<p><span style="color: #000000;"><strong>ភ្នំពេញ៖</strong>តារាចម្រៀងល្បី ឈ្មោះគួរសម របស់ខ្មែរចំនួន២ដួង គឺលោក ជុំ លីណូ និង កញ្ញា ឃិត សំម៉ាលីស បច្ចុប្បន្នកំពុងតែត្រៀមដឹក ដៃបណ្តើរគ្នា ចេញទៅច្រៀង និងសម្តែងតបតាមការអញ្ជើញ របស់ប្រធាន សមាគមន៍ខ្មែរនៅកាណាដា នៅថ្ងៃទី២ ខែសីហា ឆ្នាំ២០១៤នេះ ។</span></p>
<p><span style="color: #000000;">លោក ឃុន ដេវិត ប្រធានសមាគមន៍ខ្មែរ នៅកាណាដា មុននេះបានប្រាប់គេហទំព័រ Looking TODAY ឲ្យដឹងតាមរយៈ សារអេឡិចត្រូនិចថា លោកបានធានា តារាចម្រៀង របស់ខ្មែរ២រូប ដើម្បី ចេញទៅ សម្តែង នៅលើទឹកដីប្រទេស កាណាដា នៅថ្ងៃទី២ ខែសីហា ឆ្នាំ២០១៤ខាង មុខនេះ ក្នុង នោះ មានលោក ជុំ លីណូ និងកញ្ញា ឃិត សំម៉ាលីស ។ ប៉ុន្តែលោកមិនទាន់ដឹងទេថា អ្នកទាំងពីរ អាចបានចេញទៅតាម ការគ្រោងទុក ឬមួយយ៉ាងណានោះទេ ព្រោះត្រូវឆ្លងកាត់ការធ្វើសម្ភាសន៍ នៅស្ថានទូតថៃ ជាមុនសិន ។</span></p>
<p><span style="color: #000000;">ប្រាប់គេហទំព័រ LookingTODAY នៅរសៀលថ្ងៃទី ២១ ខែមិថុនា ឆ្នាំ២០១៤នេះ កញ្ញា ឃិត សំម៉ាលីស បាននិយាយថា "ចាស់..បង ! ប្រហែលជា១ សប្តាហ៍ទៀត យ៉ាងយូនឹងដឹងលទ្ធផល ។ ប៉ុន្តែមិនដឹងថា ជាប់ឬធ្លាក់នោះទេ ខ្ញុំមនទាន់ហាននិយាយទេបង។ ពេលនេះខ្ញុំកំពុងតែ មាន អារម្មណ៍ភ័យខ្លាចធ្លាក់ ការសម្ភាសន៍ មិនបានចេញ ទៅកាណាដា តាមគម្រោង.."។</span></p>
<p><span style="color: #000000;">យ៉ាងណាក្តី ឃិត សំម៉ាលីស បាននិយាយហាក់សម្តែង ពីការព្រួយបារម្មណ៍ មិនទាន់មានជំនឿ ជាក់លើ គម្រោងចេញទៅសម្តែង និងច្រៀងប្រទេសកាណាដា ព្រោះតែត្រូវឆ្លងកាត់ ការសម្ភាសន៍ ជាមុន ទើបអាចមានសិទ្ធិចេញទៅ ច្រៀងនៅទនោះបាន ។ ដោយឡែកសម្រាប់តារាចម្រៀង លោក ជុំ លីណូ មុននេះ បានបង្ហាញក្តីសង្ឃឹម ប្រាប់Lookig TODAY ថា នឹងទទួលបានការគាំទ្រ និង ជោគជ័យ ពីការសម្តែង នៅប្រទេសកាណាដា បើលោកបានចេញ ទៅតាមគម្រោង ។ ម្យ៉ាងទៀត លោកនឹងខំប្រឹង ឲ្យអស់ពីសមត្ថភាព ដើម្បីសម្តែងជួនបងប្អូន អាណិកជនខ្មែរ នៅទីនោះ រាំលេង កំសាន្តសប្បាយ ៕</span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-140/hour_415.jpg" alt="" width="500" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-140/hour_416.jpg" alt="" width="500" /></span></p>
<p style="text-align: center;"><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-140/hour_417.jpg" alt="" width="500" /></span></p>
<p style="text-align: center;"><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល<br /></span></p>