<div class="article-content">
<p><strong>ស្ទឹងត្រែង៖</strong> យុវជនម្នាក់ ជាមុខសញ្ញាចោរឆក់ និងលួចជាច្រើនករណី ក្នុងខេត្តស្ទឹងត្រែង ត្រូវបាន<br />សមត្ថកិច្ចឃាត់ ខ្លួនហើយកាលពីម្សិលមិញ។ យុវជនរូបនេះ ត្រូវបានសមត្ថកិច្ចលួចបង្ហើបឲ្យដឹង<br />ថា ជាមន្រ្តីនគរបាលជាន់ខ្ពស់ ម្នាក់ នៃស្នងការដ្ឋាននគរបាលខេត្តស្ទឹងត្រែង។ </p>
<p>មន្រ្តីនគរបាលខេត្តស្ទឹងត្រែងបានប្រាប់មជ្ឈមណ្ឌលព័ត៌មានដើមអម្ពិលថា កាលពីថ្ងៃទី០៦ ខែមិថុនា<br /> ឆ្នាំ២០១៣ ក្រោយពីការស៊ើបអង្កេត និងតាមដានអស់ជាច្រើនថ្ងៃនោះ កម្លាំងនគរបាលព្រហ្មទណ្ឌ<br />កម្រិតស្រាល នៃស្នងការ ដ្ឋាននគរបាលខេត្ត បានចាប់ខ្លួនជនសង្ស័យ ដែលធ្លាប់បានធ្វើសកម្មភាព<br />ឆក់កាបូប និងទូរស័ព្ទដៃជាច្រើនករណី។</p>
<p>ក្រោយពីឃាត់ខ្លួន សមត្ថកិច្ចក៏បាននាំជនសង្ស័យ ទៅបង្ហាញវត្ថុតាងជាកាបូប និងសម្ភារៈ ដែលពួក<br />គេឆក់បានផង ដែរ ដើម្បីកសាងសំណុំរឿងបញ្ជូនទៅតុលាការ។</p>
<p>ប្រភពពីមន្រ្តីនគរបាលម្នាក់ សុំមិនបញ្ចេញឈ្មោះបានឲ្យដឹងថា ជនសង្ស័យមាន ឈ្មោះ ចាន់ សុភ័ក្រ<br /> ភេទប្រុស អាយុ ១៩ឆ្នាំ ជាកូននាយការិយាល័យអន្តរាគមន៍ នៃស្នងការដ្ឋាននគរបាលខេត្តស្ទឹងត្រែង<br /> រស់នៅភូមិព្រែក សង្កាត់-ក្រុង-ខេត្តស្ទឹងត្រែង។ ជនសង្ស័យរូបនេះ ជាមុខសញ្ញាឆក់កាបូបលុយ និង<br />ទូរស័ព្ទដៃជាច្រើនករណីមក ហើយ។</p>
<p>បើតាម លោក ហោ វុទ្ធី នាយការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ត <br />បានប្រាប់មជ្ឈ មណ្ឌលព័ត៌មានដើមអម្ពិលថា ជុំវិញករណីនេះ លោកមិនទាន់កសាងសំណុំរឿង<br />បញ្ជូន ទៅកាន់តុលាការនៅឡើយទេ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-039.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-040.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-041.jpg" alt="Photo by DAP-NEWS" width="550" /></p>
</div>
<div class="ja-content-bottom clearfix">
<div style="text-align: right;">ផ្តល់សិទ្ធិដោយ៖ ដើមអំពិល</div>
</div>