<div>
<p><span style="color: #000000;"><strong>(ភ្នំពេញ)៖</strong>ស្របពេលដែលច្បាប់ចរាចរណ៍ផ្លូវគោកថ្មី បាននឹងកំពុងដាក់ឲ្យអនុវត្ត សម្រាប់ដើមឆ្នាំ២០១៦ហើយ ត្រូវបានប្រជាពលរដ្ឋភាគច្រើន បង្ហាញក្តីព្រួយការម្មណ៍ និងរិះគន់ចំពោះមាត្រាមួយចំនួននោះ ប្រធានសមាគមន៍សិល្បករខ្មែរ លោក សុះ ម៉ាច បានសរសេលើកឡើង នៅលើហ្វេសប៊ុកខ្លួនថា «<strong>សូមសរសើររដ្ឋាភិបាលចែង និងអនុវត្តច្បាប់ចរាចរថ្មី ទោះបីបានផលវិជ្ជមាន និងអវិជ្ជមានក៏ដោយ ថ្មីៗនេះគឺល្បាញល្បីគ្រប់ទិសទី ទូទាំងប្រទេសជា ពិសេសក្នុងបណ្តាញ សង្គមFACEBOOK និងសារព័ត៌មានខ្លះៗ ព្រោះថា ទាំងប្រជាពលរដ្ឋ សិស្ស និស្សិត មន្ត្រីរាជការ នរណាៗ ក៏គេនិយាយពីរឿងហ្នឹងដែរ អាចនិយាយបានថា ពិតជាល្បីសម្រាប់ពេលបើកទំព័រសករាជថ្មី ដើមឆ្នាំ២០១៦នេះតែម្តង</strong>»។</span></p>
<p><span style="color: #000000;">សោក សុះ ម៉ាច បានបញ្ជាក់ថា«<strong>សូម្បីតែខ្សែភាពយន្តបរទេស ភាពយន្តខ្មែរ បទចម្រៀង ក៏មិនអាចដណ្តើមយកប្រជាប្រិយភាព និងទទួលបានការចាប់អារម្មណ៍ ជាងច្បាប់ចរាចរថ្មីនេះដែរ! ជាទស្សនខ្ញុំផ្ទាល់ ខ្ញុំគាំទ្រក្នុងការបង្កើតច្បាប់ តែក៏គួរពិនិត្យពិចារណា ទៅតាមមាត្រាខ្លះ ឲ្យសមស្របទៅតាមកាលៈទេសៈ កម្រិតជីវភាពរួមទាំង ចំណេះដឹងច្បាប់ចរាចររបស់ប្រជាពលរដ្ឋសព្វថ្ងៃនេះផង! យ៉ាងហោចណាស់ ក៏យកត្រឹមច្បាប់ប្រទេសជិតខាង ក្នុងអាស៊ីយើងមកសិក្សា និងអនុវត្តជាមុនសិនទៅ បើអនុវត្តបែបគំហុកអ៊ីចឹងនោះ វាមិនបានផលល្អទាំងអស់នោះទេ ត្រូវធ្វើមួយជំហានៗ</strong> »។</span></p>
<p><span style="color: #000000;">ប្រធានសមាគមន៍រូបនេះ បានបន្តថា« <strong>ហើយងាកមកកសាង និងពង្រីកផ្លូវឲ្យបានច្រើន និងទូលាយបែងចែកផ្លូវឡាន និងម៉ូតូឲ្យដាច់ពីគ្នា កំណត់ល្បឿនទៅតាមទីប្រជុំជន តំបន់នានាយានយន្តគ្រប់ប្រភេទ ត្រូវសមស្របទៅតាមស្តង់ដារ នៃច្បាប់ហើយយានយន្តតូចធំ គ្រប់ប្រភេទទាំងអស់ គួរបំពាក់ឧបករណ៍ឲ្យបានត្រឹមត្រូវ សំខាន់បំផុត គឺអប់រំផ្សព្វផ្សាយ បង្កើនចំណេះដឹង រឹតបន្តឹងច្បាប់ដល់អ្នកបើកបរទាំងអស់ ឲ្យកាន់តែយល់ច្បាស់ និងគោរពជាមុនសិន ទើបប្រសើរជាង។ វានឹងអាចកាត់បន្ថយគ្រោះថ្នាក់ ចរាចរបានប្រសើរជាងនេះ</strong> »។</span></p>
<p><span style="color: #000000;">«<strong>សូមទោសផងបើមានខុសឆ្គង! នេះគ្រាន់តែជាយោបល់បន្តិចបន្តួច គ្រាន់ជួយរួមចំណែកក្នុងសង្គមប៉ុណ្ណោះ!! យី!ភ្លេចខ្លួនឯងមិនមែនបណ្ឌិតផង</strong> <strong>ចេះដឹងចេញយោបល់អីដែរ»</strong>។ នេះជាការលើកឡើងបន្ថែមពីសំណាក់លោក សុះ ម៉ាច ជុំវិញការអនុវត្តច្បាប់ចរាចរណ៍ថ្មី៕</span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/1934967_1539133709734328_3776019418644033686_n.jpg?oh=db385d0a8b69a5902b69d9e5b79214e6&oe=5718012A&__gda__=1460631963_3ab3060dc83676c9c1445c048f466ce9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/1383076_1539133639734335_2706212505482568249_n.jpg?oh=0d0eabbfd883d0eeaf6c26a1320b47e1&oe=5713892E" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/1935781_1313779431981697_3974222938513904347_n.png?oh=2033005c29deea8371d3e3730f486956&oe=5749963D&__gda__=1459398836_b44278ad236aad3eafbe92f82b952977" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>