<p><span style="color: #000000;"><strong>(ភ្នំពេញ)៖</strong> គិតត្រឹមសប្ដាហ៍ទី៣ ក្នុងការប្រកួតជើងទី១ ក្របខណ្ឌលីគកំពូលកម្ពុជា ក្រុមបាល់ទាត់ព្រះខ័នរាជស្វាយរៀង បានឡើងឈរកំពូលតារាងបណ្ដោះអាសន្ន បន្ទាប់ពីបំបាក់ក្រុមម្ចាស់ផ្ទះវេស្ទើនភ្នំពេញ ដោយលទ្ធផល ៥-០ នៅកីឡដ្ឋានវេស្ទើនកាលពីល្ងាចមិញ។</span></p>
<p><span style="color: #000000;">កីឡាករជួយឲ្យអតីតក្រុមជើងឯកឆ្នាំ២០១៣ ព្រះខ័នរាជស្វាយរៀង ឲ្យទទួលបាន ៣ពិន្ទុបន្ថែម ដើម្បីឈរកំពូលតារាងពិន្ទុដោយកាន់ ៧ពិន្ទុបណ្ដោះអាសន្ន រួមមានកីឡាករ Chidera ២គ្រាប់, កីឡាករ Kim Namgun ១គ្រាប់, កីឡាករ Chigozie ១គ្រាប់ និងកីឡាករ Obi ១គ្រាប់។</span></p>
<p><span style="color: #000000;">កាលពីចុងសប្ដាហ៍កន្លងទៅដែរ ក្រុមក្រសួងការពារជាតិ បានយកឈ្នះក្រុមអាស៊ីអឺរ៉ុប ៤-១ ដើម្បីទទួលបាន ៧ពិន្ទុស្មើគ្នាជាមួយព្រះខ័នរាជស្វាយរៀង ក្រោយឆ្លងកាត់ ៣ប្រកួតឈ្នះ២ និងស្មើ១។ គ្រាប់បាល់ជ័យជម្នះរបស់ក្រសួងការពារជាតិ គឺរកបានដោយកីឡាករ Choe Myong Ho ២គ្រាប់ និង ច្រឹង ពលរដ្ឋ ២គ្រាប់។</span></p>
<p><span style="color: #000000;">ប៉ុន្ដែអ្វីដែលគួរឲ្យស្ដាយ គឺក្រុមភ្នំពេញក្រោន ដែលត្រូវរបូតកៅអីកំពូលតារាង ក្រោយប្រកួតស្មើក្រុមអគ្គស្នងការដ្ឋាននគរបាលជាតិ ដោយលទ្ធផល ២-២ លើទឹកដីខ្លួន ធ្វើឲ្យអតីតក្រុមជើងឯក ៦ជំនាន់នេះទទួលបានត្រឹម ១ពិន្ទុ ហើយកាន់ ៧ពិន្ទុក្នុងដៃស្មើក្រុមខ្លាំងខាងលើ តែចាញ់គ្រាប់បាល់ចំណេញ។</span></p>
<p><span style="color: #000000;">ចំណែកលទ្ធផល ៣ប្រកួតផ្សេងទៀត គឺក្រុមការពារតំណែងជើងឯកបឹងកេតអង្គរ រកបាន ៣ពិន្ទុដំបូងពីការយកឈ្នះក្រុម Cambodian Tiger ៣-១ លើកទឹកដីខ្លួន ខណៈក្រុមណាហ្គាវើល បានលត់ក្រុមស៊ីម៉ាក់ ៣-០ ដើម្បីឈរលេខ៤។ ចំណែកក្រុមចំណូលថ្មីអគ្គិសនីកម្ពុជា រកបាន ៣ពិន្ទុលើកដំបូងដែរ ក្រោយយកឈ្នះក្រុមគិរីវង់សុខសែនជ័យ ២-០៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-03-06-08-05-52-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-06-08-05-53-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-06-08-05-53-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-06-08-05-53-3.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>