<p><span style="color: #000000;">(<strong style="font-size: 12px;">វ៉ាស៊ីនតោន)៖</strong><span style="font-size: 12px;"> បន្ទាប់ពីលោក ដូណាល់ ត្រាំ បានជាប់ឆ្នោតជាប្រធានាធិបតីសហរដ្ឋអាមេរិកទី៤៥ សំណួរជាច្រើនពាក់ព័ន្ធនឹងការសន្យារបស់លោក នៅក្នុងអំឡុងយុទ្ធនាការឃោសនាបោះឆ្នោត ត្រូវបានគេចោទសួរសាជាថ្មីឡើងវិញ ដោយក្នុងនោះរួមមានទំាងការសន្យាមិនយកប្រាក់ខែ សូម្បីតែមួយដុល្លារនិងទទួលស្គាល់អាពាហ៍ពិពាហ៍អ្នកស្រឡាញ់ភេទដូចគ្នា។ នេះបើតាមការចេញផ្សាយដោយសារព័ត៌មាន CBSNews នៅព្រឹកថ្ងៃចន្ទ ទី១៤ ខែវិច្ឆិកា ឆ្នាំ២០១៦។</span></span></p>
<p><span style="color: #000000;">កាលពីខែតុលា កន្លងទៅនៅក្នុងកម្មវិធីមួយតាមកញ្ចក់ទូរទស្សន៍មានឈ្មោះថា Face The Nation លោកត្រាំ បានអះអាងថាលោកនឹងមិនធ្វើឱ្យមានការពាក់ព័ន្ធគ្នាឡើយរវាងអាជីវកម្ម និងតួនាទីជា ប្រធានាធិបតី ដោយលោកនឹងផ្ទេរក្រុមហ៊ុនទៅឱ្យកូនៗ របស់លោកជាអ្នកគ្រប់គ្រង។</span></p>
<p><span style="color: #000000;">លោក ត្រាំ បានលើកឡើងដូច្នេះថា <strong>«ខ្ញុំនឹងផ្ដាច់រាល់ទំនាក់ទំនងទំាងអស់ជាមួយការរកស៊ីរបស់ខ្ញុំ ហើយខ្ញុំមិនចង់គិតពីវាទៀតទេ... កូនៗខ្ញុំ នឹងគ្រប់គ្រងក្រុមហ៊ុនបន្តព្រោះខ្ញុំចង់ចំណាយពេលតែ ទៅលើតួនាទីជាប្រធានាធិបតីដើម្បីធ្វើយ៉ាងណាឱ្យសហរដ្ឋអាមេរិក ត្រឡប់មករកភាពអស្ចារ្យសាជាថ្មី»</strong>។</span></p>
<p><span style="color: #000000;">គួររំលឹកថា នៅក្នុងយុទ្ធនាការឃោសនាបោះឆ្នោត នៅក្នុងខែតុលា នោះដែរ លោកត្រាំ បានសន្យាថាលោក នឹងមិនយកប្រាក់ខែជាប្រធានាធិបតី ៤០០,០០០ ដុល្លារក្នុងមួយឆ្នាំ នោះទេ ម្យ៉ាងទៀតលោកក៏មិនមានបញ្ហានោះដែរចំពោះអាពាហ៍ពិពាហ៍អ្នកស្រឡាញ់ភេទដូចគ្នា។ <strong>«អ្វីដំបូងដែលខ្ញុំត្រូវធ្វើគឺប្រាប់អ្នករាល់គ្នាថា ខ្ញុំនឹងមិនយកប្រាក់ខែឡើយ បើសិនជាខ្ញុំឡើងជាប្រធានាធិបតី ហើយខ្ញុំក៏មិនមានមិនបញ្ហាអ្វីដែរចំពោះអ្នកស្រឡាញ់ ភេទដូចគ្នាហើយចង់រៀបការនឹងគ្នានោះ»</strong>។ នេះជាការលើឡើងរបស់លោក ដូណាល់ ត្រាំ៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/14/01b-14-11-2016--11-41-03.png"><span style="color: #000000;"><img src="/FileManager/Articles/mce/2016/11/14/01b-14-11-2016--11-41-03.png" alt="" /></span></a></span></p>