<p><span style="color: #000000;"><strong>ពោធិ៍សាត់៖</strong> ស្នេហាដ៏ស្មោះស្ម័គ្រ ផុសចេញពីក្រអៅបេះដូង កំលោះក្រមុំ ជនជាតិវៀតណាម មួយគូរស់នៅលើផ្ទៃ បឹងទន្លេសាប បានឈានដល់ការ លេបថ្នាំបញ្ចប់ជីវិតទាំងពីរនាក់ ក្នុងថ្ងៃខែឆ្នាំតែមួយ បន្ទាប់ក្តីស្នេហ៍ដែលតាក់តែង កំណត់ដោយធម្មជាតិ ប្រែប្រួលជាឥតន័យ ព្រោះជញ្ជាំងរនាំងវណ្ណៈ របស់អ្នកមានគុណជនជាតិវៀតណាម ចិត្ត ឃោរឃៅគ្មានក្តីមេត្តា។</span></p>
<p><span style="color: #000000;">សពគូស្នេហ៍វ័យក្មេងជនជាតិវៀតណាម ផ្ញើជីវិតលើដែនទន្លេសាបរបស់កម្ពុជា ត្រូវបានប្រជានេសាទប្រទះឃើញ នៅម៉ោង ១២កណ្តាលអាធ្រាត្រថ្ងៃទី១៧ ឈានចូលថ្ងៃទី១៨ ខែវិច្ឆិកា ឆ្នាំ២០១៤ នៅលើទូកក្នុងព្រៃរបោះលើផ្ទៃ បឹងទន្លេសាប ស្ថិតក្នុងភូមិកោះក្អែក ឃុំរាំងទឹល ស្រុកកណ្តៀង ខេត្តពោធិ៍សាត់ ទាំងរូបកាយឱបគ្នាយ៉ាងស្អិតល្មួត បេះស្ទើរមិនរបេះ។</span></p>
<p><span style="color: #000000;">សមត្ថកិច្ចបានឲ្យដឹងថា បុរសស្មោះស្នេហ៍ ឈ្មោះ ប៊ុន ហាង អាយុ ២០ឆ្នាំ រីឯនារីចិត្តស្ម័គ្រភក្តី មានឈ្មោះ វិន ធី ថរ អាយុ ១៨ឆ្នាំ។</span></p>
<p><span style="color: #000000;">បើតាមសាច់ញាតិប្រាប់សមត្ថកិច្ច បានឲ្យដឹងថា គូរស្នេហ៍វ័យក្មេងនេះ បានចាប់ចិត្តស្រឡាញ់ប្រតិព័ទ្ធជាមួយគ្នា អស់រយៈមួយឆ្នាំមកហើយ ប៉ុន្តែឪពុកម្តាយមិនបំពេញបំណងរបស់ពួកគេឡើយ ព្រោះតែវណ្ណៈខុសគ្នា។</span></p>
<p><span style="color: #000000;">សមត្ថកិច្ចបានបន្តថា ដោយសារភ្លើងស្នេហ៍ ដែលបានបង្កាត់ និងឆាបឆេះរយៈពេលមួយឆ្នាំកន្លងមកនេះ ប្រែជា អស់ន័យ ព្រោះតែជញ្ជាំងវណ្ណៈនោះ បុរសបេះដូងស្មោះ និងនារីចិត្តស្ម័គ្រភក្តី បាននាំគ្នាអុំទូកចូលទៅក្នុងព្រៃរបោះ ហើយនាំគ្នាលេបថ្នាំទាំងពីរនាក់តែម្តង៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/19/11-19-2014-9-40-32-am-19-11-2014--09-44-51.png"><img src="/FileManager/Articles/mce/2014/11/19/11-19-2014-9-40-32-am-19-11-2014--09-44-51.png" alt="" /></a></span></p>
<p><a class="thickbox" title="" href="/FileManager/Commons/2014/11/19/11-19-2014-9-40-47-am-19-11-2014--09-45-03.png"><img src="/FileManager/Articles/mce/2014/11/19/11-19-2014-9-40-47-am-19-11-2014--09-45-03.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br />ផុ្ដល់សិទ្ធិដោយ៖ ដើមអម្ពិល</span></p>