<div class="article-content">
<p><strong>ស្វាយរៀង</strong> ៖ រថយន្តដឹក កម្មករ កម្មការិនីរោង ចក្រកាត់ដេរ ប្រមាណជិត១០០នាក់ បានរងរបួស ធ្ងន់និងស្រាល សន្លប់ ដោយសារតែរថយន្ត បែងកង់ក្រឡាប់ ធ្លាក់ផ្លូវ កាលពីវេលាម៉ោង៦និង ១៥នាទី ព្រឹកថ្ងៃទី០៤ ខែកុម្ភៈ ឆ្នាំ២០១៤ នៅលើកំណាត់ផ្លូវជាតិលេខ១ ស្ថិតក្នុងភូមិឃោសាង សង្កាត់ស្វាយតឿ ក្រុងស្វាយរៀង ។</p>
<p>លោកឧត្តមសេនីយ៍ កឹង ឃន ស្នងការនគរបាល ខេត្តស្វាយរៀង បានឲ្យដឹងថា រថយន្តដឹកកម្មករ ខាងលើ ចេញពីភូមិប្ញស្សីព្រៃ ឃុំកំពង់ចម្លង ស្រុកស្វាយជ្រំ ទៅធ្វើការនៅរោងចក្រស៊ីកូ ផលិត សម្លៀកបំពាក់ហែលទឹកក្នុងតំបន់សេដ្ឋកិច្ចពិសេសមេនហាតធេន ក្រុងបាវិត។</p>
<p>លោកឧត្តមសេនីយ៍ បានបន្តថា រថយន្ត ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ព្រៃវែង 3A-0416 ដឹកកម្មករ កម្មការិនី៨៦នាក់ ។</p>
<p>លោកឧត្តមសេនីយ៍បានបន្តថា ក្នុងចំណោមទកម្មករកម្មការិនីទាំងអស់ជិត១០០នាក់ បានរងរបួស ចំនួន៨៦នាក់ ក្នុងនោះរបួសធ្ងន់១៤នាក់ បាក់ដៃ ៣នាក់ ក្រៅពីនោះរបួសស្រាល ហើយរថយន្ត បានបែកកង់មុខខាងស្តាំ ។</p>
<p>លោកឧត្តមសេនីយ៍ ក៏បានស្តីបន្ទោសថា ការបែកកង់នេះ បណ្តាលមកពីដឹកលើសចំណុះ ជាហេតុបណ្តាលឱ្យផ្ទុះបែកកង់ខាងមុខ ក្រឡាប់ផ្ងារជើងទៅចិញ្ចើមថ្នល់ តែម្តង ៕</p>
<p><object width="500" height="400" data="http://www.youtube.com/v/yIkxgNDDJU4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/yIkxgNDDJU4&rel=1" /></object></p>
<p style="text-align: center;"><strong>វីដេអូពី Facebook</strong></p>
<p style="text-align: center;"><img title=" " src="http://image.dap-news.com:81/dap-news/dap-images/2014/February/id-011/Hong-0040.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0037.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0038.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0039.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0041.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-009/ST-096.jpg" alt="" width="500" /></p>
<p><img style="display: block; margin-left: auto; margin-right: auto;" src="http://image.dap-news.com:81/dap-news/dap-images/2014/January/id-009/ST-095.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80226-2014-02-04-03-12-47.html"><span style="color: #0000ff;">ដើមអំពិល</span></a></p>
</div>