<p>កិច្ចប្រជុំកំពូលអាស៊ានបានបញ្ចប់មិនទាន់បានប៉ុន្មានថ្ងៃផង ចោរប្លន់ប្រដាប់អាវុធក៏បានធ្វើ<br />សកម្មភាពជាថ្មី ដោយបានបាញ់ប្លន់ក្នុងបំណងយកម៉ូតូ ក្នុងករណីចំនួនពីរផ្សេងគ្នា ដែលអ្នក<br />រងគ្រោះម្នាក់ជាស្រីនៅខណ្ឌមានជ័យ និងម្នាក់ទៀតជាប្រុសនៅខណ្ឌសែនសុខ។</p>
<p>ក្នុងករណីប្លន់នៅឯខណ្ឌមានជ័យ កើតឡើងនៅវេលាម៉ោង ៦ និង ៣០នាទី ព្រលប់ថ្ងៃទី២១ ខែ<br />វិច្ឆិកា ឆ្នាំ២០១២ នៅតាមផ្លូវលំ ក្នុងភូមិទ្រា៤ សង្កាត់ស្ទឹងមានជ័យ ខណ្ឌមានជ័យ។ នារីគ្រោះ<br />ឈ្មោះ ឌន សាវន អាយុ ២៣ឆ្នាំ ស្នាក់នៅផ្ទះជួល ម្តុំលូ៥ សង្កាត់ស្ទឹងមានជ័យ ខណ្ឌមានជ័យ<br />ត្រូវជនសង្ស័យពីរនាក់ ជិះម៉ូតូ STR បាញ់មួយគ្រាប់ ដើម្បីប្លន់យកម៉ូតូឃ្លីកមួយគ្រឿង ប៉ុន្ដែមិន<br />បានសម្រេច។ ទោះយ៉ាងណា ក្រុមចោរ បានបាញ់នារីរងគ្រោះ ឱ្យរបួសចំក្រោមស្មា ធ្លាយទៅ<br />ម្ខាង។ ចំណែកក្រុមជនសង្ស័យ បន្ទាប់ពីធ្វើសកម្មភាពប្លន់មិនបានសម្រេច ត្រូវសមត្ថកិច្ចឃាត់<br />ខ្លួនបានទាំងពីរនាក់។</p>
<p style="text-align: center;"><a class="thickbox" title="" href="/FileManager/Commons/2012/11/22/gunrobbermotorbloodcen221112-22-11-2012--16-19-28.jpg"><img style="display: block; margin-left: auto; margin-right: auto;" src="/FileManager/Articles/mce/2012/11/22/gunrobbermotorbloodcen221112-22-11-2012--16-19-28.jpg" alt="" width="388" height="242" /></a><em>នារីគ្រោះ ឈ្មោះ ឌន សាវន ត្រូវចោរបាញ់ចំក្រោមស្មា ធ្លាយទៅម្ខាង</em></p>
<p>រីឯ នៅក្នុងករណីប្លន់ប្រដាប់អាវុធទីពីរ កើតឡើងកាលពីវេលាម៉ោង១ និង២០នាទីរំលងអធ្រាត្រ<br /> ឈានចូលថ្ងៃទី២២ ខែវិច្ឆិកាឆ្នាំ ២០១២ នៅចំណុចដីឡូត៌មួយកន្លែង តាមបណ្តោយផ្លូវសហព័ន្ធ<br />រុស្ស៊ី ទល់មុខរោងចក្រមិថុនា ឋិតក្នុងសង្កាត់ទឹកថ្លា ខណ្ឌសែនសុខ។ ក្រុមចោរមាន គ្នា៦នាក់<br />ជិះម៉ូតូ៣គ្រឿង បានបាញ់ទៅលើបុរសម្នាក់ មានឈ្មោះ ងួន ជឹមសៀន អាយុ៤៣ឆ្នាំ មុខរបររត់<br />ម៉ូតូឌុប ស្នាក់ផ្ទះជួលក្នុងភូមិប៉ប្រក សង្កាត់កាកាប ខណ្ឌពោធិ៍សែនជ័យ បណ្ដាលឱ្យបាក់ភ្លៅខាង<br />ស្តាំធ្លាយមកកំភួនជើងខាងឆ្វេង រួចក្រុមចោរនោះក៏យកម៉ូតូរបស់ជនរងគ្រោះម៉ាកហុងដា សេ<br />១២៥ ស៊េរីឆ្នាំ២០០៨ពណ៌ខ្មៅ ពាក់ស្លាកលេខព្រៃវែង 1B-1638 ជិះគេចខ្លួនដោយសុវត្ថិភាព។</p>
<p style="text-align: center;"><a class="thickbox" title="" href="/FileManager/Commons/2012/11/22/dsc00639-22-11-2012--16-20-27.jpg"><img style="display: block; margin-left: auto; margin-right: auto;" src="/FileManager/Articles/mce/2012/11/22/dsc00639-22-11-2012--16-20-27.jpg" alt="" width="383" height="215" /></a><em>បុរសរងគ្រោះ ឈ្មោះ ងួន ជឹមសៀន ត្រូវចោរបាញ់ចំជើងខាងឆ្វេង </em><br /><em>និងប្លន់យកម៉ូតូបានសម្រេច</em></p>
<p>ករណីចោរប្លន់ប្រដាប់អាវុធខាងលើ បានធ្វើឱ្យប្រជាជនមានការព្រួយបារម្ភយ៉ាងខ្លាំង ហើយមាន<br />មនុស្សមួយចំនួននិយាយថា ៖ "ប្រសិនបញ្ហាសន្ដិសុខ ត្រូវបានរឹតបន្ដឹងដូចទៅនឹងក្នុងអំឡុងកិច្ច<br />ប្រជុំកំពូលអាស៊ាន នោះបញ្ហាចោរប្លន់ប្រដាប់អាវុធ ប្រាកដជាមិនអាចកើតមានឡើងនោះទេ!"៕</p>
<p> </p>
<p style="text-align: right;">ដោយ ៖ សីហា<br /><br /></p>