<p><span style="color: #000000;">ព័ត៌មានកីឡា៖ ប្រធាន FIFA គឺលោក Sepp Blatter បាននិយាយដោយខ្លាំងៗថា គាត់នឹងមិនព្រមចុះចេញពីតំណែងនោះឡើយ ពីព្រោះតែ ក្រុមភ្នាក់ងារស៊ើបអង្កេតបានធ្វើការ ប្រឆាំងតាមដានស៊ើបអង្កេតគាត់ដោយបើកចំហរ លើរឿងករណីថ្មីមួយទៀត ទាក់ទងនឹង នឹងការចុះហត្ថលេខាលើកិច្ចកុងត្រា នឹង ភាពមិនស្មោះត្រង់លើការចំណាយ។ </span></p>
<p><span style="color: #000000;">ថ្មីៗនេះ លោក Sepp Blatter ត្រូវបានក្រុមភ្នាក់ងារស៊ើបអង្កេត របស់ប្រទេសស្វីស សង្ស័យថា រូបគាត់បានសម្រេចចុះហត្ថលេខាលើកិច្ចកុងត្រាដែលមិនត្រូវពេញចិត្ដដោយ FIFA នឹង ករណីថ្មីមួយទៀត ទាក់ទងនឹងការផ្ដល់ឲ្យនូវលុយដែលមិនមានភាពស្មោះត្រង់ចំពោះលោក Michel Platini ដែលជាប្រធាន Uefa ។ </span></p>
<p><span style="color: #000000;">លោក Sepp Blatter ដែលធ្លាប់បាននិយាយថា រូបគាត់នឹងលាលែងពីតំណែងនាដើមឆ្នាំខាងមុខនេះ បានអះអាងថា រូបគាត់មិនបានប្រព្រឹត្ដិអ្វីខុសឆ្គង រឺល្មើសច្បាប់នោះឡើយ អស់រយៈពេលកន្លងមកនេះ ។ ហើយទន្ទឹមគ្នានោះផងដែរ លោក Michel Platini ដែលជាប្រធាន Uefa ក៏បានផ្ញើរសបុត្រទៅកានសមាជិក Uefa ទាំងអស់ ដោយបដិសេធទៅលើកំហុសទាំងអស់នោះ។ </span></p>
<p><span style="color: #000000;">ក្នុងសេចក្ដីថ្លែងការ របស់លោក Sepp Blatter តាមរយៈមេធាវីបានអះអាថា ទឹកប្រាក់ ចំនួន ១.៥ លានផោន ត្រូវបានប្រគល់ទៅឲ្យ Michel Platini កាលពីឆ្នាំ ២០១១ ដែលអាចជាប្រាក់សំណងលើកទឹកចិត្ដ ហើយក្រៅពីនោះគ្មានអ្វីទៀតនោះទេ ។ ហើយលោក Michel Platini បានសង្កត់ធ្ងន់ផងដែរថា ចំនួនទឹកប្រាក់ ដែលទទួលបានគឺ គ្រប់ចំនួនអស់ហើយ គ្មានខ្វះអ្វីនោះឡើយ ។ </span></p>
<p><span style="color: #000000;">តែទោះជាយ៉ាងណា អ្នកទាំងពីរត្រូវស្ថិតក្រោមការសើបអង្កេតពីគណៈកម្មការឯករាជរបស់ FIFA ទៅលើការចំណាយនោះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/29/85798204seppblatter2afp-29-09-2015--09-26-22.jpg"><img src="/FileManager/Articles/mce/2015/9/29/85798204seppblatter2afp-29-09-2015--09-26-22.jpg" alt="" /></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>