<p><span style="color: #000000;"><strong>បន្ទាយមានជ័យ ៖</strong> កម្លាំងនគរបាល ស្រុកថ្មពួក ខេត្តបន្ទាយមានជ័យ បាន ឃាត់ខ្លួន ជនសង្ស័យ ចំនួន២នាក់ ប្រុស១ស្រី១ ជាប់ពាក់ព័ន្ធ និងសកម្មភាព លួចម៉ូតូ ហើយយកទៅលាក់ទុក នៅក្នុងចំការដំឡូងមួយ។</span></p>
<p><span style="color: #000000;">មន្រ្តីនគរបាល ព្រហ្មទណ្ឌ ស្រុកថ្មពួក បានថ្លែងឲ្យដឹងថា ក្រោយពីមានករណី លួចម៉ូតូ របស់ ប្រជាពលរដ្ឋរួចមក កម្លាំងនគរបាល ព្រហ្មទណ្ឌ និងកម្លាំង នគរបាល មូលដ្ឋាន បានបើកការស្រាវជ្រាវ រហូតឈានទៅដល់ការឃាត់ខ្លួន ជន សង្ស័យ២នាក់ ក្នុងនោះស្រីម្នាក់ ដែលបានយកម៉ូតូ របស់ជនរងគ្រោះ ទៅ លាក់ទុក នៅក្នុងចំការដំឡូងមួយ កាលពីរសៀលថ្ងៃទី១៧ ខែវិច្ឆិកា ឆ្នាំ ២០១៤។</span></p>
<p><span style="color: #000000;">មន្រ្តីនគរបាល បានបន្តទៀតថា តាមវិធានការជំនាញ របស់ខ្លួន នគរបាល បានឈានទៅដល់ការចាប់ ជនសង្ស័យទាំងនេះ ខណៈជន សង្ស័យបានទៅ ទិញសាំងយកចាក់ម៉ូតូ ដែលលាក់ទុក នៅក្នុង ចំការ ដំឡូងនោះ។</span></p>
<p><span style="color: #000000;">យ៉ាងណាក៏ដោយ សមត្ថកិច្ច មិនទាន់បានបញ្ជាក់អត្តសញ្ញាណ ជន សង្ស័យទាំង២នាក់នេះនៅឡើយទេ ដោយរង់ចាំការសួរនាំ បន្តទៀត នៅអធិការដ្ឋាន នគរបាល ស្រុកថ្មពួក ដើម្បីកសាងសំណុំរឿង បញ្ជូនទៅកាន់ តុលាការ ចាត់ការ តាមផ្លូវច្បាប់។</span></p>
<p><span style="color: #000000;">សូមបញ្ជាក់ថា កាលពីពេលកន្លងទៅ ស្នងការ នគរបាល ខេត្តបន្ទាយមានជ័យ លោកឧត្តមសេនីយ៍ អាត់ ខែម បានដឹកនាំកម្លាំង នគរបាលជំនាញ ព្រហ្មទណ្ឌ និងកម្លាំងនគរបាល តាមបណ្តាស្រុក ចុះទៅចាប់ខ្លួនជនសង្ស័យជាបន្តបន្ទាប់ ដែលជាមុខសញ្ញា លួចម៉ូតូមានប្រដាប់អាវុធយ៉ាងសកម្ម ព្រមទាំងដកហូតម៉ូតូមួយចំនួន ផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/18/11-18-2014-10-39-20-am-18-11-2014--10-44-47.png"><img src="/FileManager/Articles/mce/2014/11/18/11-18-2014-10-39-20-am-18-11-2014--10-44-47.png" alt="" /></a></span></p>
<p><a class="thickbox" title="" href="/FileManager/Commons/2014/11/18/11-18-2014-10-39-36-am-18-11-2014--10-45-04.png"><img src="/FileManager/Articles/mce/2014/11/18/11-18-2014-10-39-36-am-18-11-2014--10-45-04.png" alt="" /></a></p>
<p><a class="thickbox" title="" href="/FileManager/Commons/2014/11/18/11-18-2014-10-39-50-am-18-11-2014--10-45-26.png"><img src="/FileManager/Articles/mce/2014/11/18/11-18-2014-10-39-50-am-18-11-2014--10-45-26.png" alt="" /></a></p>
<p><a class="thickbox" title="" href="/FileManager/Commons/2014/11/18/11-18-2014-10-39-07-am-18-11-2014--10-45-43.png"><img src="/FileManager/Articles/mce/2014/11/18/11-18-2014-10-39-07-am-18-11-2014--10-45-43.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br /><span>ផ្ដល់សិទ្ធិដោយ៖ ដើមអម្ពិល</span><br /></span></p>