<p><span style="color: #000000;"><strong>(ភ្នំពេញ)៖</strong> បន្ទាប់ពីពិធីមង្គលការ យ៉ាងអធិកអធ័ម ត្រូវបានបញ្ចប់ទៅ ក្រោមស្នាមញញឹម និងស្លាកស្នាមអនុស្សាវរីយ៍ រាប់មិនអស់ រវាង តារាសម្ដែង គង់ ចាន់ស្រីមុំ និងលោក គឹម សីហា កាលពីពេលថ្មីៗនេះរួចមក នៅក្នុងបណ្ដាញសង្គម Facebook បែរជាលេចចេញនូវសំឡេងរិះគន់ ថា រ៉ូបតម្លៃប្រមាណ៨៦០០ដុល្លារអាមេរិក ដែលច្នៃឡើង ដោយសំអាងការ Paradise កាត់ដេរ ស្លៀកក្នុងថ្ងៃមង្គលការ ពេលកម្មវិធីទទួលភ្ញៀវ និងកាត់នំ ត្រូវបានគេរិះគន់ថា បានចម្លងម៉ូដពីបរទេស ពោលមិនមានគំនិតច្នៃប្រឌិត ខ្លួនឯងនោះឡើយ។</span></p>
<p><span style="color: #000000;">ក្រោយផ្ទុះសំឡេងរិះគន់ ពីអ្នកលេង Facebook ភ្លាមៗនោះ គេបានឃើញតារាសម្ដែង គង់ ចាន់ស្រីមុំ បានបញ្ចេញប្រតិកម្មតបវិញភ្លាមៗដែរ ដោយនៅក្នុងនោះ នាងបញ្ជាក់ថា ការច្នៃម៉ូដសម្លៀកបំពាក់ ឬធ្វើអ្វីមួយ ត្រូវតែមានការស្រាវជ្រាវ ហើយយកមកច្នៃប្រឌិតថ្មី ជារបស់ខ្លួន ពោលបើមិនស្រាវជ្រាវទេ តើបានរបស់ថ្មីនោះមកពីណា? ជាមួយគ្នានេះ អ្នករិះគន់ គួរពិចារណាខ្លះផង មុននឹងរិះគន់លើរឿងអ្វីមួយ ហើយត្រូវចេះជួយលើកស្ទួយ ស្នាដៃរបស់ខ្មែរ ដែលខំផលិតបាន កុំគិតតែចាំរិះគន់ ក្នុងន័យច្រណែនឈ្នានីសគ្នានោះ។</span></p>
<p><span style="color: #000000;">គង់ ចាន់ស្រីមុំ បានសរសេរក្នុងបណ្ដាញសង្គម របស់នាងផ្ទាល់ថា «ខ្ញុំ ..គង់ ចាន់ស្រីមុំ សូមអរគុណយ៉ាងខ្លាំង ដល់សំអាងការ Paradise ដែលខំគូរ និងច្នៃម៉ូដរ៉ូប អាពាហ៍ពិពាហ៍ពណ៌ស ពេលកាត់នំ ក្នុងថ្ងៃមង្គលការ ដ៏ពិសេសសម្រាប់នាងខ្ញុំ ដោយប្រើរយៈពេលតែ២០ថ្ងៃ អាចធ្វើបានយ៉ាងប្រណិត។ ខ្ញុំសូមបញ្ជាក់ថា រ៉ូបមួយនេះ មិនបានចម្លង ឬយកម៉ូដរបស់នរណាម្នាក់ឡើយ ។ គ្មានអ្វីដែលថ្មីទេ នៅលើលោកនេះ នរណាក៏មានការស្រាវជ្រាវដែរ និងយករបស់នោះ មកច្នៃប្រឌិតបន្ថែម ដើម្បីឲ្យក្លាយជារបស់ថ្មី និងផ្ទាល់ខ្លួន គឺខាងសំអាងការ បានធ្វើនិងយកចិត្តទុកដាក់ ក្នុងការច្នៃម៉ូដមួយនេះ យ៉ាងពេញទំហឹង..»។</span></p>
<p><span style="color: #000000;">ក្នុងន័យវាយបកទៅកាន់អ្នករិះគន់វិញ គង់ ចាន់ស្រីមុំ បានសរសេរសង្កត់ធ្ងន់ទៀតថា« ខ្ញុំសូមឲ្យបងប្អូនខ្មែរទាំងអស់ លើកស្ទួយអ្វីដែលជាការច្នៃប្រឌិត របស់ខ្មែរយើងផង កុំចេះតែយកខ្មែរ ទៅប្រៀបនឹងបរទេស ហើយកុំចេះតែឲ្យតម្លៃខ្មែរ នៅពីក្រោយរហូតបែបនេះអី។ សូមមើលឃើញនូវអ្វី ដែលជាស្នាដៃខ្មែរ ហើយរៀនឲ្យតម្លៃខ្មែរគ្នាឯងផង គេខំធ្វើមិនបានសម្រាក ដើម្បីឲ្យបានល្អគ្រប់យ៉ាង ហើយសូមតមស្នងវិញ ដោយពាក្យសរសើ ហើយរិះគន់ដើម្បីស្ថាបនា មិនមែនរិះគន់ ដោយយកខ្មែរទៅប្រៀប នឹងបរទេសនោះទេ។ សូមអរគុណដល់អ្នក ដែលគាំទ្រយើងខ្ញុំរហូតមក និងតែងតែឲ្យតម្លៃសិល្បៈខ្មែរ..!»។</span></p>
<p><span style="color: #000000;">សូមបញ្ជាក់ថា ព្រោះតែរំភើប រកអ្វីនឹងប្រៀបផ្ទឹមពុំបាន ក្នុងមង្គលដ៏ពិសេសសម្រាប់ជីវិត នៅពេលនេះ តារាសម្ដែងស្រស់សោភា កញ្ញា គង់ ចាន់ស្រីមុំ និងស្វាមី គឺលោក គឹម សីហា បានបង្ហាញពីក្ដីស្រឡាញ់ ចំពោះគ្នានឹងគ្នា រហូតសម្រក់ទឹកភ្នែក ហូរកាត់ផែនថ្ពាល់ របស់ពួកគេទាំងពីរ នៅចំពោះមុខភ្ញៀវកិត្តិយស រាប់រយនាក់ ពេលដែលអ្នកទាំងពីរ រំឭកពីប្រវត្តិស្នេហ៍ តាំងពីគ្រាដំបូង៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/934142_1374197512606555_6393867023192875759_n.jpg?oh=2cfdab6c69f2455acfb4d6e2f511cd10&oe=5757DA49" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/971527_1153800151318946_761444343066165310_n.jpg?oh=830e4e540c7c67a3fb670a627748bbb1&oe=574E1ABE" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xat1/v/t1.0-9/1923508_1153800847985543_6275422204288273165_n.jpg?oh=c6670cefc626ce14ab4b8f985c08f6a9&oe=578A9B28" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/v/t1.0-9/554835_1153801054652189_6762816877874546100_n.jpg?oh=202819bcf22f7a283846ed65487781cc&oe=574ECD60" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpa1/t31.0-8/s960x960/1519068_1374199185939721_5341672693627193789_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/t31.0-8/s960x960/701965_1374199179273055_4627904583737402004_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/10583863_1374199175939722_5384212420482334509_n.jpg?oh=59d665ecede1f5e4e18cbd2474452dbb&oe=578ABB7C" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/10271491_1374197352606571_8599156902567031687_n.jpg?oh=07380772ac4dd8040d143e3bc64532d5&oe=578463C6" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xtf1/v/t1.0-9/922880_1374197355939904_4313673887044944585_n.jpg?oh=1e79f6c58f9be087f1d6cc754772b066&oe=5751DC91&__gda__=1464722003_ae0e45f58939d4fb48b93ab34b60a378" alt="" width="730" /></span></p>
<div id="aside" class="span3">
<div class="well ">
<div class="custom">
<div>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div style="margin-top: 3px;">
<div id="myslideshow" class="flashclass">
<div id="myslideshow_inner" style="width: 100%; opacity: 1.1;"><span style="color: #000000;"><a href="http://www.digi.com.kh/device/" target="_new"> </a></span></div>
</div>
</div>
<div style="margin-top: 3px;"></div>
</div>
</div>
</div>