<p><span style="color: #000000;"><strong>(ភ្នំពេញ)៖</strong> តារារូបស្រស់ប្រចាំផលិតកម្ម ហង្សមាស កញ្ញា ឱក សុគន្ធកញ្ញា កាលពីថ្ងៃទី២២ ខែកក្កដា ឆ្នាំ២០១៦នេះ បាននាំយកថវិកាចំនួន១ម៉ឺនដុល្លារ ដែលបានមកពីការឧបត្ថម្ភ របស់សប្បុរសជន ទៅប្រគល់ជូនមន្ទីរពេទ្យគន្ធបុប្ផា ដែលជាមន្ទីរពេទ្យធំជាងគេនៅកម្ពុជា ក្នុងការជួយសង្គ្រោះអាយុជីវិតកុមារ។</span></p>
<p><span style="color: #000000;">កញ្ញា ឱក សុគន្ធកញ្ញា បានសរសេរបង្ហោះនៅលើហ្វេសប៊ុកមុននេះបន្តិចថា <strong>«ថ្ងៃនេះនាងខ្ញុំបានទៅដល់មន្ទីរពេទ្យគន្ធបុប្ផា ដោយនាំយកថវិកាចំនួន ៤០,០០០,០០០ រៀលដែលស្មើរនឹងទឹកប្រាក់ ១ម៉ឺនដុល្លារ ផ្តល់ដោយខនដូ The View Residence សូមថ្លែងអំណរគុណដល់ម្ចាស់ក្រុមហ៊ុន ដែលបានផ្តល់ក្តីស្រឡាញ់ និងយកចិត្តទុកដាក់ដល់កុមារកម្ពុជា សូមជូនពរឲ្យក្រុហ៊ុន The View Residence ទទួលបាននូវភាពជោគជ័យ សូមអរគុណ!»</strong>។</span></p>
<p><span style="color: #000000;">នេះមិនមែនទើបជាលើកទី១នោះទេ ដែលតារាសម្តែងរូបស្រស់ កញ្ញា ឱក សុគន្ធកញ្ញា បានបង្ហាញក្នុងតាមរយៈសកម្មភាពមនុស្សធម៌ ជួយសង្គម ពោលជារឿយៗ នាងតែងតែចូលរួមធ្វើអំពើមនុស្សធ៌នានា ដូចជា ចុះចែកអំណោយដល់កុមារកំព្រា និងប្រជាពលរដ្ឋក្រីក្រ នៅតាមសមគមន៍មួយចំនួន។</span></p>
<p><span style="color: #000000;">សូមបញ្ជាក់ថា មន្ទីរពេទ្យគន្ធបុប្ផា គឺជាមន្ទីពេទ្យធំជាងគេ នៅប្រទេសកម្ពុជា ដែលមានគោលការណ៍មនុស្សធម៌ផ្តោតសំខាន់ លើការព្យាបាល និងសេវាសុខភាពដោយឥតគិតថ្លៃ សម្រាប់កុមារនៅកម្ពុជាអស់រយៈពេលជាច្រើនឆ្នាំមកហើយ ក្រោមជំនួយថវិកាពីរាជរដ្ឋាភិបាលកម្ពុជា និងរដ្ឋាភិបាលប្រទេសស្វីស ព្រមទាំងសប្បុរសជនទាំងក្នុង និងក្រៅប្រទេស។ មន្ទីរពេទ្យនេះបានដើរតួនាទីយ៉ាងសំខាន់ និងជាកកន្លែងផ្តល់ក្តីសង្ឃឹម ដល់កុមារនៅប្រទេសកម្ពុជា ជាពិសេសកុមារក្រីក្ររាប់ម៉ឺននាក់ ដែលឪពុកម្តាយពួកគេទាំងនោះ ខ្វះលទ្ធភាព ដើម្បីស្វែងរកសេវាព្យាបាលជំងឺ ដល់កូនៗ៕</span></p>
<p><span style="color: #000000;"><img src="http://image.freshnewsasia.com/2016/020/fn-2016-07-22-17-10-14-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-07-22-17-10-15-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-07-22-17-10-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-07-22-17-10-23-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-07-22-17-10-27-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-07-22-17-10-27-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>