<p><span style="color: #000000;">ព័ត៌មានអន្តរជាតិ ៖ អ្នកជំនាញជាន់ខ្ពស់ ខាងកោសល្យវិច័យ ជនជាតិ ហូឡង់ ម្នាក់ ដែលជាសមាជិក នៃក្រុមស៊ើបអង្កេត ករណីធ្លាក់យន្តហោះ ក្រុមហ៊ុនអាកាសចរណ៍ ម៉ាឡេស៊ី MH17 ត្រូវបានបណ្តេញ ចេញពីមុខតំណែង ដោយនឹងមានការពិចារណា ទៅលើការដាក់ទណ្ឌកម្ម បន្ថែមទៀត បន្ទាប់ពីលោក បានបង្ហាញសន្លឹករូបថត ជនរងគ្រោះ ស្លាប់បាត់បង់ជីវិត ក្នុងហេតុការណ៍ធ្លាក់យន្តហោះខាងលើ ទៅ ដល់សិស្សានុសិស្សរបស់លោក ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/25/50-25-04-2015--09-37-26.jpg"><img src="/FileManager/Articles/mce/2015/4/25/50-25-04-2015--09-37-26.jpg" alt="" /></a><br /></span></p>
<p><span style="color: #000000;">Thomas Aling អ្នកនាំពាក្យអោយ ក្រុមស៊ើបអង្កេតកោលសល្យវិច័យជាតិ ហូឡង់ LTFO ផ្តល់ជាកិច្ច សម្ភាសន៍ដល់ AFP អំឡុងថ្ងៃព្រហស្បត្តិ៍នេះអោយដឹងថា ៖ សាស្ត្រាចារ្យ George Maat ត្រូវបានផ្អាក ពីការងាររបស់លោក ខណៈក្រុមការងារកំពុងតែពិចារណាដូចគ្នាដែរ ទៅនឹងការចាត់វិធាន ការចំពោះ រូបលោក ។ បន្ថែមពីនេះ អ្នកនាំពាក្យដដែលបន្តអោយដឹងថា ៖ ហេតុផល មិនត្រូវ នាំយករូបភាព ទៅ បង្ហាញសាធារណៈនេះហើយ ទើបលោកសាស្រ្តាចារ្យរូបនេះ ត្រូវបណ្តេញចេញពីតំណែង ។ </span></p>
<p style="text-align: left;"><span style="color: #000000;"><a class="thickbox" title="" href="/FileManager/Commons/2015/4/25/51-25-04-2015--09-37-52.jpg"><img src="/FileManager/Articles/mce/2015/4/25/51-25-04-2015--09-37-52.jpg" alt="" /></a><br /></span></p>
<p style="text-align: left;"><span style="color: #000000;">ការបង្ហាញឡើងនូវសន្លឹករូបថត "គឺជារឿងមួយដ៏គួរអោយអាម៉ាស់ និងគួរអោយរន្ធត់ជាទីបំផុតសំរាប់ ក្រុមគ្រួសារជនរងគ្រោះ" នេះគឺជាការលើកឡើងដោយសង្ខេប ពី សំណាក់ អនុ ប្រធាន សមាគមន៍ គ្រោះមហន្តរាយដែនអាកាស MH17 លោក Evert van Zijtveld ។ </span></p>
<p><span style="color: #000000;">ពិតណាស់ កាលពីដើមខែ មេសា កន្លងទៅនេះ លោកសាស្រ្តចារ្យ បើសិនណា គ្រាន់តែបានបង្ហាញរូប ភាពទៅក្រុមសិស្សានុសិស្ស មានគ្នាត្រឹមតែ ១៥០ នាក់នោះ លោកមិនប្រឈមមុខនឹងការជាប់ទោស ឧក្រិដ្ឋនោះទេ ប៉ុន្តែ បើយោងតាមសេចក្តីប្រកាសរបស់លោក លោកបានបង្ហាញ វាឡើង ទៅដល់សា ធារណៈជនតែម្តង ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/25/52-25-04-2015--09-38-05.jpg"><img src="/FileManager/Articles/mce/2015/4/25/52-25-04-2015--09-38-05.jpg" alt="" /></a><br /></span></p>
<p><span style="color: #000000;">អ្នកនាំពាក្យ ក្រុមស៊ើបអង្កេតខាងលើបន្តអោយដឹងថា ៖ ខ្ញុំពិត ជាមិនបាន ដឹងថា មានវត្តមានសាធារ ជននៅទីនោះនោះទេ អំឡុងពេលមានការបង្ហាញរូបភាព "អោយខ្ញុំ សូម អភ័យទោស ចំពោះការធ្វើ អោយមានសេចក្តីរន្ធត់ចិត្ត ដល់ក្រុមគ្រួសារ នៃ សព ដែលបាន បាត់បង់ សមាជិកគ្រួសាររបស់ខ្លួន" ខណៈលោកធ្លាប់តែមានជំនឿជាក់ថា ការបង្ហាញសន្លឹករូបថតទាំងនោះ ធ្វើឡើងចំពោះតែ ក្រុមសិស្ស និស្សិតវេជ្ជសាស្រ្ត របស់សាស្រ្តាចារ្យជាប់ចោទ តែមួយក្រុមនោះទេ ។ </span></p>
<p><span style="color: #000000;">គួររំឮកថា ករណីបង្ហាញរូបភាព ជនរងគ្រោះស្លាប់បាត់បង់ជីវិត ដោយ សារករណីធ្លាក់យន្តហោះខាង លើបានបែកធ្លាយ ជាលើកដំបូង ដោយអ្នកកាសែត នៃប៉ុស្តិ៍ ទូរទស្សន៍ ឯកជន RTL Nieuws ផ្សាយ បន្ត។ សេចក្តីរាយការណ៍ បញ្ជាក់អោយដឹងថា អំឡុង ការរៀបចំ ការបង្ហាញឡើង ដោយ សមាគម ក្រុមសិស្ស និស្សិតពេទ្យ សាស្រ្តាចារ្យជាប់ចោទខាងលើ បានប្រើប្រាស់សន្លឹករូបថត ជនរងគ្រោះមានតាំងពីសន្លឹករូបថត បំណែករាងកាយ ធ្វើជាឧទាហរណ៍ ជា ក់ស្តែង បង្ហាញពីរបៀប ក៏ដូចជា និតិវិធី និង ដំណោះរ នៃការបញ្ជាក់អត្តសញ្ញាណជនរងគ្រោះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/25/53-25-04-2015--09-38-14.jpg"><img src="/FileManager/Articles/mce/2015/4/25/53-25-04-2015--09-38-14.jpg" alt="" /></a><br /></span></p>
<p><span style="color: #000000;">គួរបញ្ជាក់ថា យន្តហោះក្រុមហ៊ុនអាកាសចរណ៍ ម៉ាឡេស៊ី ជើងហោះហើរ MH17 ប្រភេទ Boeing 777 បានធ្លាក់ចុះ នាភាគខាងកើត អ៊ុយក្រែន កាលពីថ្ងៃទី ១៧ កក្កដា ឆ្នាំ ២០១៤ ដោយបានសម្លាប់អ្នក ដំ ណើរគ្មានសល់ម្នាក់ទាំង ២៩៨ នាក់ ។ ករណីគ្រោះថ្នាក់ធ្លាក់យន្តហោះខាង លើ បណ្តាលអោយមាន ភាពចម្រូងចម្រាស់ រវាងរុស្ស៊ី និងកងកម្លាំងបះបោរអ៊ុយក្រែន ចោទប្រកាន់ គ្នាទៅវិញទៅមក ថាបាន បាញ់ទម្លាក់យន្តហោះខាងលើ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេ </span></p>