<p><strong>ភ្នំពេញៈ</strong> តារាចម្រៀង សំឡេងផ្អែម រូបស្រស់សោភា កញ្ញា សុគន្ធ នីសា កាលពីរាត្រីយប់មិញ បានរៀបចំពិធី ជប់លៀងខួបកំណើត ស្ងាត់ៗមួយ នៅក្នុងភោជនីយដ្ឋាន មួយកន្លែង ក្នុងរាជធានីភ្នំពេញ ជាមួយតារាចម្រៀង ជាច្រើនដួង នៅផលិតកម្ម ថោន ។</p>
<p>តារាស្រីមានសម្រស់ កាន់តែស្រស់ផូរផង់ កញ្ញា សុគន្ធ នីសា កាលពីរាត្រីថ្ងៃទី១ ខែឧសភា ឆ្នាំ២០១៤ នេះ បានរៀបចំពិធី ជប់លៀងខួបកំណើត ជាលក្ខណៈ សាមញ្ញជួបជុំ ជាមួយមិត្តសិល្បៈជិតដិត ដែលជាតារាចម្រៀង ក្រោមដំបូល ផលិតកម្មតែមួយ នៅក្នុងភោជនីយដ្ឋាន មួយកន្លែង យ៉ាងសប្បាយរីករាយ ខុសប្លែកពីអ្នកដទៃ ដែលកន្លងមកធ្លាប់តែ ខំប្រឹងបង្អួត ពីភាពហ៊ឺហារចាយលុយ រៀបចំកម្មវិធីធំដុំ ឲ្យសមនឹងកេរ្តិ៍ឈ្មោះ។</p>
<p>ក្នុងនោះមាន អ្នកសិល្បៈ មួយចំនួនទៀត ក៏បានរៀបចំពិធីជប់លៀង ទ្រង់ទ្រាយធំ ជាមួយក្រុមអ្នកគាំទ្ររបស់ខ្លួន ។ ចំឡែកអ្វីតែតារាស្រីល្បីឈ្មោះ ក្នុងផលិតកម្ម ថោន នាង សុគន្ធ នីសា បែរជាសម្ងំរៀបចំពិធី ខួបកំណើតជុំមិត្តភក្តិ ជាអ្នកសិល្បៈស្ងាត់ៗទៅវិញ។</p>
<p>បើតាមរូបថត តារាចម្រៀងបុរសសង្ហា លោក សុគន្ធ ថេរ៉ាយុ បង្ហោះនៅលើបណ្តាញ ទំនាក់ទំនងសង្គម Facebook របស់ខ្លួនបាន សរបញ្ជាក់ឲ្យ ដឹងថា នៅក្នុងហាង ដែល កញ្ញា សុគន្ធ នីសា រៀបចំពិធីជប់លៀងនោះ ហាក់ដូចជាគ្មានភ្ញៀវច្រើនទេ ។ នៅក្នុងហាងនោះ ក៏គ្មានភ្ញៀវផ្សេង ក្រៅពីក្រុមតារាចម្រៀង របស់ ផលិតកម្មថោនដែរ ។</p>
<p>តាមការបង្ហាញបែបនេះ ត្រូវបានមជ្ឈដ្ឋាន អ្នកតាមដានសិល្បៈ បានលើកឡើងថា ការរៀបចំពិធី ជប់លៀងស្ងាត់ៗបែបនេះ ទំនងជាតារាស្រីរូបនេះ មានម្ចាស់ចិត្ត ជាអ្នករៀបចំឲ្យ ព្រោះថាបើទោះជាការរៀបចំនោះ មិនធំដុំក៏ដោយ តែយ៉ាងហោចណាស់នាង ចំណាយក៏មិនតិចដែរ ព្រោះត្រូវជួល ហាងមួយទាំងមូល ដើម្បីរៀបចំពិធី ។ ចង់ដឹងថា នៅក្នុងពិធីជប់លៀង របស់តារាស្រីល្បីឈ្មោះរូបនេះ មានភាពសប្បាយរីករាយ និងសាមញ្ញ បែបណា ទៅទស្សនាទាំងអស់គ្នា ៖</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0909.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0910.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0911.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0912.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0913.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0914.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0915.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0916.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/29948-2014-05-02-05-41-32.html" target="_blank">ផ្តល់សិទ្ធដោយ ៖ ដើមអម្ពិល</a></p>