<div class="item-page">
<p><span style="color: #000000;"><strong>(ភ្នំពេញ)៖</strong> បន្ទាប់ពីការពិនិត្យរបស់ក្រុមគ្រូពេទ្យជំនាញសិង្ហបុរី ឧកញ៉ា ហុង ពីវ បានឲ្យដឹងថា ទារិកា ម៉ីម៉ី ដែលមានពិការភ្នែកទាំងសង ខាងតាំងពីកំណើតនោះ មានឱកាសព្យាបាលឲ្យនាងមើលឃើញពិភពលោកឡើងវិញ ៥០ភាគរយ ដោយចំណាយថ្លៃព្យាបាលចាប់ពី ១២ម៉ឺនដុល្លារ។</span></p>
<p><span style="color: #000000;">លោកឧកញ៉ា បានបញ្ជាក់នៅលើទំព័រ Facebook របស់លោកថា ការព្យាបាលបាលត្រូវធ្វើឡើងជាពីរដំណាក់កាល ដំណាក់កាលទី១ ត្រូវវះកាត់ដូចកញ្ចក់ភ្នែកម្ខាងនៅថ្ងៃទី០៥ ខែមករា ឆ្នាំ២០១៧ ហើយម្ខាងទៀត ត្រូវវះកាត់ដូរនៅថ្ងៃទី០៥ ខែមេសា ឆ្នាំ២០១៧។ រាល់ការវះកាត់ម្តងៗ ត្រូវស្នាក់នៅរយៈពេល ១៥ថ្ងៃ។</span></p>
<p><span style="color: #000000;">បន្ទាប់ពីវះកាត់រួច នៅអំឡុងឆ្នាំទី១ ត្រូវទៅពិនិត្យរាល់ ៣ខែម្តង ហើយចាប់ពីឆ្នាំទី២ រហូតដល់ពេញមួយជីវិត ត្រូវទៅពិនិត្យទៅរាល់ ៦ខែម្តង។</span></p>
<p><span style="color: #000000;">សូមបញ្ជាក់ថា ទារិកា ធឿន ម៉ីម៉ី អាយុប្រមាណទើបជាង ២ខែ បានកើតជំងឺឡើងបាយប្រស្រីភ្នែក ដែលអាចប្រឈមនិងការពិការពេញមួយជីវិត។ ធឿន ម៉ីម៉ី ជាកូនទី២ ក្នុងគ្រួសារក្រីក្រមួយនៅស្រុកបាទី ខេត្តតាកែវ មានឪពុកជាកម្មករចុះទូកនៅថៃ ទាំងមិនទាន់បានមើលមុខកូនផង។</span></p>
<p><span style="color: #000000;">ទោះបីជាយ៉ាងណាទារិកា ធឿន ម៉ីម៉ី ពិតជាមានភ័ព្វសំណាងបានជួបជាមួយឧកញ៉ា ហុង ពីវ ដែលត្រូវបានមហាជនឲ្យរហស្សនាមថា ឧកញ៉ាពោរពេញដោយទឹកចិត្តសប្បុរសធម៌នៅកម្ពុជា បានជួយជ្រោមជ្រែង និងធានាជួយរកគ្រូពេទ្យព្យាបាល ម៉ីម៉ី រហូតដល់ជា និងអាចមើលឃើញពិភពលោកនេះ។</span></p>
<p><span style="color: #000000;">ឧកញ៉ា ហុង ពីវ បាននាំយកទារិកា ធឿន ម៉ីម៉ី និងម្តាយបង្កើតរបស់ទារិកានេះ ទៅកាន់ប្រទេសសិង្ហបុរីកាលពីថ្ងៃទី០២ ខែវិច្ឆិកា ឆ្នាំ២០១៦កន្លងទៅនេះ ដើម្បីជួបក្រុមគ្រូពេទ្យជំនាញពិនិត្យ និងធ្វើការវិនិច្ឆ័យ។</span></p>
<p><span style="color: #000000;">ឧកញ៉ា ហុង ពីវ ធ្លាប់បានសន្យាថា នឹងប្រឹងប្រែងជួយឧបត្ថម្ភដល់ការព្យាបាលភ្នែកទារិការហូតជាសះស្បើយ។ ឧកញ៉ា ហុង ពីវ ក៏បាន អំពាវនាវដល់ប្រជាពលរដ្ឋខ្មែរឲ្យជួយបួងសួង និងបន់ស្រន់ ឲ្យការព្យាបាលភ្នែករបស់ទារិកា ម៉ីម៉ី ទទួលបានជោគជ័យបានមើលឃើញ ពិភពលោកដ៏ស្រស់បំព្រងនេះដូចមនុស្សទូទៅ៕</span></p>
<p> </p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14889986_341904426175869_4856743762088644478_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/15000064_341900776176234_2116637402690446058_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14976711_341903702842608_2808142840473393917_o.jpg" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xap1/t31.0-8/14991445_341904282842550_7099633407817349498_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14963275_341903642842614_7332138280250542429_n.jpg?oh=f9973f2bdf436ef9e4bdfccd197a5c86&oe=589D4D91" alt="" width="730" /></span></p>
<p><span style="color: #000000;"><img src="https://fb-s-d-a.akamaihd.net/h-ak-xlp1/t31.0-8/14884472_341904082842570_7764517415217964202_o.jpg" alt="" width="730" /></span></p>
<p> </p>
</div>