<p><span style="color: #000000;"><strong>(បន្ទាយមានជ័យ)៖ </strong>សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី២៦ ខែមេសានេះបានថ្លែងរំពឹង និងជឿជាក់ថា បទចម្រៀងនិពន្ធដោយស្នាដៃកូនខ្មែរ ហើយបាននឹងកំពុងល្បីល្បាញ នៅកម្ពុជាបច្ចុប្បន្ន និងប្រទេសដទៃមួយចំនួនទៀត គឺបទ<strong> «រាំញីកែងជើង»</strong> នឹងល្បីល្បាញដូចបទចម្រៀងរបស់កូរ៉េ បទ<strong> «Gangnam Style»</strong> ដែលធ្វើឲ្យពិភពលោក រំជើបរំជួលជាមួយនឹង ក្បាច់រាំ នៃបទចម្រៀងនេះ។</span></p>
<p><span style="color: #000000;">សម្តេចតេជោ ហ៊ុន សែន បានថ្លែងយ៉ាងដូច្នេះ ក្នុងឱកាសដែលសម្តេចអញ្ជើញជាអធិបតីភាព ក្នុងពិធីសម្ពោធដាក់ឲ្យប្រើប្រាស់ ផ្លូវលេខ៥៦ នៅក្នុងខេត្តបន្ទាយមានជ័យ ដែលមានប្រវែង១២៤គីឡូម៉ែត្រ។</span></p>
<p><span style="color: #000000;">សម្តេចតេជោ ហ៊ុន សែន បានថ្លែងថា <strong>«បទ រាំញីកែងជើង បន្តិចទៀតនឹងល្បីដូចបទ Gangnam style របស់កូរ៉េ ហើយបទ រាំញីកែងជើង របស់យើង ស្រួលរាំជាងបទ Gangnam style ទៅទៀត។ ចៅរបស់ខ្ញុំស្ទើរគ្រប់ចៅរាំបទនេះ ហើយបញ្ជូនតាមវីដេអូ តាម Whatsapp ឲ្យមើលទៀត»</strong>។</span></p>
<p><span style="color: #000000;">បទ <strong>«រាំញីកែងជើង»</strong> និពន្ធ និងច្រៀង ដោយតារាចម្រៀងវ័យក្មែង ងួន ចាន់ដាវីត បានទទួលការនិយមគាំទ្រយ៉ាងខ្លាំងពី ប្រជាពលរដ្ឋកម្ពុជា រួមទាំងសម្តេចតេជោ ហ៊ុន សែន នាយករដ្ឋមន្ត្រីផងដែរ ហើយបទនេះល្បីខ្លាំងក្នុងកំឡុងពេលដែលប្រទេស កម្ពុជា ប្រារព្ធពិធីបុណ្យចូលឆ្នាំថ្មី ប្រពីណីជាតិ ឆ្នាំវក អដ្ឋស័ក ពស ២៥៦០ គស ២០១៦។</span></p>
<p><span style="color: #000000;">ក្នុងឱកាសចូលរួមក្នុងអង្គរសង្ក្រន្តឆ្នាំថ្មី សម្តេចតេជោ ហ៊ុន សែន ព្រមទាំងមន្ត្រីថ្នាក់ដឹកនាំជាន់ខ្ពស់របស់កម្ពុជា បានអញ្ជើញឡើង រាំបទ <strong>«រាំញីកែងជើង»</strong> នេះ យ៉ាងសប្បាយរីករាយផងដែរ។</span></p>
<p><span style="color: #000000;">បទ «រាំញីកែងជើង» របស់កម្ពុជាត្រូវបានប្រជាជនជាច្រើន ចុចទស្សនារាប់លានដង នៅក្នុងគេហទំព័រ YouTube។ ចំណែកបទ <strong>«Gangnam style»</strong> របស់កូរ៉េ ដែលច្រៀងដោយតារាចម្រៀង PSY ចេញនៅក្នុងឆ្នាំ២០១២ ហើយទទួលបានការចូលទស្សនា ជាង២ពាន់លានដង នៅលើ YouTube៕</span></p>
<p><span style="color: #000000;"><br /><object width="480" height="380" data="http://www.youtube.com/v/a91PTWiBcwI&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/a91PTWiBcwI&rel=1" /></object></span></p>
<p><br /><object width="480" height="380" data="http://www.youtube.com/v/85KlIfqYaRU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/85KlIfqYaRU&rel=1" /></object></p>
<p><br /><object width="480" height="380" data="http://www.youtube.com/v/9bZkp7q19f0&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/9bZkp7q19f0&rel=1" /></object><span style="color: #000000;"><br /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>
</div>