<p><span style="color: #000000;"><strong>ភ្នំពេញ៖</strong> តារាសម្តែង និងជាពិធីការិនី អ្នកនាង សុខ សោម៉ាវត្តី ថ្មីៗនេះបានចេញមុខ ប្រកាសនៅលើបណ្តាញ ទំនាក់ទំនងសង្គម Facebook ផ្ទាល់របស់នាងថា ពេលនេះនាងបានបើកហាង លក់ឡេលាបស្បែក និងប្រភេទឡេលាបមុខមួយកន្លែង ដែលមានឈ្មោះថា “Somavotey Shop” បន្ថែមពីលើអាជីពជាអ្នកសិល្បៈ ។</span></p>
<p><span style="color: #000000;">បន្ទាប់ពីតារាសម្តែង និងជាពិធីការិនី ប្រចាំស្ថានីយទូរទស្សន៍បាយ័នអ្នកនាង សុខ សោម៉ាវត្តី រៀបការ សាងគ្រួសារជាមួយ លោក ទូច ដារ៉ាណា ហៅ ពេជ្រ រួចគេសង្កេតឃើញថា តារាស្រីរូបនេះហាក់កាន់តែមាន ភាពហ៊ឺហារ រស់នៅលើគំនរទ្រព្យសម្បត្តិ និងវីឡាស្គឹមស្គៃ យ៉ាងមានក្តីសុខ មិនតែប៉ុណ្ណោះ សូម្បីតែសន្ទុះការងារ របស់នាង ក៏មានភាពរីកចម្រើន និងកាក់កប់ជាងមុនច្រើនដែរ។</span></p>
<p><span style="color: #000000;">ទន្ទឹមជាមួយនឹង ការទទួលបានភាពជោគជ័យ ផ្ទួនៗគ្នានោះដែល តារាស្រីរូបស្អាត អ្នកនាង សុខ សោម៉ាវត្តី ក៏បានបោះទុនបើក ហាងលក់ឡេ ថែរក្សាស្បែកនិងមុខ ដែលមានឈ្មោះថា “Somavotey Shop” ដោយនាងបានសរសេរ បង្ហោះនៅលើបណ្តាញទំនាក់ទំនងសង្គម របស់នាងថា “ Somavotey shop មានលក់ឡេលាបមុខ បំបាត់ស្នាមជាំ បំបាត់មុន លាបអោយមុខសម៉ត់រលោង 1ឈុត5$ នឹង ឡេលាបខ្លួន 500g តំលៃ ២៥$ ទីតាំងក្រោយអាគារ ការណាឌីយ៉ា…… ”។</span></p>
<p><span style="color: #000000;">បើទោះបីជាតារាស្រីរូបនេះ បានបង្ហើបឲ្យដឹងពីមុខជំនួញថ្មីរបស់នាង ប្រកាសប្រាប់ទៅដល់អ្នកគាំទ្រ និង Friend ក្នុង Facebook របស់នាងក៏ដោយ ប៉ុន្តែតារាស្រីរូបនេះមិនបាន បញ្ជាក់ប្រាប់ថានាងចាយទុនប៉ុន្មាន ក្នុងការបើកហាង នេះឡើយ ហើយគេហទំព័រ Looking TODAY ក៏មិនអាចទាក់ទង ទៅនាង ដើម្បីសាកសួរព័ត៌មាន បន្ថែមបានឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/17/10-17-01-2015--15-46-47.jpg"><img src="/FileManager/Articles/mce/2015/1/17/10-17-01-2015--15-46-47.jpg" alt="" /></a></span></p>
<p><a class="thickbox" title="" href="/FileManager/Commons/2015/1/17/11-17-01-2015--15-46-55.jpg"><img src="/FileManager/Articles/mce/2015/1/17/11-17-01-2015--15-46-55.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/17/10-17-01-2015--15-46-47.jpg"></a></span></p>
<p><a class="thickbox" title="" href="/FileManager/Commons/2015/1/17/12-17-01-2015--15-47-01.jpg"><img src="/FileManager/Articles/mce/2015/1/17/12-17-01-2015--15-47-01.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>