<p><span style="color: #000000;"><strong>(ចិន)៖</strong> ស្ត្រីជនជាតិចិនម្នាក់ ដែលត្រូវបានប៉ូលិសចរាចរណ៍ ហៅឲ្យឈប់ដើម្បីធ្វើការ ផាកពិន័យបែរជាសុំឲ្យលោកប៉ូលិស ជួយថតរូបខ្លួនឲ្យស្អាតផង។ ហេតុការណ៍ដ៏គួរឲ្យហួសចិត្តនេះ កើតឡើងនៅខេត្ត Xinjiang គឺនៅពេលដែលស្ត្រី ជាអ្នកបើកបររូបនេះ ត្រូវលោកប៉ូលិសបញ្ជាឲ្យឈប់ យានយន្ត រួចសុំពិនិត្យប័ណ្ណបើកបរ តែនាងប្រាប់ថា គ្មានទេ ប៉ូលិសក៏ហុចសំបុត្រ ផាកពិន័យឲ្យ និងមើលទៅឃើញនាងហាក់ដូចជា ស្រវឹងផងដែរ។</span></p>
<p><span style="color: #000000;">ស្ត្រីរូបនេះ ក៏ចាប់ផ្តើមធ្វើជាម្ងិកម្ង៉ក់ ចង់ទាក់ទងមន្ត្រីប៉ូលិស ខណៈដែលត្រូវបានបញ្ជាឲ្យផ្លុំខ្យល់ដង្ហើម ដើម្បីពិនិត្យកម្រិតជាតិអាល់កុល តែនាងមិនសហការ ថែមទាំងព្យាយាមរារាំង ប្រតិបត្តិការរបស់ពួកគេទៀតផង ទីបំផុតដោយការគំរាមថា នឹងយកទៅមន្ទីរពេទ្យ ពិនិត្យជាតិអាល់កុល ទើបស្ត្រីបង្កហេតុយល់ព្រមផ្លុំខ្យល់ ហើយក៏ត្រូវបានរកឃើញថា នាងពិតជាស្រវឹងមែន។</span></p>
<p><span style="color: #000000;">ប៉ូលិសបានថតរូបទុក ជាភស្តុតាង រីឯស្ត្រីដែលត្រូវផាកពិន័យនេះ បានបញ្ជាឲ្យលោកប៉ូលិសជួយថតឲ្យស្អាតផង ដោយប្រាប់ឲ្យប្រើកម្មវិធី Meitu នឹងជួយធ្វើឲ្យរូបនាង មើលទៅស្រស់ស្អាត៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/3/12-03-10-2016--11-16-56.jpg"><img src="/FileManager/Articles/mce/2016/10/3/12-03-10-2016--11-16-56.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>