strong>ភ្នំពេញ ៖</strong> យុវជនម្នាក់ បានជិះម៉ូតូមួយគ្រឿង ក្នុងល្បឿនយ៉ាងលឿន ក៏ជ្រុលទៅបុក រថយន្តវីហ្គូ កំពុងបត់ឆ្លងផ្លូវពេញទំហឹង បណ្តាលឱ្យរងរងការខូចខាតយ៉ាងដំណំ ហើយថែមទាំងទាមទារសំណង ពីម្ចាស់រថយន្ត២០០ដុល្លារទៀត ដែលហេតុការណ៍នេះ បានកើតឡើង កាលពីវេលាម៉ោង ៩និង៥៥នាទីយប់ ថ្ងៃទី២៧ ខែមករា ឆ្នាំ២០១៥ តាម បណ្តោយផ្លូវលេខ៤៨៨ កែងនឹងផ្លូវលេខ១០៥ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។</span></p>
<p><span style="color: #000000;">ប្រភពព័ត៌មាន ពីកន្លែងកើតហេតុបានឱ្យដឹងថា នៅមុនពេលកើតហេតុ គេបានឃើញរថយន្តវីហ្គូមួយគ្រឿង ពណ៌ទឹក ប្រាក់ ពាក់ស្លាកលេខភ្នំពេញ 2Q-7071 ធ្វើដំណើរតាមបណ្តោយផ្លូវលេខ ៤៨៨ ក្នុងទិសដៅពីលិចទៅកើត ខណៈមក ដល់ចំណុចកើតហេតុ រថយន្តបានបត់ឆ្វេង បំណងទៅផ្លូវលេខ១០៥ ភ្លាមៗនោះ ស្រាប់តែមានយុវជនម្នាក់ ជិះម៉ូតូ ឌ្រីមសេ ១១០ ពណ៌ខ្មៅ ពាក់ស្លាកលេខភ្នំពេញ 1BG-9992 ក្នុងល្បឿនយ៉ាងលឿន ទិសដៅបញ្ច្រាសទិសគ្នា ចាប់ហ្រ្វាំងមិនទាន់ ក៏ជ្រុលបុករថយន្តចំពាក់កណ្តាលពេញទំហឹង បណ្តាលឱ្យរថយន្ត បែកកង់ក្រោយខាងស្តាំ និងម៉ូតូរង ការខូចខាតយ៉ាងដំណំ ប៉ុន្តែ សំណាងល្អអ្នកជិះម៉ូតូរងរបួសស្រាល ។</span></p>
<p><span style="color: #000000;">ប្រភពបន្តថា ម្ចាស់រថយន្តសុខចិត្តសង នូវសំណងទៅខាងម៉ូតូ តែភាគីខាងម៉ូតូ ទាមទារច្រើនពេកដល់ទៅ២០០ដុល្លារ ដោយខ្លួនជាជនអ្នកខុសសោះ ។ ដោយការចរចាគ្នាមិនត្រូវ សមត្ថកិច្ចជំនាញបានចុះធ្វើការវាស់វែង យកយាន្ត ជំនិះទាំង ២គ្រឿង ទៅរក្សាទុក ជាបណ្តោះអាសន្ន នៅអធិការដ្ឋាននគរបាលខណ្ឌចំការមន រង់ចាំដោះស្រាយនៅ ពេលក្រោយ ៕ </span></p>
<p><span style="color: #000000;"><a class="thickbox" title="" href="/FileManager/Commons/2015/1/28/1-28-2015-11-50-53-am-28-01-2015--11-56-21.png"><img src="/FileManager/Articles/mce/2015/1/28/1-28-2015-11-50-53-am-28-01-2015--11-56-21.png" alt="" /></a></span></p>
<p><a class="thickbox" title="" href="/FileManager/Commons/2015/1/28/1-28-2015-11-51-41-am-28-01-2015--11-56-38.png"><img src="/FileManager/Articles/mce/2015/1/28/1-28-2015-11-51-41-am-28-01-2015--11-56-38.png" alt="" /></a><span style="color: #000000;"><br /></span></p>