<p><span style="color: #000000;"><strong>(ភ្នំពេញ)៖</strong> នាយឧត្តមសនីយ៍ កែ គឹមយ៉ាន ឧបនាយករដ្ឋមន្រ្តី និងជាប្រធានប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន បានឲ្យដឹងថា ជនល្មើសដែលជាប់ពាក់ព័ន្ធ និងបទល្មើសគ្រឿងញៀនមួយចំនួន មានតែឈ្មោះក្នុងបញ្ជីជាប់ពន្ធនាគារ ប៉ុន្តែមនុស្សវិញ ចេញរកស៊ីគ្រឿងញៀននៅខាងក្រៅជាងមុន។</span></p>
<p><span style="color: #000000;">មិនត្រឹមប៉ុណ្ណោះទេ ក្នុងពិធីផ្សព្វផ្សាយផែនការសកម្មភាព និងការបណ្ដុះបណ្ដាលជនបង្គោល របស់គណៈកម្មការទទួលបន្ទុកផ្សព្វផ្សាយអប់រំ នៃយុទ្ធនាការប្រយុទ្ធប្រឆាំងគ្រឿងញៀន នៅក្រសួងមហាផ្ទៃ នាថ្ងៃទី០៧ ខែមីនា ឆ្នាំ២០១៧នេះ នាយឧត្តមសេនីយ៍ កែ គឹមយ៉ាន បានបញ្ជាក់ថា បើគិតពីស្ថានទម្ងន់ទោស អ្នកខ្លះត្រូវជាប់ពន្ធនាគារមួយជីវិត តែបាន៣ឆ្នាំ ឃើញចេញវិញបាត់។</span></p>
<p><span style="color: #000000;">មិនមែនចេះតែលើកឡើងនោះទេ ប្រមុខបង្ក្រាបគ្រឿងញៀនរូបនេះ បានព្រលយមួយឃ្លាថា «ដែលខ្ញុំថា ចាប់ដំបូងតិច ចេញមកវិញខ្លាំង ខ្ញុំស្គាល់តើ វាមកជួលផ្ទះកូនចៅខ្ញុំទៀត ដល់ឥឡូវបន្ធូរចុះបន្ធូរឡើង សល់តែ៣ឆ្នាំ»។</span></p>
<p><span style="color: #000000;">លោកបានបន្តថា បគ្គលដែលលោកលើកឡើងនោះ មានទាំងម៉ាស៊ីនផលិតគ្រឿងញៀន ដាក់លើរថយន្ត បើកចល័តទៅផលិតគ្រប់ទីកន្លែងទៀត នេះជារឿងជាក់ស្ដែង ហើយបានរិះគន់ថា «បើនៅតែធូររលុងបែបនេះ កម្លាំងសមត្ថកិច្ចអ្នកអនុវត្តច្បាប់ គេគ្មានទឹកចិត្តអនុវត្តទេ ហ្ចឹងហើយ ចាប់យកលុយដែរទៅ»។</span></p>
<p><span style="color: #000000;">សូមជម្រាបថា លទ្ធផលនៃយុទ្ធនាការប្រយុទ្ធប្រឆាំងគ្រឿងញៀនលើកទី១ ប្រចាំខែកុម្ភៈ ឆ្នាំ២០១៧ កម្លាំងសមត្ថកិច្ចនៅទូទាំងប្រទេស ចេញបង្ក្រាបបាន ៩២១ករណី ឃាត់ខ្លួន ២,០៥៣ករណី ក្នុងនោះមានស្ត្រី ២១៥នាក់ ក្នុងនោះ ករណីជួញដូរមាន ៥៨២ករណី ឃាត់ខ្លួន ១០២៧នាក់ និងករណីប្រើប្រាស់ ៣៣៨ករណី ឃាត់ខ្លួន ១,០២៦នាក់។ ប្រតិបត្តិការបង្ក្រាបពេញមួយខែកុម្ភៈ សមត្ថកិច្ចបានចាប់យកគ្រឿងញៀន ៧ ២៥១.២៨ក្រោម និងកញ្ឆា ៩៧,៤៧៨ដើម ដកហូតរថយន្ត ១៥គ្រឿង ម៉ូតូ២០៨គ្រឿង ទូរស័ព្ទដៃ ៦៣៩គ្រឿង៕</span></p>
<p><span style="color: #000000;"><img src="http://image.freshnewsasia.com/2017/fn-2017-03-07-12-49-01-0.jpg" alt="" width="730" /></span></p>
<p><a class="thickbox" title="" href="/FileManager/Commons/2017/3/7/10f-07-03-2017--14-26-35.jpg"><img src="/FileManager/Articles/mce/2017/3/7/10f-07-03-2017--14-26-35.jpg" alt="" /></a></p>
<p><span style="color: #000000;"><img src="http://image.freshnewsasia.com/2017/fn-2017-03-07-12-49-02-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-03-07-12-49-02-3.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>