<p><span style="color: #000000;"><strong>(អាមេរិក)៖</strong> កំពូលតារាសម្ដែងស្រីនាង Angelina Jolie និងស្វាមី លោក Brad Pitt បានសម្រេចចិត្តផ្ដាច់ចំណងអាពាហ៍ពិពាហ៍របស់ពួកគេហើយ ដោយខាង នាង Angelina Jolie ជាអ្នកដាក់ពាក្យបណ្ដឹង សុំលែងលះ។ នេះបើតាមការចុះផ្សាយរបស់ស្ថានីទូរទស្សន៍ CNN នៅមុននេះបន្តិច នាយប់ថ្ងៃអង្គារ៍ ទី២០ ខែកញ្ញា ឆ្នាំ២០១៦។</span></p>
<p><br /><a class="thickbox" title="" href="/FileManager/Commons/2016/9/21/12d-21-09-2016--14-18-09.jpg"><img src="/FileManager/Articles/mce/2016/9/21/12d-21-09-2016--14-18-09.jpg" alt="" /></a></p>
<p><span style="color: #000000;">នៅក្នុងសេចក្ដីថ្លៃងការណ៍មួយ ដែលសារព័ត៌មាន Reuters ទទួលបានមេធាវីរបស់ Angelina Jolie លោក Robert Offer បាននិយាយថា<strong>«ការសម្រេចចិត្តនេះ ធ្វើឡើងដើម្បីសុភមង្គលគ្រួសារ ហើយគាត់ក៏មិនធ្វើអត្ថាធិប្បាយអ្វីដែរ ក្រៅតែពីស្នើឱ្យគ្រួសារផ្ដល់ជីវិតឯកជន នៅពេលនេះ»</strong>។</span></p>
<p><span style="color: #000000;">ដោយឡែកបើយោងតាម TMZ reports នៅក្នុងពាក្យបណ្ដឹងសុំលែងលះនាង Angelina Jolie ក៏បានរៀបរាប់ផងដែរ ពីការរស់នៅមិនចុះសម្រុងគ្នា ជាមួយនឹងស្វាមី ព្រមទំាងមិនបានស្នើថែរក្សាកូន៦នាក់ ជារូបវ័ន្តបុគ្គលនោះទេ ក៏ប៉ុន្តែត្រូវមើលថែរួមគ្នាដោយស្របច្បាប់។ មិនតែប៉ុណ្ណោះ នាងក៏មិនបានទាមទារអាហាររូបត្ថម្ភដែរ ហើយបានបញ្ជាក់ថា កាលបរិច្ឆេទនៃការចែកផ្លូវគ្នា គឺនៅថ្ងៃទី១៥ ខែកញ្ញា ឆ្នាំ២០១៦។</span></p>
<p><span style="color: #000000;">សូមជំរាបថា នាង Angelina Jolie និងស្វាមី លោក Brad Pitt បានរៀបការនឹងគ្នា បន្ទាប់ពីចំណាយពេលទាក់ទងគ្នាយ៉ាងយូរ នៅក្នុងខែសីហា ឆ្នាំ២០១៤៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/21/10-21-09-2016--09-29-10.jpg"><img src="/FileManager/Articles/mce/2016/9/21/10-21-09-2016--09-29-10.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>