<p><span style="color: #000000;"><strong>ភ្នំពេញ ៖</strong> មន្ដ្រីអាវុធហត្ថ រាជធានីភ្នំពេញ បានបញ្ជាក់ថា ក្រោយពីបញ្ចប់ការ សួរនាំរួចមក នៅរសៀលថ្ងៃទី១៩ ខែធ្នូ ឆ្នាំ២០១៤នេះ សមត្ថកិច្ច បាន បញ្ជូន ចៅសង្កាត់គោករកា លោក ភី ណុប និងបក្ខពួក ទៅកាន់តុលាការ ដើម្បីធ្វើការសួរនាំ នៅចំពោះមុខ តំណាង អយ្យការ ចាត់ការបន្ដតាមផ្លូវច្បាប់ ដែលសង្ស័យនៅពីក្រោយខ្នង នៃការគប់គ្រាប់បែក ប៉ងសម្លាប់មួយ គ្រួសារនៅភូមិសែនសុខទី២ សង្កាត់ឃ្មួញ ខណ្ឌសែនសុខ ។</span></p>
<p><span style="color: #000000;">យ៉ាងណាក៏ដោយ រហូតមក ដល់ម៉ោង ៤៖៣០នាទី រសៀលថ្ងៃដដែលនេះ គេមិនទាន់ដឹងថា តំណាងអយ្យការ អមសាលា ដំបូងរាជធានី ភ្នំពេញ សម្រេចចោទប្រកាន់យ៉ាងណា នោះឡើយ។</span></p>
<p><span style="color: #000000;">មេខ្លោងពិតប្រាកដ នៃអំពើគប់គ្រាប់បែក ប៉ងសម្លាប់ មួយគ្រួសារ នៅ ភូមិសែនសុខ២ សង្កាត់ឃ្មួញ ខណ្ឌ សែនសុខ កាលពីដើមខែតុលា ឆ្នាំ២០១៤ កន្លងទៅនោះ ឥឡូវត្រូវបានលាត ត្រដាងច្បាស់ហើយ គឺជាចៅ សង្កាត់ គោករកា ខណ្ឌព្រែកព្នៅ លោក ភី ណុប អាយុ៤៧ឆ្នាំ ដែលជាជនសង្ស័យ ហើយបច្ចុប្បន្ន ស្ថិតក្រោមការសួរនាំ បន្ដទៀត ពីសំណាក់ មន្ដ្រីអាវុធហត្ថរាជធានីភ្នំពេញ ។</span></p>
<p><span style="color: #000000;">មន្ដ្រីនគរបាល មូលដ្ឋាន ខណ្ឌសែនសុខ បានលួច បង្ហើបថា មូលហេតុដែលចៅសង្កាត់ គោករកា បានជួលឃាតក គប់គ្រាប់បែកប៉ង សម្លាប់មួយគ្រួសារ ខាងលើនេះ ដោយសារ តែលោក ភី ណុប បានច្រណែន និងជនរងគ្រោះ គ្រោង ឈរឈ្មោះ ជាចៅសង្កាត់ហើយ ពាក់ព័ន្ធទៅនឹងជម្លោះ ការរកស៊ី ក្នុងមុខជំនួញផងដែរ ។</span></p>
<p><span style="color: #000000;">មន្ដ្រីនគរបាលរូបនេះ បានបន្ដទៀតថា ដើម្បីសម្លាប់ ជនរងគ្រោះមេខ្លោង បានសន្យា ផ្ដល់លុយ ចំនួន១ម៉ឺនដុល្លារ ប៉ុន្ដែពេលធ្វើសកម្មភាព មិនចំគោលដៅ ហើយជនរងគ្រោះ មិនស្លាប់នោះ មេខ្លោងបានត្រឹម ផ្ដល់លុយ ចំនួន៥០០០ ដុល្លារប៉ុណ្ណោះ ។</span></p>
<p><span style="color: #000000;">ជនសង្ស័យ ជាមេខ្លោង នៃអំពើគប់គ្រាប់បែក បណ្ដាលឱ្យមានស្លាប់ និងរបួសខាងលើ នេះ ចៅសង្កាត់ គោករកា លោក ភី ណុប និងជនសង្ស័យម្នាក់ទៀត ឈ្មោះ ពៅ ប៊ុនធឿន អាយុ៣៣ឆ្នាំ ដែលជាអ្នកដើរ ជួលអ្នកធ្វើសកម្មភាពផ្ទាល់ ត្រូវ បានកម្លាំងនគរបាល ព្រហ្មទណ្ឌ រាជធានីភ្នំពេញ ឃាត់ខ្លួនជាបន្ដ បន្ទាប់ កាលពីយប់ថ្ងៃទី១៨ ខែធ្នូ ឆ្នាំ ២០១៤ ។</span></p>
<p><span style="color: #000000;">ក្នុងនោះ ជនសង្ស័យ ដែលជាអ្នកដើរជួល ក្រុមធ្វើសកម្មភាពផ្ទាល់ ត្រូវបានកម្លាំងនគរ បាល ខណ្ឌព្រែកព្នៅ តាមទៅ ចាប់ខ្លួននៅឯ ខេត្ដសៀមរាប រួចហើយ ពេលយកមកដល់ ភ្នំពេញវិញ និងក្រោយពីសួរនាំរួចមក កម្លាំង នគរបាល បានបន្ដឃាត់ខ្លួនលោក ភី ណុប ជាចៅ សង្កាត់គោករកា ដោយសង្ស័យថា ជាមេខ្លោងនៃ អំពើឃាតកម្មមួយនេះ ។</span></p>
<p><span style="color: #000000;">យោងតាមប្រភពព័ត៌មាន ពីមន្ដ្រីនគរបាល មូលដ្ឋាន ខណ្ឌសែនសុខ បានលួចបង្ហើបទៀតថា ចៅសង្កាត់គោករកា ពិតជាសង្ស័យជាប់ ពាក់ព័ន្ធនៅពីក្រោយខ្នង នៃសកម្មភាពគប់ គ្រាប់បែក ប៉ងសម្លាប់ជនរងគ្រោះមួយគ្រួសារ កាលពីដើមខែតុលា ឆ្នាំ២០១៤កន្លងទៅពិត ប្រាកដមែន ស្ថិត នៅផ្ទះគ្មានលេខ ក្រុម១៤ ផ្លូវលេខ២១៥ ភូមិសែនសុខទី២ សង្កាត់ ឃ្មួញ ខណ្ឌសែនសុខ ។</span></p>
<p><span style="color: #000000;">សូមបញ្ជាក់ថា អំពើឃាតកម្មដោយគប់ គ្រាប់បែកបង្កឱ្យ មានការភ្ញាក់ផ្អើលកាលពី ល្ងាចថ្ងៃទី០៩ ខែតុលា ឆ្នាំ២០១៤ នោះ បណ្ដាលឱ្យជនរងគ្រោះ ៦នាក់ ស្លាប់និង របួស ហើយអ្នកស្លាប់នោះគឺជាក្មេងប្រុស អាយុ១១ឆ្នាំ ឈ្មោះ ស៊ន តារា ។</span><br /><span style="color: #000000;">ក្រោយមានអំពើឃាតកម្ម គប់គ្រាប់បែក ខាងលើនេះ កាលថ្ងៃទី១៣ ខែធ្នូ ឆ្នាំ២០១៤ កន្លងទៅ កម្លាំងអាវុធហត្ថ រាជធានីភ្នំពេញ បានឃាត់ខ្លួន ជនដៃដល់ម្នាក់ នៅផ្ទះជួលភូមិអណ្ដូង៤ សង្កាត់គោករកា ខណ្ឌព្រែកព្នៅ។</span></p>
<p><span style="color: #000000;">មន្ដ្រីអាវុធហត្ថ រាជធានីភ្នំពេញ បានបញ្ជាក់ថា ជនសង្ស័យរូបនេះ ឈ្មោះនួន សំរិទ្ធ ហៅម៉ាប់ អាយុ២៧ឆ្នាំ គឺជាជនដៃ ដល់នៃការ គប់គ្រាប់បែក ផ្ទាល់តែម្ដង ដោយមេខ្លោង សន្យាផ្ដល់ម៉ូតូ SL មួយគ្រឿង និងលុយ៤០០ដុល្លារ ។ ជនសង្ស័យ នួន សំរិទ្ធ បានសារភាពនៅ ចំពោះមុខសមត្ថកិច្ច អាវុធហត្ថក្រោយពេល ចាប់ខ្លួនថា ម៉ូតូ SL ដែលអ្នកជួលប្រគល់ឱ្យនោះ ត្រូវបានបក្ខពួករបស់ខ្លួនឈ្មោះ លីន ជិះ យកទៅបាត់ហើយ ។</span></p>
<p><span style="color: #000000;">ប្រភពព័ត៌មានពីមន្ដ្រី នគរបាលខណ្ឌសែនសុខ បានបន្ដថា ក្រោយពីមានការ ឃាត់ខ្លួន ជនដៃដល់ទាំងពីរនាក់រួចមក នគរបាលព្រហ្ម ទណ្ឌរាជធានីភ្នំពេញ ដឹកនាំដោយលោកឧត្ដមសេនីយ៍ ជួន សុវណ្ណ ស្នងការនគរបាល រាជធានីភ្នំពេញ និង ស្នងការរងលោក ជួន ណារិន្ទ បានចុះទៅផ្ទាល់ រហូតមានការឃាត់ ខ្លួនជនសង្ស័យ ទាំងពីរ នាក់បន្ថែមទៀត ។</span></p>
<p><span style="color: #000000;">ក្រោយការចាប់ខ្លួន កាលពីយប់ថ្ងៃទី១៨ ខែធ្នូ ឆ្នាំ២០១៤ រួចមក នៅព្រឹកថ្ងៃទី១៩ ខែ ធ្នូ ឆ្នាំ២០១៤នេះ នគរបាលព្រហ្មទណ្ឌ រាជធានីភ្នំពេញ បានបញ្ជូន ជនសង្ស័យទាំងពីរនាក់ ទៅឱ្យមន្ដ្រីអាវុធហត្ថ ដើម្បីបន្ដការសួរនាំ កសាងសំណុំ រឿងបញ្ជូន ទៅកាន់តុលាការ ចាត់ការបន្ដតាមឱ្យផ្លូវច្បាប់ ។</span></p>
<p><span style="color: #000000;">សូមបញ្ជាក់ថា កាលពីម៉ោង៧ល្ងាចថ្ងៃទី០៩ ខែតុលា ឆ្នាំ២០១៤ ជនសង្ស័យ ២នាក់ បានជិះម៉ូតូទៅបោក គ្រាប់បែក ផ្ទុះ សម្លាប់ មនុស្សម្នាក់ និងរបួស៥នាក់ (ក្មេងចាស់) នៅក្នុងផ្ទះល្វែង មួយកន្លែង ក្នុងភូមិសែនសុខ២ សង្កាត់ឃ្មួញ ខណ្ឌសែនសុខ ខណៈជនរងគ្រោះកំពុងអង្គុយហូបបាយ ។</span></p>
<p><span style="color: #000000;">សាក្សី និងសមត្ថកិច្ចអះអាងថា ជនល្មើសមានគ្នា២នាក់ ជិះម៉ូតូមួយគ្រឿង ដែលខ្លះថា ប៊េស និងខ្លះទៀតថា វីវ៉ា ពណ៌ក្រហម បានធ្វើសកម្មភាពបោកគ្រាប់បែក ចូលទៅក្នុងផ្ទះ ខណៈជនរងគ្រោះកំពុង អង្គុយហូបបាយរួមគ្នា ។</span></p>
<p><span style="color: #000000;">ប្រភពព័ត៌មាន ពីមន្ដ្រីនគរបាល ខណ្ឌសែនសុខ បានឱ្យដឹងថា ជនរងគ្រោះដែលស្លាប់ និងរបួសមានចំនួន៦នាក់ ក្នុង នោះស្រីម្នាក់ ត្រូវបានដឹកបញ្ជូនទៅកាន់មន្ទីរពេទ្យ កាល់ម៉ែតសម្រាប់មនុស្សធំ និងមន្ទីរពេទ្យ គន្ធបុបា្ផ សម្រាប់កុមារ តូចៗ ប៉ុន្ដែមួយសន្ទុះ ក្រោយមក ក្មេងប្រុសម្នាក់ អាយុ១១ឆ្នាំ បានស្លាប់ ពេលកំពុងសង្គ្រោះនៅមន្ទីរពេទ្យ ។</span></p>
<p><span style="color: #000000;">មន្ដ្រីនគរបាល ខណ្ឌសែនសុខ បានបញ្ជាក់ថា ជនរងគ្រោះទាំង៦នាក់ ដែលស្លាប់ និងរងរបួសធ្ងន់ស្រាល នោះ រួម មានទី១ ឈ្មោះ ស៊ន ស៊ិន អាយុ ៥៨ឆ្នាំ ជាមេគ្រួសារ មុខរបរស៊ីទិញ និងលក់ដី ស្នាក់នៅចំណុច កើតហេតុ ផ្ទះសង់ ថ្មី លេខ២១៥ រងរបួសត្រង់ក្បាលពោះ និងកែងជើង ទី២ ឈ្មោះសាំ ភស្ដ័ អាយុ ២០ឆ្នាំ មុខរបរជាកម្មករ របស់ម្ចាស់ ផ្ទះ រងរបួសត្រង់ក្បាលជង្គង់ទាំងពីរ ទី៣ ឈ្មោះ ដូន សុខ អាយុ៣៨ឆ្នាំ មុខរបរលក់ដូរ រងរបួស ត្រង់ថ្ងាស និងកែង ជើង ទី៤ ឈ្មោះស៊ន តារា អាយុ១១ឆ្នាំ រងរបួសជើងទាំង២នាក់ ហើយបានស្លាប់ពេលបញ្ជូនទៅកាន់មន្ទីរពេទ្យគន្ធ បុបា្ផ ទី៥ ឈ្មោះ តារារិទ្ធ ខាន់លន់ អាយុ ១២ឆ្នាំ រងរបួសជើងទាំង២ និងទី៦ ឈ្មោះ ហាក់ ប៉េងលាង ភេទស្រី អាយុ ៤០ឆ្នាំ ស្នាក់ នៅចំណុចកើតហេតុ រងរបួសស្រាលត្រង់ម្រាមដៃ ។</span></p>
<p><span style="color: #000000;">ក្រៅពីរងរបួសទៅលើម្ចាស់ផ្ទះមួយគ្រួសារនេះ សម្ភារៈមួយចំនួន រួមទាំង ម៉ូតូ មួយ គ្រឿង និងរថយន្ដពីរគ្រឿងក៏រងការខូចខាតផងដែរ ៕</span></p>
<p><span style="color: #0000ff;"><span style="color: #0000ff;"><a href="/News/Detail/35217/social-news-cambodia-pp"><span style="color: #000000; font-size: small;">អាន៖ </span><span style="font-size: small; color: #00adef;">នគរបាល តាមចាប់មេខ្លោង និងជនដើរជួល ក្រុមគប់គ្រាប់បែក សម្លាប់មួយ គ្រួសារ នៅសង្កាត់ឃ្មួញ</span></a></span></span></p>
<p><br /><a class="thickbox" title="" href="/FileManager/Commons/2014/12/19/12-19-2014-4-36-31-pm-19-12-2014--16-44-05.png"><img src="/FileManager/Articles/mce/2014/12/19/12-19-2014-4-36-31-pm-19-12-2014--16-44-05.png" alt="" /></a></p>
<p><br /><a class="thickbox" title="" href="/FileManager/Commons/2014/12/19/12-19-2014-4-36-46-pm-19-12-2014--16-44-21.png"><img src="/FileManager/Articles/mce/2014/12/19/12-19-2014-4-36-46-pm-19-12-2014--16-44-21.png" alt="" /></a></p>
<p><br /><a class="thickbox" title="" href="/FileManager/Commons/2014/12/19/12-19-2014-4-37-00-pm-19-12-2014--16-44-35.png"><img src="/FileManager/Articles/mce/2014/12/19/12-19-2014-4-37-00-pm-19-12-2014--16-44-35.png" alt="" /></a><a class="thickbox" title="" href="/FileManager/Commons/2014/12/19/12-19-2014-4-36-46-pm-19-12-2014--16-44-21.png"></a><a class="thickbox" title="" href="/FileManager/Commons/2014/12/19/12-19-2014-4-36-31-pm-19-12-2014--16-44-05.png"></a></p>
<p><a class="thickbox" title="" href="/FileManager/Commons/2014/12/19/12-19-2014-4-36-31-pm-19-12-2014--16-44-05.png"></a><span style="color: #0000ff;"><span style="color: #0000ff;"><a href="/News/Detail/35217/social-news-cambodia-pp"></a></span></span></p>
<p><span style="color: #0000ff;"><a href="/News/Detail/35217/social-news-cambodia-pp"></a></span></p>
<p style="text-align: right;"><span style="color: #000000;"><span>ផ្ដល់សិទ្ធដោយ៖ ដើមអម្ពិល</span><br /></span></p>