<div class="article-content">
<p><strong>បាត់ដំបង៖</strong> សប្បាយ ក្លាយជាទុក្ខ យ៉ាងហោចណាស់ មនុស្សចំនួន១៤នាក់ បានរងរបួស ធ្ងន់<br />ស្រាល ខណៈពួកគេ បាននិងកំពុងរាំ យ៉ាងសប្បាយ នៅក្នុងពិធីរាំវង់ នៃពិធីសែនចូលឆ្នាំចិន<br /> ស្រាប់តែមានជនមិនស្គាល់មុខ បោកគ្រាប់បែកចូល បណ្តាលឲ្យផ្ទុះ ធ្វើឲ្យមានការតក់ស្លុត និង<br />ភ័យគ្រប់ៗគ្នា តែម្តង។</p>
<p>ហេតុការណ៍ ប៉ងសម្លាប់មនុស្ស នៅកន្លែងរាំវង់ ខាងលើនេះបានកើតឡើងកាល ពីវេលាម៉ោង<br /> ៩៖១៥នាទីយប់ថ្ងៃទី៩ ខែកុម្ភៈ ឆ្នាំ២០១៣ ស្ថិតនៅ ភូមិតាគ្រៃ ឃុំតាគ្រៃ ស្រុកកំរៀង ខេត្តបាត់<br />ដំបង។</p>
<p>មេបញ្ជាការអាវុធហត្ថ ខេត្តបាត់ដំបង លោកឧត្តមសេនីយ៍ ប៉ោ វណ្ណៈ បានថ្លែងឲ្យដឹងថា មានជន<br />រងគ្រោះ ចំនួន១៤នាក់ បានរងរបួស ក្នុងនោះ របួសធ្ងន់៣នាក់ ក្រោយពេលមានជនមិនស្គាល់ អត្ត<br />សញ្ញាណបានបោកគ្រាប់បែក ចូលកន្លែងរាំវង់ ។</p>
<p>សមត្ថកិច្ចមូលដ្ឋានបានឲ្យដឹងថា ម្ចាស់ផ្ទះកើតហេតុខាងលើមានឈ្មោះ ឈិន ឌី អាយុ៤៤ឆ្នាំ និង<br />ប្រពន្ធ មានឈ្មោះ ម៉ៃ ឡៃ អាយុ៣៦ឆ្នាំ មានមុខរបរជាអ្នកធ្វើស្រែ។ សមត្ថកិច្ចបានបន្តថា ម្ចាស់ផ្ទះ<br />ដែលជាប់សែស្រឡាយចិន ដែរនោះបានរៀបចំ ពិធីសែនចិន ហើយបានជួលធុងបាស់ មករាំលេង<br />កម្សាន្តនៅពេលយប់ លុះដល់ ម៉ោង កើតហេតុ ស្រាប់តែមានរឿងនេះកើតឡើងតែម្តងទៅ។</p>
<p>ក្រោយកើតហេតុ ជនរងគ្រោះទាំងអស់ត្រូវបានបញ្ជូនទៅ កាន់មន្ទីរពេទ្យភ្លាមៗ ដើម្បីជួយសង្គ្រោះ។</p>
<p>យ៉ាងណាក៏ដោយ សមត្ថកិច្ចមិនទាន់អាច បញ្ជាក់ពីអត្តសញ្ញាណ ជនរងគ្រោះនៅ ឡើយទេ ហើយ<br />ក៏មិនទាន់ដឹងពី មូលហេតុពិតប្រាកដនៅឡើយទេ ខណៈសមត្ថកិច្ចកំពុងតាមប្រម៉ាញ់ ជនដៃដល់៕</p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0056.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0057.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0058.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>