<p><span style="color: #000000;"><strong>(ភ្នំពេញ)៖</strong> បុរសអ្នករត់ម៉ូតូឌុបម្នាក់ បានចាញ់បោកជនបោកប្រាស់ ហៅទៅបង្ខំឲ្យផឹកស៊ីច្រៀងរាំ នៅក្នុងបន្ទប់ខារ៉ាអូខេយីហោ «បុប្ផាជាយដែន» ដែលមានទីតាំងផ្លូវលេខ៩៩សង្កាត់ផ្សារដើមថ្កូវ ខណ្ឌចំការមន កាលពីយប់ថ្ងៃទី១៨ខែកក្កដា ឆ្នាំ២០១៦ អស់ប្រាក់ជាង៥០០ដុល្លារ ហើយនាំគ្នារត់គេចអស់់ ទុកឪកាសឲ្យម្ចាស់ហាង ចាប់បុរសអ្នករត់ម៉ូតូឌុប ដកហូតយកម៉ូតូម៉ាកសេ១២៥ និងអត្តសញ្ញាណប័ណ្ឌ ទុកជិត១ខែមកហើយ នៅមិនមិនព្រមឲ្យម្ចាស់វិញឡើយ ទោះបីជានគរបាលប៉ុស្តិ៍ផ្សារដើមថ្កូវ ទៅជួយសំរបសំរួល សងប្រាក់ចំនួន៣០០ដុល្លារក៏ដោយ។</span></p>
<p><span style="color: #000000;">ជុំវិញរឿងរ៉ាវខាងលើនេះ ម្ចាស់ហាង «បុប្ផាជាយដែន» បាននិយាយថា ជាទម្លាប់របស់ក្រុមហ៊ុនខ្លួន គឺត្រូវតែឃាត់ម៉ូតូ ឬរថយន្តភ្ញៀវទុកសម្រាប់កាត់កងថ្លៃផឹកស៊ី មិនថាភ្ញៀវណា ជាភ្ញៀវណាឡើយ។</span><br /><span style="color: #000000;"> ចំពោះករណីនេះ មន្ត្រីមូលដ្ឋានលួចបង្ហើបថា ជាល្បិចរបស់ម្ចាស់ហាង និងជនខិលខូច ដែលតែងតែធ្វើសកម្មភាពដូចរូបភាពខាងលើនេះ ជាញឹកញាប់ ហើយម្ចាស់ហាង មិនដែលផ្តល់ដំណឹងដល់មន្រ្តីមូលដ្ឋានឡើយ។ ប្រភពពីអ្នកច្បាប់មួយរូប សុំមិនបញ្ចេញឈ្មោះ បានលើកឡើងថា នេះជាបទផ្សំគំនិតគ្នា រវាងម្ចាស់ហាង និងជនខិលខូច ហើយអាចមានទោស ប្រឈមចំពោះមុខច្បាប់។</span></p>
<p><span style="color: #000000;">សូមបញ្ជាក់ថា រឿងរ៉ាវខាងលើនេះ បុរសអ្នករត់ម៉ូតូឌុប ត្រូវបានជនបោកប្រាស់ម្នាក់ ធ្លាប់ជាម៉ូយជិះម៉ូតូឌុបបានស្គាល់គ្នា ដោយសារម៉ូយម៉ូតូឌុប តែមិនស្គាល់អាសយដ្ឋាន បានហៅឌុបទៅផឹកស៊ីនៅហាងខាងលើ ហើយនិយាយថា ចាំផឹកស៊ីចប់ ចាំយកលុយ ព្រោះម្ចាស់ហាងជាបងប្អូនគាត់ទេ។ ដោយសារបញ្ហានេះគាត់(បុរសអ្នករត់ម៉ូតូឌុប) ក៏ចេះតែអង្គុយចាំក្នុងបន្ទប់ខារ៉ាអូខេនោះ លុះចុងក្រោយវ័នក ម្នាក់ឯង។</span></p>
<p><span style="color: #000000;">ប្រភពព័ត៌មាន ករណីខាងលើនេះ បើម្ចាស់ហាងនៅតែមិនព្រមយោគយល់ ដល់ម្ចាស់ម៉ូតូឌុប ដែលចាញ់បោកគេទេនោះ នឹងមានមេធាវីអង្គការជួយរៀបចំឯកសារ ប្តឹងម្ចាស់ហាងខាងលើទៅតាមផ្លូវច្បាប់ ព្រោះរូបគាត់រត់រកខ្ចី និងចងការប្រាក់គេពេញភូមិ ហើយរកលុយបានតែ៣០០ដុល្លាប៉ុណ្ណោះ ដើម្បីយកមកលោះម៉ូតូ។</span></p>
<p><span style="color: #000000;">ជុំវិញការចោទប្រកាន់នេះ Fresh News បានធ្វើការទំនាក់ទំនងតាមទូរស័ព្ទជាច្រើនដង ដើម្បីសុំការបំភ្លឺពីម្ចាស់ហាង «បុប្ផាជាយដែន» នៅព្រឹកថ្ងៃទី១៣ ខែសីហាឆ្នាំ២០១៦នេះ ប៉ុន្តែទូរស័ព្ទចូល គ្មានអ្នកទទួល និងចុចបិទតែម្ដង៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xap1/v/t1.0-9/13903150_1642229146091450_8170490084440743112_n.jpg?oh=064afab9ed04d6ef9e711f6322ed3980&oe=581DAE71&__gda__=1478198088_912de3c8c3d6868f9dfadb7c1bd35495" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpf1/v/t1.0-9/13882283_1642229149424783_4890823674858933371_n.jpg?oh=b07fd2c17429290e0ca6f774b1174f77&oe=5852E541&__gda__=1481549438_a0614f855592731d7a2a2418207e8eb7" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>