<p><strong>ភ្នំពេញ៖</strong> ស្រីស្អាតរូបស្រស់ កំពុងតែមានប្រជាប្រិយភាព ក្នុងការថតឈុតខារ៉ាអូខេ កញ្ញា លីលី បានបង្ហើបឲ្យដឹងថា នៅពេលនេះ ក្រៅពីការងារសិល្បៈក្នុងស្រុក នាងក៏មានការមមាញឹក ក្នុងការត្រៀមឯកសារ ចេញទៅសម្តែងនៅក្រៅប្រទេស ក្នុងពេលឆាប់ៗ ខាងមុខនេះ ដោយការចេញទៅ សម្តែងនៅអូស្ត្រាលី គឺជាឱកាសលើកដំបូង សម្រាប់នាងក្នុងអំឡុង ពេលនាងប្រឡូកក្នុងសិល្បៈ ។</p>
<p>ជួបជាមួយ Looking TODAY តាមទូរស័ព្ទ តារារូបស្រស់វ័យក្មេង សាច់សរម៉ដ្ឋរលោង កញ្ញា លីលី បានប្រាប់ឲ្យដឹងថា នៅក្នុងរយៈពេលប៉ុន្មានឆ្នាំ ខែចុងក្រោយនេះ សន្ទុះការងាររបស់នាង មានភាពរីកចម្រើនច្រើនទ្វេដងខុសពីមុន។ នៅក្នុងពេលខ្លីៗខាងមុខនេះ នាងក៏ត្រៀមខ្លួនចេញទៅ សម្តែងនៅអូស្ត្រាលី ដោយរួមដំណើរជាមួយ អ្នកសិល្បៈមួយចំនួន ។</p>
<p>កញ្ញា លីលី បានប្រាប់ឲ្យដឹងបន្ថែមទៀតថា នេះជាលើកទី១ហើយ ដែលនាងមានឱកាស បានចេញទៅសម្តែង នៅអូស្ត្រាលី ព្រោះថា កន្លងមកនាងមិនដែល ទទួលយកការអញ្ជើញពី Sponsor ណាមួយទេ ដោយសារតែនាងមិនមានភាពក្លាហាន ក្នុងការចេញទៅឆ្ងាយ ហើយគ្រួសារក៏មិនហ៊ានឲ្យនាងចេញទៅឆ្ងាយ រយៈពេលយូររាប់ខែដែរ ។</p>
<p>ស្រីស្អាតរាងខ្ពស់ស្រឡះ ស្រឡូនតូចច្រឡឹងរូបនេះ បានប្រាប់ទៀតថា "ឯកសារខ្ញុំបានរៀបចំរួចរាល់អស់ហើយ ដោយការចេញទៅសម្តែងនេះ ។ តែនៅមិនទាន់ដឹងច្បាស់នៅឡើយទេថា ចេញទៅថ្ងៃណាប្រាកដទេ បើតាមខ្ញុំដឹងការចេញទៅនេះ ទំនងជារួមដំណើរជាមួយ នាយក្រិន ,អ្នកនាង សំ ប៉ូលីដា រួមជាមួយតារាមួយចំនួនទៀត ។ ខ្ញុំសង្ឃឹមថា ការចេញទៅសម្តែងលើកនេះ អាចធ្វើឲ្យខ្ញុំមានឱកាស ទទួលបានបទពិសោធន៍ និងការគាំទ្រកាន់តែច្រើន ថែមមួយកម្រិតទៀត "៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-030/Kosal-0336.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-030/Kosal-0337.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-030/Kosal-0338.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-030/Kosal-0339.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-030/Kosal-0340.jpg" alt="" width="500" /></p>
<p style="text-align: right;"><a href="http://www.lookingtoday.com/index.php/entertainment-general-news/28924-2014-03-27-10-47-30.html" target="_blank">ផ្តល់សិទ្ធដោយ ៖ ដើមអម្ពិល</a></p>