<div class="article-content">
<p><strong style="line-height: 2;">ក្រុងសៀមរាប៖</strong><span style="line-height: 2;"> កូនប្រុសរបស់លោកឧកញ៉ា សៀង ណាំ ឈ្មោះ ណាំ លីណាល់ រៀបការជាមួយ<br />កូនស្រីអតីតនាយករដ្ឋមន្ត្រីថៃនៅថ្ងៃទី១៨ ខែឧសភា នាទីក្រុងបាងកក ប្រទេសថៃ និងកាត់ចំណង<br />ដៃនៅថ្ងៃទី២៥ ខែឧសភា ឆ្នាំ២០១៣ នៅរាជធានីភ្នំពេញ។</span></p>
<p>សេដ្ឋីល្បីឈ្មោះបោះសំឡេងនៅលើទឹកដីខេត្តសៀមរាប លោកឧកញ៉ា សៀង ណាំ និងជា សមាជិក<br />រដ្ឋសភានៃគណបក្សប្រជាជនកម្ពុជា បានប្រាប់មជ្ឈមណ្ឌល ព័ត៌មានដើមអម្ពិល នៅក្នុងសណ្ឋាគារ<br />របស់លោកនៅក្រុងសៀមរាប កាលពីរសៀលថ្ងៃទី៤ ខែឧសភា ឆ្នាំ២០១៣ថា កូនប្រុសរបស់លោក<br /> ដែលជាកូនពៅឈ្មោះ ណាំ លីណាល់ រៀបការជាមួយនាង Phayapa Wongsawat (ផាយាបា វង្ស<br />សាវ៉ាត) ជាកូនស្រីរបស់អតីតនាយករដ្ឋមន្រ្តីថៃ លោក ស៊ុមឆៃ វង្សសាវ៉ាត នៃគណបក្សភឿថៃ (ក្រុម<br />អាវក្រហមរបស់លោក ថាក់ ស៊ីន) នៅថ្ងៃទី១៨ ខែឧសភា ឆ្នាំ២០១៣ នៅទីក្រុងបាងកក ប្រទេសថៃ។</p>
<p>លោកឧកញ៉ា សៀង ណាំ បានឲ្យដឹងបន្តថា រៀបការនៅទីក្រុងបាងកកនោះ លោកនឹងមិនអញ្ជើញ<br />ភ្ញៀវពីខ្មែរទៅច្រើនទេ «ពិសេសទៅច្រើនតែសាច់ញាតិ របស់លោកឧកញ៉ាប៉ុណ្ណោះ និងមានមន្រ្តីជាន់<br />ខ្ពស់មួយចំនួនតូច រួមមានលោកឧបនាយករដ្ឋមន្ត្រី ទៀ បាញ់, លោកឧបនាយករដ្ឋមន្រ្តី យឹម ឆាយលី<br /> និងលោក ជា សុផារ៉ា ជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន»។</p>
<p>លោកឧកញ៉ាបានមានប្រសាសន៍ឲ្យដឹងទៀតថា ក្រោយពីរៀបការរួចបានចំនួនមួយអាទិត្យ នឹងកាត់<br />ចំណងដៃនៅរាជធានីភ្នំពេញ ថ្ងៃទី២៥ ខែឧសភា ឆ្នាំ២០១៣ ឯសណ្ឋាគារ SOFITEL PHNOM PENH ដោយលោកបានអញ្ជើញមន្ត្រីនៅគណៈរដ្ឋមន្រ្តីទាំងអស់ «ពិសេសមានសម្តេចតេជោ ហ៊ុន សែន <br />លោកជំទាវ ព្រមទាំងបុត្រា បុត្រីរបស់សម្តេចចូលរួម ជាភ្ញៀវមហាកិត្តិយសបំផុត រួមទាំងភ្ញៀវកិត្តិយស<br />ជាច្រើនទៀត សរុបចំនួន៨០០នាក់»។</p>
<p>ចំពោះការរស់នៅវិញ លោកឧកញ៉ា បានប្រាប់ទៅកូនប្រុសរបស់លោកថា បន្ទាប់ពីរៀបការ ហើយ ត្រូវ<br />រស់នៅស្រុកខ្មែរ ឬក៏រស់នៅស្រុកថៃតែម្តង មិនអាចចល័តម្តង មករស់នៅស្រុកខ្មែរ ទៅរស់នៅស្រុកថៃ<br />បានទេ ប៉ុន្តែយូរៗមកលេងម្តង ជារឿងធម្មតា។</p>
<p>រីឯការឆ្លើយតបនឹងការរិះគន់មួយចំនួនរបស់សាធារណជន ទាំងខាងខ្មែរ និងថៃដែលថាប្រទេសកម្ពុជា និងថៃកំពុងមានបញ្ហាតំបន់ប្រាសាទព្រះវិហារ និងចំណុចព្រំដែនមួយចំនួនកូនអ្នកធំខ្មែរ ឬថៃ មិនគួរ<br />រៀបការជាមួយគ្នានោះ លោកឧកញ៉ា សៀង ណាំ បានឆ្លើយថា រឿង កូនប្រុសរបស់លោក និងកូនស្រី<br />របស់អតីតនាយករដ្ឋមន្រ្តីថៃ វង្សសាវ៉ាត មិនមានទាក់ទង នឹងបញ្ហានយោបាយទេ ជារឿងមនោសញ្ចេត<br />នា ស្នេហាសុទ្ធសាធ ក្មេងស្រឡាញ់គ្នា រួចសម័យនេះហើយ ឪពុកម្តាយ និងអាណាព្យាបាល ពិសេស<br />រូបលោក មិនអាចបំបែកបំបាក់ ឬ កំទេចស្នេហារបស់ពួកគេបានឡើយ។ លោកឧកញ៉ា បានបញ្ជាក់<br />ទៀតថា សម័យឥឡូវ ការ ស្រឡាញ់ ការរៀបការរវាងជាតិសាសន៍ផ្សេងគ្នា វាជារឿងធម្មតា ដូចជនជាតិ<br />ថៃ និងកម្ពុជាខ្លះរៀបការជាមួយអាមេរិក បារាំង អង់គ្លេស ជប៉ុន កាណាដា អញ្ចឹងដែរ។</p>
<p>លោកឧកញ៉ា សៀង ណាំ មានភរិយាឈ្មោះ អ៊ុន វុនលី មានកូន៣នាក់ (ស្រីពីរ ប្រុសមួយ)។ កូនស្រីច្បង<br />ពីរនាក់ បានរៀបការរួចហើយ និងមានចៅ៤នាក់៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong-Pic/31.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong-Pic/30.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong-Pic/29.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/Narong-Pic/28.jpg" alt="Photo by LookingTODAY" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>