<p><strong>ភ្នំពេញៈ</strong> វាពិតជារឿង ដែលគួរឲ្យភ្ញាក់ផ្អើល សម្រាប់តារាចម្រៀងល្បីឈ្មោះគួរសម កញ្ញា រតនៈ ពិសី<br /> ដែលនៅសុខៗស្រាប់តែ ត្រូវបានស្ត្រីអនាមិកម្នាក់ បានខលទូរស័ព្ទស៊ើបសួរពីតម្លៃខ្លួន ដើម្បីទាក់ទង<br />យកទៅឲ្យ បុរសសម្បូរទ្រព្យស្តុកស្តម្ភ ដែលចូលចិត្តចាយលុយ ធ្វើជាអន្ទាក់ស្នេហា និងអាចនិយាយ<br />ជាភាសាសាមញ្ញ ស្រួលស្តាប់ពេញនិយមក្នុង ពិភពតារាខ្មែរថា គឺ “ហៅទៅញុំាបាយ”។</p>
<p>ជាថ្មីម្តងទៀតសម្រាប់ រតនៈពិសី បន្ទាប់ពីនាងបានពើបប្រទះ នូវព័ត៌មានដ៏រសើបជាច្រើន ពាក់ព័ន្ធជីវិត<br />ឯកជនរបស់នាង ដូចជា កាលពីពេលថ្មីៗកន្លងទៅនេះ បណ្តាញសារព័ត៌មានជាច្រើន បានចុះផ្សាយទាក់<br />ទងទៅនឹង រូបថតរបស់នាង ត្រូវបានជនអនាមិក យកទៅបង្ហោះនៅក្នុង Account Facebook លក់ខ្លួន<br /> ដែលមានឈ្មោះថា (Sale body) បានធ្វើឲ្យមានការភ្ញាក់ផ្អើល ពីសំណាក់អ្នកនិយមលេង Facebook <br />ក្នុងនោះគេក៏បានឃើញ រូបថតល្បីៗ២ដួងទៀត គឺកញ្ញា ពេជ្រ សូលីកា និង កញ្ញា ទេព បូព្រឹក្ស ។</p>
<p>បន្ទាប់ពីមានរឿងរ៉ាវ ប៉ះពាល់ដល់កិត្តិយសធ្ងន់ធ្ងរ រតនៈ ពិសី រួចមក តារាចម្រៀងមាឌតូចល្អិត តែចិត្តធំ<br />រូបនេះ បានប្រតិកម្មខ្លាំងៗ និងសម្តែងអារម្មណ៍ខឹងសម្បារ ហើយគ្រោងសហការ ជាមួយសមត្ថកិច្ចតាមវែក<br /> រកមុខជនអានាមិក ដែលបានធ្វើទង្វើមិនគប្បីចំពោះនាង ព្រមទាំងត្រៀមរៀបចំពាក្យ បណ្តឹងប្តឹងថែមទៀតផង ។</p>
<p>ពាក់ព័ន្ធជាមួយនឹង ព័ត៌មានដ៏រសើបនេះ មិនទាន់ទាំងបានស្ងប់ស្ងាត់ និងសាបរលាបពី អារម្មណ៍<br />ទស្សនិកជនក៏ ដូចជាអ្នកចូលចិត្ត តាមដានសកម្មភាព តារាខ្មែរផង នាងបានជួបប្រទះនូវរឿង ដ៏គួរឲ្យភ្ញាក់<br />ផ្អើលមួយទៀត គឺត្រូវបានស្ត្រីម្នាក់ ដែលគេដឹងយ៉ាងប្រាកដថា ជាអ្នកសិល្បៈដូចគ្នា និងជាអ្នកពូកែដឹកញី<br />បន្ស៊ីឈ្មោល បានខលទូរស័ព្ទមកនាង សួរនាំពីតម្លៃខ្លួនត្រង់ៗក្នុងគោលបំណង យកនាងទៅឲ្យបុរសសម្បូរទ្រព្យ <br />ឬអាចនិយាយបានថា ជាម៉ែយ៉ែម ពូកែទាក់ទងតារាឲ្យតាៗ។</p>
<p>ប្រភពព័ត៌មានគួរឲ្យទុកចិត្តមួយ បានបង្ហើបឲ្យដឹងទៀតថា បន្ទាប់ពីហេតុការណ៍នេះកើតឡើង បានធ្វើឲ្យ <br />រតនៈ ពិសី ខឹងសម្បារក្តៅស្លឹកត្រចៀកតូង និងគិតថាស្ត្រីម្នាក់នោះ មើលងាយតម្លៃនារីខ្មែរ មើលងាយតារា<br />ចម្រៀងខ្មែរ ហើយនាងមានឈ្មោះល្បីប៉ុណ្ណឹងដែរ មិនយកខ្លួនទៅប្រឡូកប្រឡាក់ ក្នុងរឿងបែបនេះឡើយ។</p>
<p>រតនៈពិសីនិយាយថា “ខ្ញុំខឹងខ្លាំងណាស់បង..! គេតេមកសួរខ្ញុំបែបៗហ្នឹង.. ខ្ញុំទទួលយកអត់បានទេ។ ស្រីម្នាក់<br />នោះមើលងាយខ្ញុំ និងហាក់ដូចជាចង់ ផ្ចាញ់ផ្ចាលជាមួយខ្ញុំ នៅពេលដែលឃើញខ្ញុំ មានភាពលេចធ្លោនៅក្នុង<br />អាជីព ក៏ដូចជាការងារ ក្នុងក្លឹបអេហ្ស៊ីប”។</p>
<p>យ៉ាងណាក៏ដោយ រតនៈ ពិសី បានផ្តាំផ្ញើរទៅស្ត្រីម្នាក់នោះវិញថា នាងជាអ្នកសិល្បៈមានកិត្តិយស និង<br />កេរ្តិ៍ឈ្មោះមហាជនគាំទ្រ នាងមិនទៅធ្វើទង្វើស្មោគគ្រោក ដូចដែលស្ត្រីម្នាក់នោះ ធ្លាប់ធ្វើទៅលើអ្នកផ្សេងឡើយ ។<br />បញ្ហានេះ នាងគិតថា មកពីស្រ្តីម្នាក់នោះមានប្អូនស្រី ធ្វើការក្នុងក្លឹបជាមួយនាង ហើយដោយសារតែឃើញនាង<br /> មានសភាពលេចធ្លោជាង ក្នុងចរន្តការងារ ទើបស្រ្តីម្នាក់នេះ ហាក់បីដូចជាមានគំនុំជំនួស ប្អូនស្រីខ្លួន។</p>
<p>រតនៈ ពិសី បញ្ជាក់ទៀតថា ស្ត្រីម្នាក់នោះនាង បានស្គាល់ឈ្មោះ និងបានស្គាល់ពួជពង្សវង្ស ត្រកូលច្បាស់<br />លាស់ទៀតផង ប៉ុន្តែនាងមិនចង់រករឿង នាំឲ្យវែងឆ្ងាយទេ នាំតែខាតពេលវេលា អត់ប្រយោជន៍ តែបើស្ត្រីម្នាក់<br />នោះ នៅបន្តធ្វើទង្វើបែបនេះមកលើរូបនាងទៀត នាងអាចនឹងពិចារណា ទៅតាមផ្លូវច្បាប់ និងសហការជាមួយ<br />សមត្ថកិច្ច ចាត់វិធានការណ៍ទៅលើស្ត្រីនោះ ពុំខានឡើយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2442.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2443.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2444.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>