<p><span style="color: #000000;"><strong>(ភ្នំពេញ)៖</strong> អតីតារាចម្រៀងប្រុសវ័យ២៧ឆ្នាំ របស់ផលិតកម្ម Bigman លោក ហ៊ុន បរិញ្ញា ក្រោយពីស្ងប់ស្ងាត់បាត់មុខ មួយរយៈពេលលើវិស័យចម្រៀង ថ្មីៗនេះ ស្រាប់តែធ្លាយដំណឹងថា តារាប្រុសរូបនេះ បានសម្រេចចិត្តចាកចេញ ពីផលិតកម្មចាស់ ដែលធ្លាប់ផ្តល់ដំបូល គឺផលិតកម្ម Bigman ដោយគ្មានភាពស្តាយស្រណោះបន្តិចសោះឡើង ខណៈដែលបទចម្រៀង របស់លោកមិនត្រូវបានចរាចរណ៍ ចេញលក់នៅលើទីផ្សារ ដែលជាដើមចមធ្វើឲ្យតារារូបនេះ ស្ទើរបាត់ឈ្មោះពីទីផ្សារសិល្បៈ។</span></p>
<p><span style="color: #000000;">បើតាមប្រភពផ្លូវការមួយ បានបង្ហើបថា តារាចម្រៀងប្រុសធ្លាប់មានឈ្មោះល្បីគួរសម លើវិថីសិល្បៈ លោក ហ៊ុន បរិញ្ញា ក្រោយពីរសាត់ចេញពីផលិតកម្ម Bigman បានមួយរយៈពេលខ្លីលោកក៏ឈោងចាប់បាន ឱកាសចូលជាតារាចម្រៀង របស់ផលិតកម្មល្បីឈ្មោះ សាន់ដេ។ មិនតែប៉ុណ្ណោះ បច្ចុប្បន្នតារាប្រុសរូបសង្ហា លោក ហ៊ុន បរិញ្ញា ក៏ត្រៀមចេញបទចម្រៀង ចំនួន២បទ ដើម្បីអង្រួនបេះដូងយុវវ័យ និងដណ្តើមយកទីផ្សារគាំទ្រពីទស្សនិកជន ផងដែរ។</span></p>
<p><span style="color: #000000;">ឆ្លើយតបសំណួររបស់គេហទំព័រ Khmertalking នារសៀលថ្ងៃទី២៨ ខែតុលា ឆ្នាំ២០១៦នេះ តារាចម្រៀងមានដើមកំណើត ពីទឹកដីខេត្តកំពង់ចាម លោក ហ៊ុន បរិញ្ញា បាននិយាយថា លោកពិតជា បានចាកចេញពីផលិតកម្ម Bigman ហើយឈោងចូលផលិតកម្ម សាន់ដេ ប្រាកដមែន ប៉ុន្តែការចាកចេញពី ផលិតកម្មចាស់ Bigman គឺពុំបណ្តាលមកពីមូលហេតុ ជម្លោះ ឬបញ្ហាអ្វីនោះឡើយ គ្រាន់តែលោកចង់ប្តូរមកចាប់យកឱកាសថ្មី ជាមួយផលិតកម្ម សាន់ដេ តែប៉ុណ្ណោះ។</span></p>
<p><span style="color: #000000;">តារាប្រុសលោក ហ៊ុន បរិញ្ញា បានបន្តទៀតថា អំឡុងពេលដែលលោកចាប់ផ្តើម ឈានជើងចូលមកផលិតកម្មសាន់ដេ បើគិតរហូតមកទល់ពេលនេះ គឺមានរយៈពេលមួយខ្យល់ធំមកហើយ ដែលក្នុងនោះបច្ចុប្បន្នលោក ក៏ត្រៀមចេញលក់ CD បទចម្រៀងចំនួន២បទ នៅក្នុងផលិតកម្មសាន់ដេ ដោយបទទី១-មានចំណងជើងថា «សារភាពថាបងឈប់ស្រឡាញ់អូន» និងបទទី២ «ក្តីសុខបងគឺអូន ក្តីសុខអូនគឺលុយ»។</span></p>
<p><span style="color: #000000;">ជាមួយការថ្លែងយ៉ាងដូច្នេះ តារាចម្រៀងចំណូលថ្មី របស់ផលិតកម្មសាន់ដេ លោក ហ៊ុន បរិញ្ញា បានបញ្ជាក់បន្ថែមថា តាមរយៈបទចម្រៀងចំនួន២បទខាងលើនេះ លោកសង្ឃឹម និងជឿជាក់ថា ក្រោយពីចេញលក់ជា CD និង VCD ផ្លូវការ អាចទទួលបានការចាប់អារម្មណ៍គាំទ្រ ពីសំណាក់មិត្តៗយុវវ័យ ព្រោះទាំង២បទនេះ ភាគច្រើន មានបញ្ចូលមនោសញ្ចេតនា ទាក់ពីជីវិតស្នេហាបែបយុវវ័យ នាសម័យបច្ចុប្បន្ន៕</span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xat1/v/t1.0-9/14523153_1619784598047844_1734862389793319534_n.jpg?oh=ca8a5b24237f09973f4ee4cf13fa850d&oe=58965B80&__gda__=1486764936_137bbd9934d372048aac07e741b360a6" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14732270_1619784684714502_6496504012667229423_n.jpg?oh=680afd3426e1f8420dee1355ddef5f3f&oe=5895BEBF" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/14908232_1619784601381177_4398316859911701850_n.jpg?oh=e06529300e1b06d32a2797f82588bbb7&oe=589C8859" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14900442_1619784594714511_6074470389980264446_n.jpg?oh=80a18acac08ec9913a544e828ee6f116&oe=5891B755" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>