<p>អ្នកនឹងក្លាយជាអ្នកមាន ប្រសិនចេះបោះបង់នូវការយល់ឃើញ ដែលប្រកបដោយភាពក្រក្រី ហើយស្រាវជ្រាវឱ្យបានល្អិតល្អន់ និងធ្វើតាមទម្លាប់របស់អ្នកមាន ទន្ទឹមនឹងនេះ ត្រូវប្ដូរពីការ<br />ចំណាយ មកជាការវិនិយោគ។</p>
<p style="text-align: center;"><a class="thickbox" title="" href="/FileManager/Commons/2014/2/3/millionaire-8699-1390638563-03-02-2014--13-58-22.jpg"><img src="/FileManager/Articles/mce/2014/2/3/millionaire-8699-1390638563-03-02-2014--13-58-22.jpg" alt="" width="434" height="325" /></a></p>
<p><br />Grant Cardone គឺជាអ្នកជំនាញការមួយរូប ក្នុងវិស័យលក់ដូរ។ លោកគឺជាម្ចាស់សៀវភៅមួយ<br />ចំនួនដែលលក់ដាច់បំផុត ក្នុងបញ្ចីរបស់ New York Times ដូចជា “លក់ទំនិញដើម្បីវត្តមាន” ឬ <br />“លក់ ឬមួយត្រូវគេលក់”។ Grant Cardone បានបង្កើតក្រុមហ៊ុនចំនួនបី គឺ Cardone Enterprises, Cardone Real Estate និង Cardone Group ។ ខាងក្រោមនេះ គឺជាអាថ៌កំបាំងនៃការធ្វើមានរបស់ Grant Cardone ដែលត្រូវបានចុះផ្សាយនៅលើទំព័រ Entrepreneur ។<br /><br /><strong>១/ ប្ដេជ្ញាចិត្តដើម្បីក្លាយជាអ្នកមាន</strong></p>
<p>ខ្ញុំបានឈានឡើងពីបាតដៃទទេ ដោយមានតែគំនិត និងការប្រឹងប្រែង ហើយបង្កើតបាននូវទ្រព្យ សម្បត្តិ ដែលមួយជីវិតនេះ មិនអាច “ដួលរលំ” បាន។ កិច្ចការដែលត្រូវធ្វើដំបូងគេ នោះគឺត្រូវប្ដេជ្ញា<br />ចិត្ត និងកំណត់ទិសដៅ។ ជាច្រើនឆ្នាំមុននេះ ថ្ងៃណា ខ្ញុំក៏សរសេរចេញនូវពាក្យស្លោក ៖ “ខ្លួន មាន តម្លៃជាង ១០០លានដុល្លារ”។<br /><br /><strong>២/ បោះបង់នូវគំនិតក្រីក្រ</strong></p>
<p>នៅលើផែនដីនេះ មិនខ្វះទេប្រាក់ ខ្វះតែមនុស្សដែលមានការយល់ឃើញត្រឹមត្រូវ ចំពោះវា។ ដើម្បីក្លាយជាអ្នកមាន អ្នកត្រូវតែបោះបង់គំនិតប្រកបដោយភាពក្រក្រី ខ្ញុំបានធ្វើដូច្នេះ។ ម្ដាយ របស់ខ្ញុំជាស្ដ្រីមេម៉ាយ គាត់ធ្វើអ្វីគ្រប់យ៉ាងដើម្បីចិញ្ចឹមកូនៗ។ ប៉ុន្ដែ ជួនកាល ការប្រៀនប្រដៅ<br />របស់ ម្ដាយខ្ញុំ ធ្វើឱ្យខ្ញុំមានអារម្មណ៍ភ័យខ្លាច និងខ្វះខាត ៖ “ញ៉ាំអាហារឱ្យអស់ពីចានទៅ នៅខាង<br />ក្រៅ មានមនុស្សជាច្រើន កំពុងអត់ឃ្លាន” ឬ “ចូរកុំខ្ជោះខ្ជាយអ្វីៗទាំងអស់” ឬថា “ប្រាក់មិនដុះនៅ លើដើមឈើទេ”។ របស់របរពិត នឹងមិនដែលត្រូវបានបង្កើតឡើងដោយការគិតបែបនេះឡើយ។<br /><br /><strong>៣/ ចាត់ទុកការធ្វើមាន ជាភារកិច្ច</strong></p>
<p>ក្រុមសេដ្ឋី ដែលធ្វើមានដោយបាតដៃទទេ មិនត្រឹមតែធ្វើការដើម្បីប្រាក់ប៉ុណ្ណោះទេ ពួកគេថែម ទាំងមានបំណងឱ្យទីផ្សារ ទទួលស្គាល់នូវការរួមចំណែករបស់ពួកគេ។ ខ្ញុំតែងតែចូលចិត្តភាព ជា អ្នកមានទ្រព្យច្រើន ប៉ុន្ដែខ្ញុំក៏រំពឹងថា នឹងបានបង្ហាញនូវសមត្ថភាពទាំងស្រុងរបស់ខ្លួន។ អ្នកមាន គេមិនដែលបោះបង់ ឬបន្ទាបគោលដៅ នៅពេលជួបឧបសគ្គ។ ផ្ទុយទៅវិញ ពួកគេលើកកម្ពស់ក្ដី សង្ឃឹម ដោយសារតែយល់ឃើញថា ខ្លួនអាចបង្កើតភាពខុសប្លែក សម្រាប់គ្រួសារ ក្រុមហ៊ុន និង សង្គម។<br /><br /><strong>៤/ ដាក់ខ្លួនទៅក្នុងបរិយាកាសរបស់អ្នកមាន</strong></p>
<p>តាំងពីមានអាយុ ១០ឆ្នាំ ខ្ញុំបានអានសៀវភៅស្ដីអំពីអ្នកមាន ទម្លាប់របស់អ្នកមាន និងវិធីរកប្រាក់ របស់ពួកគេ។ អ្នកមិនអាចរៀននូវវិធីធ្វើមានពីមនុស្សដែលមិនមានទ្រព្យ។ អ្នកណាគេថា “ប្រាក់<br />មិន អាចធ្វើឱ្យមនុស្សមានសុភមង្គល”? ឬ “អ្នកមានជាមនុស្សលោភ”? អ្នកនិយាយបែបនេះ គឺជា មនុស្សមិនមានទ្រព្យ ចំណែកអ្នកមាន គេនឹងមិននិយាយបែបនេះ។ អ្នកត្រូវតែដឹងថា ពួកគេធ្វើអ្វី ដើម្បីរកបានប្រាក់ អានសៀវភៅប្រភេទណា និងវិនិយោគទៅលើអ្វី ដើម្បីរកវិធី ធ្វើតាមអ្នកមាន។<br /><br /><strong>៥/ ធ្វើការដូចទៅនឹងអ្នកមាន</strong></p>
<p>ការយល់ឃើញរបស់អ្នកមាន អំពីពេលវេលា គឺមានភាពខុសគ្នាស្រឡះ ពីអ្នកក្រ ដោយក្រុមអ្នក មានទិញពេលវេលា ចំណែកអ្នកក្រវិញ គឺលក់ពេលវេលា។ អ្នកមានដឹងថា ពេលវាលា មានតម្លៃ ថ្លៃជាងប្រាក់កាស់ ដូច្នេះ ពួកគេជួលបុគ្គលិកមកធ្វើការងារ ដែលពួកគេមិនអាចធ្វើបាន ឬធ្វើមិន<br />ល្អ។ ប៉ុន្ដែ ចូរកុំគិតថា អ្នកមានមិនប្រឹងប្រែង។ អ្នកជោគជ័យផ្នែកហិរញ្ញវត្ថុ តែងតាមប្រមាញ់ នូវ គោលដៅ ហើយធ្វើការរហូតដល់ពេលគេយល់ថា ខ្លួនទទួលបានជ័យជំនះ។<br /><br /><strong>៦/ ប្ដូរពីការចំណាយ ទៅជាការវិនិយោគ</strong></p>
<p>អ្នកមានមិនចាយប្រាក់ គឺពួកគេគ្រាន់តែវិនិយោគ។ នៅពេលអ្នកទិញផ្ទះដើម្បីនៅ អ្នកមានបែរជា ទិញផ្ទះដើម្បីជួលឱ្យអ្នកដទៃដើម្បីរកប្រាក់មួយរយៈពេល ក្រោយមក ពេលដឹងថា បានចំណេញ<br />ច្រើន ពួកគេលក់ផ្ទះនោះទៅវិញ។ នៅពេលអ្នកទិញរថយន្ដដើម្បីបង្អួតញាតិ អ្នកមានទិញរថយន្ដ សម្រាប់បម្រើការដល់ក្រុមហ៊ុន រួចលក់វាចេញ នៅពេលវាលែងបង្កើតប្រាក់។<br /><br /><strong>៧/ បង្កើតប្រភពចំណូលច្រើន</strong></p>
<p>អ្នកមានពិតប្រាកដ គឺមិនដែលរំពឹងទៅលើតែប្រភពចំណូលមួយនោះទេ។ ដំបូង ខ្ញុំបង្កើតក្រុមហ៊ុន បម្រើសេវាកម្មប្រឹក្សាផ្នែកជំនួញ។ នៅពេលកំពុងរកបានប្រាក់ចំណេញរាប់លានដុល្លាររាល់ឆ្នាំ ខ្ញុំក៏ វិនិយោគទៅលើអចលនព្រព្យ។ ក្រោយមក ពេលការងារទាំងពីរនេះ ដំណើរការល្អ ខ្ញុំក៏ចាប់ផ្ដើម បង្កើតក្រុមហ៊ុនផ្នែកទន់ (software) ។<br /><br />អ្នកប្រហែលជានឹងត្រូវភ្ញាក់ផ្អើល នៅពេលបានដឹងថា អ្នកមានក៏ចង់ឱ្យអ្នក មានទ្រព្យច្រើនដូច<br />ពួកគេ។ មូលហេតុសាមញ្ញបំផុត ៖ ទីមួយ អ្នកអាចមានលទ្ធភាពទិញសេវាកម្ម ឬផលិតផល របស់ពួកគេ។ ទីពីរ ពួកអ្នកមាន ក៏ចង់មានទំនាក់ទំនងជាមួយអ្នកមានដទៃ ដោយពួកគេដឹងថា ខ្លួន មិនមែនជាមនុស្សអស្ចារ្យ ហើយប្រាក់កាស់នឹងត្រៀមខ្លួនជានិច្ច ដើម្បីចូលមករកអ្នកដែលមាន គោលដៅ និងមានការព្យាយាមខ្ពស់៕</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/51093/chinese-new-year-sends-laborers-home-rich-abroad"><span style="color: #3366ff;">ប្រទេសចិនតែមួយ របៀបទទួល ឆ្នាំថ្មីពីរ</span></a></span></p>
<p><span style="color: #3366ff;"><a href="/News/Detail/85420/how-michael-bloomberg-make-money-and-spend-for-charity"><span style="color: #3366ff;">មហាសេដ្ឋីកើតឆ្នាំមមី Bloomberg រកប្រាក់ និងដៃទូលាយកម្រិតណា?</span></a></span></p>
<p><span style="color: #3366ff;"><a href="/News/Detail/64051/life-in-the-world%E2%80%99s-coolest-area-yakutsk"><span style="color: #3366ff;">ជីវិតរបស់ពលរដ្ឋ ក្នុងតំបន់ត្រជាក់បំផុត ក្នុងពិភពលោក</span></a></span></p>
<p style="text-align: right;"><br /><br />ដោយ ៖ តារា<br />ប្រភព ៖ VE<br /><br /></p>